სამეგრელოსა და გურიის შემდეგ აზიურ ფაროსანასთან ბრძოლის პრეპარატები აჭარასაც გადაეცა

სამეგრელოსა და გურიის შემდეგ აზიურ ფაროსანასთან ბრძოლის მიზნით პრეპარატები აჭარასაც გადაეცა. აჭარის რეგიონს 13 000 ლიტრი ბიფენტრინის ჯგუფის პრეპარატი გადასცეს ქობულეთის, ხელვაჩაურის, ქედისა და ქ. ბათუმის შემოერთებული ტერიტორიის წარმომადგენლებთან. მავნებელთან ბრძოლის მიზნით, სახელმწიფო, ერთ ოჯახს ერთ ლიტრ შესაწამლ საშუალებას და ფერომონს უსასყიდლოთ აძლევს.

ბიფენტრინის ჯგუფის პრეპარატები, რომელიც მოსახლეობას დაურიგდება, რეკომენდებულია მსოფლიოს წამყვანი ენტომოლოგების მიერ და აზიურ ფაროსანასთან ბრძოლისას ერთ-ერთ ყველაზე ეფექტური საშუალებაა. მისი გამოყენების და უსაფრთხოების წესების დაცვის, აგრეთვე მავნებელთან ბრძოლის სხვა მეთოდების შესახებ, მოსახლეობას დაურიგდება საინფორმაციო მასალები.

აზიური ფაროსანას საწინააღმდეგოდ ღონისძიებების ფარგლებში დასავლეთ საქართველოში  დაახლოებით 100 ათასი ჰექტარი ფართობია უკვე დამუშავებული. მავნებლის საწინააღმდეგო ღონისძიებებში 13 სექტემბრიდან ჩართულია ავიაცია. რეგიონებში მობილიზებულია და მუშაობს  სოფლის მეურნეობის სამინისტროს და სურსათის ეროვნული სააგენტოს სპეციალური ტექნიკა.  მავნებელთან ბრძოლის მიზნით შექმნილი საკოორდინაციო დროებითი შტაბი.