შემოწმებული 30 კომპანიიდან უსაფრთხოების ნორმები დაცული არც ერთში არ იყო

თბილისში, შრომის უსაფრთხოებისა და ინსპექტირების საკითხებზე, საერთაშორისო კონფერენცია მიმდინარეობს.

როგორც ჟურნალისტებთან, დევნილთა, შრომის, ჯანმრთელობისა და სოციალური დაცვის მინისტრის მოადგილემ თამილა ბარკალაიამ განაცხადა, პირველი აგვისტოდან დღემდე შრომის ინსპექციამ არაგეგმურად შეამოწმა 30 კომპანია, რომელიც მძიმე, მავნე და საშიშპირობებიან სამუშაოებს აწარმოებს.

მისივე თქმით, შემოწმებულ კომპანიებში შრომის უსაფრთხოების ნორმები არც ერთში არ იყო სრულად დაცული.

მისი თქმით, კომპანიებს პრობლემის მოსაგვარებლად, შესაბამისი რეკომენდაციით მიმართეს.
„პირველი აგვისტოდან დღემდე დაახლოებით 30 კომპანიაა შემოწმდა. დაახლოებით 80%-ში იყო საშუალო რისკის შეფასება. გაიცა შესაბამისი რეკომენდაცია. არც ერთი კომპანია არ ყოფილა, სადაც სრულად იყო დაცული შრომის უსაფრთხოების ნორმები. რეკომენდაციების შესასრულებლად მიეცათ ვადა და ამ ვადის ამოწურვის შემდეგ, მსგავსი დარღვევების გამოვლენისთვის, ამოქმედდება ის სანქციები, რომელიც კანონითაა გათვალისწინებული“, - განაცხადა ბარკალაიამ.

შრომის უსაფრთხოების შესახებ კანონმდებლობა ახალი მიღებულია და მიმდინარე წლის პირველი აგვისტოდან ​ამოქმედდა.

ჯანდაცვის მინისტრის მოადგილის თამილა ბარკალაიას განცხადებით, შრომის ინსპექტირება და შრომის უსაფრთხოების კანონი ეკონომიკის ყველა სექტორზე გავრცელდება.