ლიეტუვამ, ლატვიამ და ესტონეთმა ერთმანეთთან საზღვრები გახსნეს

ბალტიის ქვეყნებმა კორონავირუსის ეპიდემიის შესუსტების ფონზე, დღეიდან ერთმანეთთან საზღვრები გახსნეს, - ამის შესახებ ინფორმაციას euronews ავრცელებს.

ლიეტუვას, ლატვიისა და ესტონეთის მოქალაქეებს აქვთ უფლება, რომ აღნიშნულ ქვეყნებში ყოველგვარი შეზღუდვის გარეშე გადაადგილდნენ.

ლიტვის ვილნიუსის პოლიტიკის ანალიზის ინსტიტუტის უფროსი, მარიუს ლაურინავიუსი ამბობს, რომ სიტუაცია ბალტიის ქვეყნებში უკეთესია, ვიდრე ევროპის სხვა ნაწილში. „მდგომარეობა ლიეტვუაში, ისევე როგორც ლატვიაში უფრო უკეთესია, ვიდრე ჩრდილოეთის ქვეყნებში“, - აღნიშნა მან.

ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.