imedi /  02 ივნისი 2019, 00:24 / სანდო წყარო

რატომ იღებს Disney ძველი მულტფილმების რიმეიქებს

Disney ყველასათვის კარგად ნაცნობი და საყვარელი მულტფილმების ახალი ვერსიების გადაღებას განაგრძობს, ესენია, „ალადინი“, „მეფე ლომი“; მარტში გამოვიდა სპილო დამბოზე შექმნილი მულტფილმის რიმეიქი, რომელიც ბოლო 4 წელიწადში მეოთხე „გადაკეთებული ვარიანტია“ „კონკიას“, „ჯუნგლების წიგნისა“ და „ურჩხული და მზეთუნახავის“ შემდეგ. BBC იმის გარკვევას შეეცადა, თუ რატომ არის რიმეიქები და სიქველები აქტუალური და ეფუძნება თუ არა ასეთი პროდუქცია ნოსტალგიის ექსპლუატაციას?

იზიდავთ თუ არა ადამიანებს წარსული?

კინომცოდნეების აზრით, კი. სწორედ ამიტომ ბოლო დროს გამოსული ფილმების უმრავლესობა სიქველი ან რიმეიქია. ამას სპეციალისტები რეალური სამყაროსგან თავის არიდების ერთგვარი საშუალებად მიიჩნევენ. ამავდროულად, ეს ბავშვობაში დაბრუნების მცდელობაა. სწორედ ამას ადასტურებს ზრდასრული ადამიანების ინტერესი მულტფილმებისადმი.

„ადამიანებს მოსწონთ ნოსტალგია“, - ამბობს ლონდონის სამეფო კოლეჯის ფსიქოლოგიის პედაგოგი ვეინანდ ვან ტილბურგი. მისი აზრით, ეს არის ძლიერი ემოცია, რომელიც რთულ პერიოდში გვეუფლება. ფსიქოლოგების განმარტებით, ახლანდელ და წარსულ „მეს“ შორის კავშირს ადამიანები ძალიან დიდ მნიშვნელობას ანიჭებენ. ეს მოგონებები ქმნიან წარსულის შელამაზებულ სურათს, რომელიც თავს უკეთ გვაგრძნობინებს.

სიქველი ცუდია?

სტუდია Pixar-ის სიქველები მკაცრად გააკრიტიკეს. მათ ორიგინალების აჩრდილი უწოდეს. კინოანალიტიკოსების თქმით, მთავარია სიქველი საინტერესოდ გაკეთდეს. „თუ თქვენ გინდათ ამა თუ იმ ფილმის თუ მულტფილმის გაგრძელების შემოთავაზება, რაიმე ახალი უნდა მოიფიქროთ,“ - ამბობენ კრიტიკოსები. მიუხედავად არც თუ ისე სახარბიელო შეფასებებისა, სტუდია Pixar-მა, რომელიც Disney-ს ნაწილია, გამოუშვა „სათამაშოების ისტორია 2“. მისი ბოლო 10 ფილმიდან 6 კი სიქველი იყო. მომავალ ზაფხულს Pixar-ი „სათამაშოების ისტორია 4“-ს გამოშვებას გეგმავს.

არის თუ არა მაყურებლისთვის ეს ტემპი მისაღები?

სტუდია Disney-ს გულშემატკივრები ამბობენ, რომ რიმეიქები თავიანთ მომხიბვლელობას ნელ-ნელა კარგავენ. მათი აზრით, თუ მაყურებელი ერთი და იმავე ისტორიის რამდენიმე ვერსიას იხილავს, სიახლის ეფექტი დაიკარგება. თუმცა არც იმას გამორიცხავენ, რომ თითოეული ეს მცდელობა, შესაძლოა, „პირველი“ გახდეს.

Disney-ს გამგეობის თავმჯდომარემ ბობ აიგერმა გასულ წელს „ვარსკვლავურ ომებთან“ დაკავშირებით აღიარა, რომ კორპორაციამ „ძალიან იჩქარა“. აქ საქმე ეხება ფრანშიზის გაგრძელებას მას შემდეგ, რაც ჰან სოლოზე გადაღებული ბოლო ფილმი აუდიტორიამ ცივად მიიღო. Disney-მ დააანონსა ახალი ტრილოგია, რომლის შემადგენელი ნაწილები კინოთეატრებში 2022, 2024 და 2026 წლებში გამოვა. „დამბოს“ რიმეიქის ჩავარდნა კი სპეციალსიტებს აფიქრებინებს, რომ მაყურებელი ძველის გადაკეთებით ნამდვილად დაიღალა.

კინოგიგანტის მანქანა კი ერთ ადგილზე არ ჩერდება: „მეფე ლომის“ შემდეგ მომდევნო წლის მარტში ახალი სრულმეტრაჟიანი „მულანი“ გველოდება. გარდა ამისა, Disney-მ 2021-დან 2023 წლამდე ცხრა ფილმის ეკრანებზე გამოსვლის შესახებ უკვე განაცხადა. ჯერ ოფიციალურად არ არის დადასტურებული, მაგრამ კინოსტუდიის ანონიმური წყაროს ცნობით, ამ ფილმების ნაწილი ან შესაძლოა, ყველა, სრულმეტრაჟიანი ანიმაციური ფილმების რიმეიქი იქნება. ეს შეიძლება იყოს „კუზიანი ნოტრ-დამიდან“, „პიტერ პენი“ და „პინოქიო“.

რა კავშირია ნოსტალგიასა და განწყობას შორის?

ფსიქოლოგების აზრით, ნოსტალგიას ძლიერი სოციალური შემადგენელი ახლავს. გამოკვლევებით დასტურდება, რომ ადამიანები ნოსტალგიურ მოგონებებს იყენებენ იმისთვის, რომ თავი უკეთ იგრძნონ. ამასთან ნოსტალგია ახასიათებთ იმ ადამიანებს, რომლებსაც დაბალი თვითშეფასება აქვთ ან თავს დაკარგულად გრძნობენ. სოციოლოგიურმა კვლევამ აჩვენა, რომ ახალგაზრდა ადამიანები დღეს ოჯახისა და მეგობრებისგან თავს გაცილებით იზოლირებულად გრძნობენ და შესაძლოა, ნოსტალგია ამასთან გამკლავების ერთგვარ საშუალებად მიაჩნდეთ. სწორედ ამით ხსნიან ფსიქოლოგები მულტფილმების აქტუალობას.

ყველა სიახლე

ლიბრა

14 ოქტომბერი 2019, 10:37

ეკონომიკა

Facebook-ის კრიპტოვალუტას G7-ის ჯგუფიც აკრიტიკებს

G7-ის ჯგუფში შემავალი ქვეყნების ანგარიშის თანახმად, სოციალური ქსელის გიგანტის მიერ ასეთი სახის კრიპტოვალუტის გამოშვება გლობალურ ფინანსურ ეკონომიკას უქმნის საფრთხეს. ანგარიშის მიხედვით, Facebook-მა რომც გადაჭრას ის საკითხები, რომელზეც G7 მიუთითებს, მის მიერ ლიბრას შექმნა მაინც საფრთხის შემცველი იქნება.

ჰანთერ ბაიდენი

14 ოქტომბერი 2019, 10:18

მსოფლიო

ჯო ბაიდენის ვაჟი ჩინური კომპანია BHR-ის დირექტორთა საბჭოს ტოვებს

მისი ადვოკატის განცხადებით, ჰანთერ ბაიდენი ბიზნესის სფეროში დამოუკიდებლად მოქმედებდა, თუმცა 31 ოქტომბრიდან BHR-ის ხელმძღვანელის პოსტს დატოვებს, რათა თავიდან აიცილოს ინტერესთა შესაძლო კონფლიქტი იმ შემთხვევაში, თუ ჯო ბაიდენი 2020 წელს აშშ-ის პრეზიდენტი გახდება.

ტაიფუნი „ჰაგიბისი“

14 ოქტომბერი 2019, 10:09

მსოფლიო

იაპონიაში ტაიფუნის შემდეგ სამაშველო ოპერაციებში 110 ათასზე მეტი ადამიანი მონაწილეობს

ათასობით პოლიციელი, მაშველი, სანაპირო დაცვის თანამშრომელი და სამხედროა ჩართული სალიკვიდაციო და სამაშველო ღონისძიებებში. ტაიფუნი განსაკუთრებით თავს დაატყდა იაპონიის რვა პრეფექტურას, სადაც ქარის სიჩქარე საათში 225 კილომეტრს აღწევდა.

წყალი ხარისხი

14 ოქტომბერი 2019, 09:48

საქართველო

რა გზას გადის წყალი, სანამ ონკანებამდე მივა

წყალი, რომლითაც დედაქალაქი მარაგდება, ყველა სტანდარტს აკმაყოფილებს. თბილისს ნატახტრის საუკეთესო წყლით თვითდინებით ამარაგებს ნატახტრის სიფონური წყალსადენის სისტემა. მიწისქვეშა წყლებთან ერთად, თბილისის მოსახლეობის უდიდესი ნაწილი ჟინვალის წყალსაცავიდან აღებულ წყალს მოიხმარს.

დავით ზალკალიანი

14 ოქტომბერი 2019, 09:33

საქართველო

მიმდინარე კვირას პარლამენტში დავით ზალკალიანს მოუსმენენ

მიმდინარე კვირას პარლამენტში საგარეო საქმეთა მინისტრს დავით ზალკალიანს მოუსმენენ. საგარეო უწყების ხელმძღვანელი საკანონმდებლო ორგანოში მინისტრის საათის ფარგლებში მივა. ზალკალიანთან კითხვები აქვთ, როგორც ოპოზიციის ასევე უმრავლესობის წარმომადგენლებს.

საბავშვო სავარძელი

14 ოქტომბერი 2019, 09:22

საქართველო

ავტომანქანით 12 წლამდე ბავშვის სავარძლით გადაყვანა შესაძლოა სავალდებულო გახდეს

ავტომანქანით 12 წლამდე ბავშვის გადაყვანასთან დაკავშირებული რეგულაციები შესაძლოა გამკაცრდეს. საგზაო მოძრაობის შესახებ კანონში შესაბამისი ცვლილებების ინიცირება ბიუროს სხდომაზე მოხდება. კანონპროექტის ავტორი არასამთავრობო ორგანიზაციების წარმომადგენლები მიიჩნევენ, რომ არსებულ კანონმდებლობას ხარვეზი აქვს.

YouTube

14 ოქტომბერი 2019, 09:06

ტექნოლოგიები

პირველად YouTube-ის ისტორიაში ვიდეოზე კომენტარმა მილიონი „ლაიქი“ დააგროვა

პირველად YouTube-ის ისტორიაში ვიდეოზე კომენტარმა 1 მილიონი „ლაიქი“ დააგროვა. ამის შესახებ Twitter-ზე კომენტარის ავტორმა სეთ ევერმანმა დაწერა. 1 მილიონი ლაიქის დასაგროვებლად მას 5 თვე დასჭირდა, ახლა კი ლაიქების რაოდენობა 1,1 მილიონს აჭარბებს.

ლენინ მორენო

14 ოქტომბერი 2019, 08:42

მსოფლიო

ეკვადორში საპროტესტო აქციები შეწყდება

ეკვადორის ხელისუფლება და მომიტინგეები საპროტესტო აქციების შეწყვეტაზე შეთანხმდნენ, - ამის შესახებ მოლაპარაკებებში შუამავლის როლის შემსრულებელმა, ეკვადორში გაეროს წარმომადგენელმა არნო პენალმა ქვეყნის პრეზიდენტის ლენინ მორენოსა და მკვიდრი ხალხების კონფედერაციის წარმომადგენლების შეხვედრის შემდეგ განაცხადა.

სირიელი ქურთები

14 ოქტომბერი 2019, 08:26

მსოფლიო

სირიელმა ქურთებმა დამასკოსთან შეთანხმებას მიაღწიეს

სირიელი ქურთების თვითმმართველობის ინფორმაციით, მათ ქვეყნის ხელისუფლებასთან შეთანხმებას მიაღწიეს და თურქეთთან საზღვარზე ბაშარ ასადის მთავრობა დამატებით ძალებს გაგზავნის. ინფორმაციას ამის შესახებ BBC ავრცელებს.

სვეტიცხოვლის საკათედრო ტაძარი

14 ოქტომბერი 2019, 08:04

საქართველო

დღეს სვეტიცხოვლობაა

საქართველოს მართლმადიდებელი ეკლესია სვეტიცხოვლობას აღნიშნავს. ამასთან დაკავშირებით ტაძრებში წირვა-ლოცვა შესრულდება. კათოლიკოს-პატრიარქი ლიტურგიას სწორედ მცხეთაში, სვეტიცხოვლის საკათედრო ტაძარში აღავლენს. წირვა 10:00 საათზე დაიწყება.

კენია

14 ოქტომბერი 2019, 00:45

მსოფლიო

კენიაში აფეთქებას 10 პოლიციელი ემსხვერპლა

კენიის პოლიციის მიერ გავრცელებული განცხადების მიხედვით, გამოძიება აჩვენებს, რომ თავდასხმა სავარაუდოდ სომალიში დაფუძნებულმა მეამბოხე ჯგუფმა „ალ-შაბააბი“ განახორციელა. მედიის ცნობით, პოლიციელები ქალაქ გარისას გენერალური სამსახურის ოფიცრები იყვნენ. ივნისში, აფეთქების ადგილის სიახლოვეს, ანალოგიური ინციდენტის დროს 12 პოლიციელი დაიღუპა.

სირია

14 ოქტომბერი 2019, 00:43

მსოფლიო

სირიის ქალაქ რას-ელ-აინში თურქეთის ავიაიერიშებს 14 ადამიანი ემსხვერპლა

რამი აბდულრაჰმანის განცხადებით, ავიაიერიშის სამიზნე ერთ ტერიტორიაზე მყოფი ადამიანთა ჯგუფი გახდა, რომლებიც ქალაქ რას-ელ-აინში ქალაქ ქამიშლიდან მხარდაჭერის გამოსახატად ჩავიდნენ, ვინაიდან თურქეთის ძალები სირიის ჩრდილოეთით ქურთების მიერ კონტროლირებად ტერიტორიას უტევენ.

კარდინალი ნიუმანი

14 ოქტომბერი 2019, 00:26

მსოფლიო

რომის პაპმა ბრიტანელი კარდინალი ჯონ ჰენრი ნიუმანი წმინდანად შერაცხა

ნიუმანი ბრიტანელი თეოლოგი და პოეტი იყო, რომელიც 1801-1890 წლებში ცხოვრობდა. მან დიდი ბრიტანეთის ეკლესია დატოვა და 1845 წელს კათოლიკე გახდა. ამ ნაბიჯის შემდეგ მას ბევრი ჩამოშორდა, თუმცა ნიუმანმა პროტესტანტულ ბრიტანეთში კათოლიციზმს მეტი აღიარება მოუტანა.

14 ოქტომბერი 2019, 00:20

კულტურა

ბაკურიანში ქართული კინოფორუმი დაიხურა

ბაკურიანში ქართული კინოს ფორუმი გიორგი მრევლიშვილის დოკუმენტური ფილმით „თორმეტი გაკვეთილი“ დაიხურა. ეროვნული კინოცენტრის ინფორმაციით, 4 დღის განმავლობაში კინოფორუმი საზოგადოებას სთავაზობდა იმ ქართულ ფილმებს, რომლებიც ფართო საზოგადოებას ჯერ არ უნახავს. კინომემკვიდრეობისა და თანამედროვე ქართული კინოს გამოწვევებზე დისკუსიები გაიმართა.

ტაქსისტი

14 ოქტომბერი 2019, 00:05

ძალოვნები

პოლიციამ ვაკეში ტურისტის ცემისთვის ტაქსის მძღოლი დააკავა

გამოძიებით დადგინდა, რომ დაკავებულმა პირმა, აბაშიძის ქუჩაზე ურთიერთშელაპარაკების ნიადაგზე, უკრაინის მოქალაქეს ჯერ სიტყვიერი, შემდეგ კი ფიზიკური შეურაცხყოფა მიაყენა. ასევე, დააზიანა მისი კუთვნილი ნივთები. ჩადენილი დანაშაული 3 წლამდე ვადით თავისუფლების აღკვეთას ითვალისწინებს.

ემანუელ მაკრონი ანგელა მერკელი

14 ოქტომბერი 2019, 00:03

მსოფლიო

ევროპელი ლიდერები თურქეთს ჩრდილოეთ სირიაში სამხედრო ოპერაციის შეწყვეტისკენ მოუწოდებენ

გერმანიის და საფრანგეთის ლიდერები თურქეთს ჩრდილოეთ სირიაში სამხედრო ოპერაციის შეჩერებისკენ მოუწოდებენ. ემანუელ მაკრონის და ანგელა მერკელის შეფასებით, თურქეთის ქმედება რეგიონში ჰუმანიტარული თვალსაზრისით მძიმე შედეგს გამოიწვევს და „ისლამურ სახელმწიფოს“ შეუწყობს ხელს.

პოლონეთი

13 ოქტომბერი 2019, 23:54

მსოფლიო

ეგზიტპოლი: პოლონეთის მმართველ პარტიას პარლამენტში უმრავლესობა ექნება

PiS-ს წინასწარი მონაცემებით ხმათა 43.6% აქვს. ოპოზიციურ სამოქალაქო კოალიციას, რომელიც პარტია "სამოქალაქო პლატფორმისა" (რომელსაც ადრე ევროსაბჭოს ყოფილი პრეზიდენტი დონალდ ტუსკი ედგა სათავეში) და რამდენიმე მცირე პარტიისგან შედგება, მეორე ადგილზეა ხმათა 27.4%-ით.

ჰონგ-კონგი

13 ოქტომბერი 2019, 23:39

მსოფლიო

ჩინეთის პრეზიდენტი ჰონგკონგელ დემონსტრანტებს „დამსხვრეული ძვლებით“ ემუქრება

ჩინეთის პრეზიდენტმა სი ძინპინიმ ჰონგ-კონგის საპროტესტო აქციებთან დაკავშირებით მკაცრი გაფრთხილება გაავრცელა და განაცხადა, რომ ჩინეთისგან გამოყოფის ნებისმიერი მცდელობა "დასრესილი სხეულებით და დამტვრეული ძვლებით" დასრულდება. ეს განცხადება მან ნეპალში ვიზიტის შემდეგ გააკეთა.

13 ოქტომბერი 2019, 23:15

მსოფლიო

ეგზიტპოლის მიხედვით ტუნისმა პრეზიდენტად კაის საიდი აირჩია

ეგზიტპოლის მიხედვით, ტუნისის საპრეზიდენტო არჩევნების მეორე ტურში კაის საიდმა 72.53%-ით მოიგო. ნაბილ კარუიმ კი 27,47% მოაგროვა. ეგზიტპოლში გამარჯვებულმა კანდიდატმა, 61 წლის სამართლის პროფესორმა კაის საიდმა პირველ ტური 18.4%-ით მოიგო.

კლოუნი

13 ოქტომბერი 2019, 23:03

ტაბლოიდი

აშშ-ში მშობლები ურჩი შვილების შესაშინებლად კლოუნ „ნაოჭას“ ქირაობენ

კაცმა ამისთვის იყიდა ნაოჭებიანი ნიღაბი, რომელიც კლოუნის მსგავსი გრიმით მოხატა, ჩაიცვა ფორმაც და იმ მშობლების ზარებმაც არ დააყოვნა, რომლებსაც შვილებთან გამკლავება უკვე უჭირდათ. ერთხელ ქალმა "ნაოჭას" სთხოვა, რომ მის შვილს სკოლის გაჩერებასთან შეხვედროდა.