ფილმმა „და ჩვენ ვიცეკვეთ“ მინსკის კინოფესტივალზე მორიგი ჯილდო მიიღო

მინსკის საერთაშორისო კინოფესტივალზე „LISTAPAD“ ქართულ-შვედურმა ფილმმა „და ჩვენ ვიცეკვეთ“ მორიგი ჯილდო მოიპოვა.

კერძოდ, ლევან აკინის ფილმში „და ჩვენ ვიცეკვეთ“ შესრულებული როლისთვის ლევან გელბახიანმა ნომიცანიაში „საუკეთესო მსახიობი კაცი“ გაიმარჯვა. ფესტივალზე გამარჯვება სხვა ქართულმა პროექტებმაც მოიპოვეს. დიმიტრი მამულიას ფილმმა „ბოროტმოქმედი“ ორ ნომინაციაში გაიმარჯვა: საუკეთესო სცენარი და საუკეთესო მუსიკა. ნომინაციაში „საუკეთესო მსახიობი ქალი“ კი სალომე დემურიამ გაიმარჯვა, ფილმისთვის „ჩაისუნთქე-ამოისუნთქე".

თბილისსა და ბათუმში კი ფილმის და ჩვენ ვიცეკვეთ“ საპროტესტო აქციების ფონზე მიმდინარეობს.

ქართველი გეი წყვილის სიყვარულზე გადაღებული, ლევან აკინის ფილმის „და ჩვენ ვიცეკვეთ"-ის პრემიერა წელს, კანის კინოფესტივალზე გაიმართა. ფილმმა ფესტივალის 10 საუკეთესო ფილმს შორის მეშვიდე ადგილი დაიკავა. ნამუშევარი ჩიკაგოს კინოფესტივალზე საუკეთესო უცხოენოვან ფილმად დასახელდა. 

ფილმის მონაწილე მსახიობი კი კანის ფესტივალის ერთ-ერთ აღმოჩენად აღიარეს. გეი სიყვარულზე გადაღებული ქართულ-შვედური ფილმი „ოსკარზეც“ წარადგინეს. 

ტრეილერი შეგიძლიათ, ამ ბმულზე ნახოთ.