imedi /  13 ივნისი 2020, 12:51 / სანდო წყარო

ფონდი „ქართუს“ დაფინანსებით წელს კულტურული მემკვიდრეობის 100-მდე ძეგლის რეაბილიტაცია მიმდინარეობს

„ბიძინა ივანიშვილსა და ფონდ „ქართუს“ კულტურის სფეროში ქველმოქმედების სახით მილიარდ ლარამდე აქვს გაღებული. მხოლოდ მიმდინარე წელს, ძეგლთა დაცვის მიმართულებით „ქართუს“ საქველმოქმედო დაფინანსება 20 მილიონ ლარს აჭარბებს, რომლის ფარგლებშიც, 100-მდე ძეგლზე სარესტავრაციო-სარეაბილიტაციო სამუშაოები მიმდინარეობს - ამის შესახებ კულტურული მემკვიდრეობის დაცვის ეროვნული სააგენტოს წლიური ანგარიშის პრეზენტაციაზე ითქვა“, - ამის შესახებ ინფორმაციას „ქართული ოცნების“ Facebook გვერდი კულტურული მემკვიდრეობის დაცვის ეროვნული სააგენტოს წლიურ ანგარიშთან დაკავშირებით ავრცელებს.

„ვარძიაში გამართულ პრეზენტაციაზე სააგენტოს ხელმძღვანელმა, ნიკოლოზ ანთიძემ საზოგადოებას 2019 წელს განხორციელებული და მიმდინარე პროექტები წარუდგინა.
ფონდი „ქართუს“ გამგეობის თავმჯდომარის, ნიკოლოზ ჩხეტიანის თქმით, ფონდს საქართველოს მასშტაბით აღდგენილი აქვს რვაასზე მეტი ისტორიული კულტურული ძეგლი.

„წელს გვაქვს ძალიან ინტენსიური პროგრამა, 98 ძეგლის აღდგენას ვაპირებთ, ამისთვის გამოყოფილია 21 მილიონი ლარი. თუ საჭიროება დადგა და პანდემიური სიტუაცია შესაძლებლობას მოგვცემს, ეს ბიუჯეტი გაიზრდება. ძალიან ოპტიმისტურად ვუყურებთ წლევანდელ გეგმას და ვაპირებთ, კვლავაც მხარში დავუდგეთ სახელმწიფოს და დავიცვათ ჩვენი კულტურული მემკვიდრეობა“, - განაცხადა ნიკოლოზ ჩხეტიანმა.

მასშტაბურ პროექტებს შორის, ნიკოლოზ ჩხეტიანი აწყურის ტაძრის აღდგენას ასახელებს, რომლის დასრულება 2022 წლისთვის იგეგმება.

როგორც პრეზენტაციაზე აღინიშნა, 2019 წელს ფონდი „ქართუს“ ძალისხმევით, კულტურული მემკვიდრეობის 75 ძეგლის რეაბილიტაცია განხორციელდა.

სააგენტოს ხელმძღვანელმა, ნიკოლოზ ანთიძემ მადლობა გადაუხადა საქართველოს კულტურული მემკვიდრეობის მოვლის პროცესში სახელმწიფოს მთავარ პარტნიორს – ფონდ „ქართუს“, რომლის დაფინანსების წილი სახელმწიფოს დაფინანსების წილს აღემატება.

ქართული კულტურის მიმართულებით სხვადასხვა პროექტებს „ფონდი ქართუ“ უკვე ოცი წელია მუდმივად აფინანსებს, მათ შორის, კულტურული მემკვიდრეობის ძეგლების დაცვას, მათ აღდგენა-რესტავრაციასა და მოვლა-პატრონობას.
კულტურული მემკვიდრეობის დაცვის ეროვნული სააგენტოს წლიური ანგარიშის პრეზენტაციაში განათლების, მეცნიერების, კულტურისა და სპორტის მინისტრმა, მიხეილ ჩხენკელმაც მიიღო მონაწილეობა.

პრეზენტაციას ფონდი „ქართუს“ სამეთვალყურეო საბჭოს თავმჯდომარე ნიკოლოზ ჩხეტიანი, პრემიერ-მინისტრის მრჩეველი, სოზარ სუბარი, ხელისუფლებისა და საქართველოს საპატრიარქოს წარმომადგენლები ესწრებოდნენ“, - ნათქვამია განცხადებაში.

ყველა სიახლე

პაატა იმნაძე

13 ივლისი 2020, 19:52

COVID19

პაატა იმნაძე: დღეისათვის არსებული მონაცემებით ყველა უცხოელმა ნებაყოფლობით ტესტირებაზე თანხმობა განაცხადა

დღეისათვის არსებული მონაცემებით ყველა უცხოელმა ნებაყოფლობით ტესტირებაზე თანხმობა განაცხადა, ხოლო ქართველებმა, რომლებსაც შეუძლიათ ამ ქვეყანაში უცხო ქვეყნის პასპორტით ჩამოსვლა, უარი განაცხადეს ტესტირებაზე , - ამის შესახებ დაავადებათა კონტროლის ეროვნული ცენტრის ხელმძღვანელის მოადგილემ, პაატა იმნაძემ, ამირან გამყრელიძესთან და ხათუნა ზახაშვილთან ერთად გამართულ „ფეისბუქლაივში“ განაცხადა.

დავით ზალკალიანი

13 ივლისი 2020, 19:49

პოლიტიკა

დავით ზალკალიანმა აზერბაიჯანელ და სომეხ კოლეგებთან სატელეფონო საუბრები გამართა

2020 წლის 13 ივლისს საქართველოს საგარეო საქმეთა მინისტრმა, დავით ზალკალიანმა სატელეფონო საუბრები გამართა აზერბაიჯანის და სომხეთის საგარეო საქმეთა მინისტრებთან, ელმარ მამედიაროვთან და ზოჰრაბ მნაცაკანიანთან.

13 ივლისი 2020, 19:41

სპორტი

ბრიტანელი ტანმოვარჯიშეები ეროვნული ნაკრების მთავარ მწვრთნელებს ძალადობასა და სექსუალურ შევიწროებაში ადანაშაულებენ

ბრიტანელი ტანმოვარჯიშეები ეროვნული ნაკრების მთავარ მწვრთნელებს ძალადობასა და სექსუალურ შევიწროებაში ადანაშაულებენ. კეტრინ ლაიონსმა და ლიზა მეისონმა განაცხადეს, რომ წლებია ნაკრების მწვრთნელები მათზე ძალადობდნენ და კონკრეტული ფაქტებიც დაასახელეს.

კობა კობალაძე

13 ივლისი 2020, 19:36

სამართალი

კობა კობალაძე: სამართლის წინაშე ყველა ვართ თანასწორი

„ვერ გადავერთვები იურისპრუდენციაში, ეს არ არის ჩემი პროფესია, ჩვენ ვსარგებლობთ პროფესიონალი იურისტის მომსახურებით. რაც შეეხება ჩემს, როგორც მშობლის, პოზიციას, საკმაოდ პასუხისმგებლობით ვცხოვრობ, მიცხოვრია და ვიქნები ასე მეც და ჩემი ოჯახის თითოეული წევრიც. თითოეულმა დაიწეროს გულის ფიცარზე - სამართლის წინაშე ყველა ვართ თანასწორი და არც არავის ნებასურვილის, ან დაკვეთის გამო არც მართალი ადამიანი დაისჯება და არც მტყუანი გამართლდება", - განაცხადა კობა კობალაძემ.

მევლუთ ჩავუშოღლუ

13 ივლისი 2020, 19:35

მსოფლიო

მევლუთ ჩავუშოღლუ: სომხურ მხარეს მოვუწოდებ, გონს მოეგოს - რა გამოსავალსაც აირჩევს აზერბაიჯანი, ჩვენ მათ მხარს დავუჭერთ

თურქეთის საგარეო საქმეთა მინისტრი, მევლუთ ჩავუშოღლუ სომხეთ-აზერბაიჯანის საზღვართან განვითარებულ მოვლენებს გამოეხმაურა.

13 ივლისი 2020, 19:33

სამართალი

ქალთა მიმართ ან ოჯახში ძალადობის ფაქტზე, ძალადობის განმეორების საფრთხის არსებობისას, მოძალადეზე ელექტრონული ზედამხედველობის განხორციელება იქნება შესაძლებელი

საქართველოს პარლამენტმა მე-3 მოსმენით შინაგან საქმეთა სამინისტროს მიერ შემუშავებული „ქალთა მიმართ ძალადობის ან/და ოჯახში ძალადობის აღკვეთის, ძალადობის მსხვერპლთა დაცვისა და დახმარების შესახებ“ საქართველოს კანონის და სხვა თანმდევი ცვლილებების პროექტი დღეს მიიღო.

13 ივლისი 2020, 19:22

სპორტი

თორნიკე შენგელიას ტრანსფერი ევროპის საზაფხულო ტრანსფერების ათეულში მეორე ადგილზეა

მასალა ცნობილმა ვებგვერდმა „ევროჰუპსმა“ გაავრცელა და ქართველ კალათბურთელზე წინ მხოლოდ სერბი ნიკოლა მილუტინოვი დააყენეს, რომელიც „ცსკა“-ს „ოლიმპიაკოსიდან“ შეუერთდა. შენგელიამ ახალ გუნდთან 3-წლიანი კონტრაქტი გააფორმა და მისი წარდგენა აგვისტოს შუა რიცხვებშია დაგეგმილი.

ნიკოლოზ მჭედლიშვილი

13 ივლისი 2020, 19:21

ეკონომიკა

ნიკოლოზ მჭედლიშვილი: სახელმწიფო ინტერესებზე მაღლა ვერ დადგება ვერც ბიზნესი და ვერც რომელიმე სფერო

დღეს სახელმწიფოს იმაზე ძლიერი მექანიზმი აქვს სანქცირების ვიდრე დროებითი მმართველის შეყვანაა კომპანიაში. დღეს მოქმედი კანონმდებლობით სახელმწიფოს, და ამ შემთხვეევაში კომუნიკაციების კომისიას საერთოდ ავტორიზაციის ან ლიცენზიის გაუქმება შეუძლია კომპანიებისთვის კანონდარღვევის აღმოუფხვრელობის შემთხვევაში. სახელმწიფო, რომ სწორედ ბიზნეს ინტერესებზე და საზოგადოებაზე არ ფიქრობდეს ამ მექანიზმს გამოიყენებდა, მაგრამ სწორედ საზოგადოებრივი და სახელმწიფო ინტერესების გათვალისწინებით ცდილობენ შუალედური მოდელის შემოტანას, რომელიც არც საზოგადოებას დააზარალებს და დატოვებს კომუნიკაციის გარეშე, არც სახელმწიფოს და არც ბიზნესს, - ამის შესახებ ექსპერტი ნიკოლოზ მჭედლიშვილი სოციალურ ქსელში წერს.

ტედროს ადჰანომ გებრეიესუსი

13 ივლისი 2020, 19:18

COVID19

ჯანმოს დირექტორი: ახლო მომავალში ნორმალური ცხოვრებისკენ დაბრუნება არ მოხდება

ჯანდაცვის მსოფლიო ორგანიზაციის გენერალურმა დირექტორმა, ტედროს ადჰანომ გებრეიესუსმა განაცხადა, რომ „ახლო მომავალში ნორმალური ცხოვრებისკენ დაბრუნება არ მოხდება“.

პაატა იმნაძე

13 ივლისი 2020, 19:18

COVID19

პაატა იმნაძე: სახლში, სასტუმროში არავითარი პრობლემა არაა ნებისმიერი ტიპის კონდიციონერის გამოყენების

როდესაც სასტუმროს ნომერში ერთი ოჯახია განთავსებული, არავითარი პრობლემა იქ კონდიციონერის ჩართვის არ არის, - ამის შესახებ დაავადებათა კონტროლის ეროვნული ცენტრის ხელმძღვანელის მოადგილემ, პაატა იმნაძემ, ამირან გამყრელიძესთან და ხათუნა ზახაშვილთან ერთად გამართულ „ფეისბუქლაივში“ განაცხადა. მისი თქმით, სახლში და სასტუმროში ნებისმიერი სახის კონდიციონერის გამოყენება შესაძლებელია.

13 ივლისი 2020, 19:08

სამართალი

დეპუტატ კობა კობალაძის შვილსა და კიდევ 5 პირს აღკვეთის ღონისძიების სახით პატიმრობა შეეფარდათ

თბილისის საქალაქო სასამართლომ დააკმაყოფილა ბრალდების მხარის მოთხოვნა და ძალადობისა და ჯანმრთელობის დაზიანების ფაქტზე დაკავებულ 6 პირს, აღკვეთის ღონისძიების სახით, პატიმრობა შეუფარდა. ბრალდებულებს შორისაა „ქართული ოცნების“ დეპუტატის, კობა კობალაძის შვილი, დავით კობალაძე.

სალომე ზურაბიშვილი

13 ივლისი 2020, 19:05

პოლიტიკა

საქართველოს პრეზიდენტი აზერბაიჯანისა და სომხეთის საზღვარზე მომხდარი შეიარაღებული დაპირისპირების გამო წუხილს გამოთქვამს

საქართველოს პრეზიდენტი წუხილს გამოთქვამს 12-13 ივლისს აზერბაიჯანისა და სომხეთის საზღვარზე მომხდარი შეიარაღებული დაპირისპირების გამო,- ამის შესახებ ნათქვამია პრეზიდენტის პრესსამსახურის მიერ გავრცელებულ განცხადებაში.

ამერიკის საელჩო

13 ივლისი 2020, 19:02

პოლიტიკა

ამერიკის საელჩო: ბავშვებზე ძალადობის, სექსუალური ექსპლუატაციისა და ტრეფიკინგის მსხვერპლთა დაცვის შესახებ კანონპროექტის მიღებით საქართველომ წარმოაჩინა ლიდერობა

„ამ კანონის მიღებით საქართველომ წარმოაჩინა ლიდერობა. მზად ვართ, დავეხმაროთ საქართველოს ამ კანონმდებლობის აღსრულებასა და შემდგომი რეფორმების განხორციელებაში მსხვერპლთა დაცვისა და დამნაშავეთა პასუხისგებაში მიცემის მიზნით“, - ამ შინაარსის განცხადებას ამერიკის საელჩო ავრცელებს.

13 ივლისი 2020, 19:01

COVID19

გაერო: კორონავირუსის პანდემიის გამო 130 მილიონზე მეტ ადამიანს ქრონიკული შიმშილი ემუქრება

გაეროს ანგარიშის პროგნოზით, 2020 წლის ბოლოსთვის კორონავირუსის პანდემიის გამო 130 მილიონზე მეტი ადამიანი ქრონიკული შიმშილის მდგომარეობაში შეიძლება აღმოჩნდეს.

დავით ნარმანია

13 ივლისი 2020, 19:00

ეკონომიკა

დავით ნარმანიამ განმარტა, რა შემთხვევვაში არ მისცემს სემეკი ენერგოკომპანიას წილის 5%-ზე მეტის გასხვისებას

ადრე კომპანიები, როცა თავის წილს ასხვისებდნენ, მხოლოდ შემდეგ აცნობებდნენ კომისიას, ისიც სავალდებულო არ იყო. უბრალოდ აწვდიდნენ ინფორმაციას ხელმძღვანელის შეცვლის ან წილის გასხვისების შესახებ, რომ სემეკ-ს თავის რეესტრის შესაბამისი ასახვა გაეკეთებინა, - ამის შესახებ საქართველოს ენერგეტიკისა და წყალმომარაგების მარეგულირებელი ეროვნული კომისიის თავმჯდომარემ, დავით ნარმანიამ „ენერგეტიკისა და წყალმომარაგების შესახებ" კანონში შესატანი ცვლილებების პროექტის შესახებ საუბრისას გადაცემა „დღის ქრონიკაში“ განაცხადა.

13 ივლისი 2020, 19:00

ეკონომიკა

ნათია თურნავა: ტურიზმის სექტორს მთელი მთავრობა ძალიან ინტენსიურად ვეხმარებით, რათა შევუმსუბუქოთ კრიზისის ზემოქმედება

ეკონომიკისა და მდგრადი განვითარების მინისტრი ნათია თურნავა ტურისტული ინდუსტრიის წარმომადგენლებს შეხვდა და კორონავირუსის პანდემიით გამოწვეული პრობლემები და მათი დარეგულირების საკითხები განიხილა. შეხვედრას სასტუმროების, ტურისტული ასოციაციებისა და ტუროპერატორების წარმომადგენლები ესწრებოდნენ.

ლაშა დარსალია

13 ივლისი 2020, 18:55

პოლიტიკა

საგარეო საქმეთა მინისტრის მოადგილემ გაერო-ს პოლიტიკურ ფორუმზე ნებაყოფლობითი ეროვნული მიმოხილვის ამსახველი ანგარიში წარადგინა

2020 წლის 13 ივლისს, საქართველოს საგარეო საქმეთა მინისტრის მოადგილემ, ლაშა დარსალიამ მდგრადი განვითარების შესახებ გაერო-ს მაღალი დონის პოლიტიკური ფორუმზე (HLPF), მდგრადი განვითარების მიზნების (SDGs) განხორციელების თაობაზე საქართველოს ნებაყოფლობითი ეროვნული მიმოხილვის (VNR) ამსახველი ანგარიში წარადგინა.

13 ივლისი 2020, 18:49

პოლიტიკა

კახაბერ კუჭავამ ისრაელის საგანგებო და სრულუფლებიან ელჩთან, რან გიდორთან გაცნობითი ხასიათის შეხვედრა გამართა

პარლამენტის თავმჯდომარის მოადგილემ, კახაბერ კუჭავამ ისრაელის საგანგებო და სრულუფლებიან ელჩთან, რან გიდორთან გაცნობითი ხასიათის შეხვედრა გამართა. შეხვედრაზე მხარეებმა საქართველო-ისრაელს შორის არსებული ურთიერთობები მიმოიხილეს და სამომავლო თანამშრომლობის პრიორიტეტებზე ისაუბრეს. კახაბერ კუჭავას განცხადებით, ისრაელი საქართველოს მეგობარი და პარტნიორი სახელმწიფოა და არის მთელი რიგი მიმართულებები, სადაც თანამშრომლობის გაძლიერების შესაძლებლობები არსებობს.

პაატა იმნაძე

13 ივლისი 2020, 18:45

COVID19

პაატა იმნაძე განმარტავს, არიან თუ არა კოღოები კორონავირუსის გამავრცელებლები

ახალი კორონავირუსი კოღოების მეშვეობით არ გადაეცემა, - ამის შესახებ დაავადებათა კონტროლის ეროვნული ცენტრის ხელმძღვანელის მოადგილემ, პაატა იმნაძემ განაცხადა. „დაწყნარდით, ესაა წვეთოვანი ინფექცია. გამოჩნდა გარკვეული მოსაზრებები, რომ შესაძლოა, ჰაეროვანი გზითაც გადაიცემოდეს... ყოველ შემთხვევაში, კოღოები ნამდვილად არ არიან კორონავირუსის გამავრცელებლები“, - განაცხადა პაატა იმნაძემ.

პაატა იმნაძე

13 ივლისი 2020, 18:40

COVID19

პაატა იმნაძე: თუ არ დავიცავთ ელემენტარულ წესებს, რამდენიმე დღეა საჭირო იმისთვის, რომ კორონავირუსის ერთეულმა შემთხვევებმა ასეულს მიაღწიოს

პერიოდულად ვავლენთ შემთხვევებს, როდესაც არ ვიცით პაციენტი სად დაავადდა. სამწუხაროდ, კორონა სადღაც დადის. არ ვიცით, ვინ არის ხოლმე ინფიცირების წყარო, - ამის შესახებ დაავადებათა კონტროლის ეროვნული ცენტრის ხელმძღვანელის მოადგილემ პაატა იმნაძემ კოლეგებთან, ამირან გამყრელიძესთან და ხათუნა ზახაშვილთან ერთად გამართულ „ფეისბუქლაივში“ განაცხადა. მისი თქმით, ეს დაავადება საშიშია და ადამიანები არ დაიცავენ ელემენტარულ წესებს, მას სულ რამდენიმე დღე და კვირა დასჭირდება იმისთვის, რომ ერთეულმა შემთხვევებმა ასეულ შემთხვევას მიაღწიოს. „აქედან გამომდინარე, თხოვნაა ყველასადმი, რომ დავიცვათ რეკომენდაციები და არ მივცეთ კორონას გავრცელების საშუალება. არ არის ეს ძნელად შესასრულებელი რეკომენდაციები“, - განაცხადა პაატა იმნაძემ.