ვუდი ალენის ცოლმა დუმილი პირველად დაარღვია და ქმარი დაიცვა

ჟურნალ  New York Magazine-მა ვუდი ალენის ცოლის, სუნ ი პრევინის შესახებ ვრცელი სტატია გამოაქვეყნა, სათაურით: "სკანდალური საკითხების ეპიცენტრში ყოფნის დროს, ის სიჩუმეს ინარჩუნებდა, მაგრამ ახლა ალაპარაკდა". სტატია სუნ ის და ვუდი ალენის ურთიერთობას ეხება, რომელიც 1997 წლის შემდეგ ცოლ-ქმარი არიან, თუმცა მანამდე სუნ ი რეჟისორის ყოფილი პარტნიორის ნაშვილები გოგო იყო. 

როგორც სუნ ი ჰყვება, ის 5 წლის წინ იყო როდესაც სახლიდან გაიქცა და სეულის ქუჩებში ცხოვრობდა, სანამ პოლიციამ არ დააპატიმრა და ბავშვთა სახლში არ წაიყვანა. იქ ის მია ფეროუმ იპოვა, რომელსაც უკვე ჰყავდა 3 ბიოლოგიური შვილი და ორი ნაშვილები. 

სუნ ი ამბობს, რომ დედასთან ის უბედური იყო და ხშირად ხდებოდა ფსიქოლოგიური და ფიზიკური ძალადობის მსხვერპლი. მისი თქმით, ფეროუ არა მხოლოდ მას, არამედ სხვა შვილებსაც ცუდად ექცეოდა. როდესაც ის 10 წლის გახდა, მია ფეროუმ ვუდი ალენთან რომანი გააბა. "მე მას მამად არასდროს აღვიქვამდი. ის დედაჩემის ბოიფრენდი იყო და განცალკევებული ადამიანი", - ჰყვება სუნ ი. 

მას შემდეგ რაც ფეროუს და ალენს ურთიერთობა გაუფუჭდათ, სუნ ი უკვე 21 წლის იყო და რეჟისორზე შეყვარებული. 1992 წელს, მია ფეროუმ სუნ ის შიშველი ფოტოები იპოვა, რომელიც ალენმა გადაიღო და ამის შემდეგ რეჟისორს გაშორდა. ამავე წელს, ძიძამ, რომელიც ფეროუს ბავშვებს უვლიდა, მას უამბრო, რომ ალენი მათ საერთო ნაშვილებ შვილთან, დილანთან უხამსად იქცეოდა. ფეროუ გოგოს ჩაეკითხა და მან უთხრა, რომ ალენმა ის სხვენში გამოკეტა და მასზე სექსუალურად იძალადა. 

გასულ წელს სექსუალური შევიწროების მსოფლიო სკანდალის ფონზე, დილან ფეროუმ ღია წერილი დაწერა, რომელშიც დეტალურად ილაპარაკა იმაზე, თუ როგორ ძალადბოდა მასზე რეჟისორი. ამის შემდეგ, ალენმა კარიერის დასრულების შესახებ განაცხადა და მასთან კონტაქტზე უარი ცნობილმა მსახიობებმა თქვეს.

სუნ ი ამბობს, რომ დილან ფეროუს ყველა ბრალდება ტყუილია, ამ ყველაფრის უკან კი ვუდის ყოფილი ცოლი, მსახიობი მია ფეროუ დგას. "ის, რაც ვუდის დაემართა ერთი დიდი უსამართლობაა. მია ფეროუმ, ჰოლივუდში აგორებული კამპანია #MeToo გამოიყენა და დილანი მსხვერპლად აქცია, რაც რეალობა სულაც არ არის. ყველაზე სამწუხარო კი ამ ამბავში ის არის, რომ ამიერიდან ყველა ამ ისტორიას უსმენს და იჯერებს", - ამბობს პრევინი.