imedi /  01 მაისი 2019, 09:59 / სანდო წყარო

პომპეო: მადურო ვენესუელის დატოვებას აპირებდა და რუსეთმა შეაჩერა

ნიკოლას მადურო

ნიკოლას მადურო

ამერიკის შეერთებული შტატების სახელმწიფო მდივანმა მაიკ პომპეომ თქვა, რომ ნიკოლას მადურო ვენესუელის დატოვებას აპირებდა და რუსეთმა შეაჩერა. ამის შესახებ CNN წერს.

"მას თვითმფრინავი მზად ჰქონდა და როგორც მივხვდით, ქვეყნის დატოვებას აპირებდა, თუმცა რუსებმა მიუთითეს, რომ დარჩენილიყო“, - განაცხადა ამერიკის შეერთებული შტატების პირველმა დიპლომატმა. 

მისი თქმით, ნიკოლას მადურო კუბის დედაქალაქ ჰავანაში ჩასვლას აპირებდა.

რუსეთის საგარეო საქმეთა სამინისტროს სპიკერმა მარია ზახაროვამ კი განაცხადა, რომ აშშ-ის სახელმწიფო მდივნის ეს განცხადება მცდარია.

"ვაშინგტონმა სცადა ვენესეუელის არმიის დემორალიზება, ახლა კი, ინფორმაციულ ომში ყალბ ამბავს იყენებს“, - განაცხადა ზახაროვამ.

ვენესუელაში დემონსტრანტებსა და მადუროს მხარდამჭერ სამხედროებს შორის დაპირისპირება მოხდა. დაშავებულია რამდენიმე ათეული ადამიანი. მათგან სამის მდგომარეობა მძიმეა.

ვენესუელაში იანვრიდან პოლიტიკური კრიზისია. მაშინ აშშ-ის მხარდაჭერილმა ოპოზიციის ლიდერმა, ხუან გუაიდომ საკუთარი თავი ვენესუელის დროებით პრეზიდენტად გამოაცხადა.

გუაიდოს ლეგიტიმურობა მსოფლიოს 20-ზე მეტმა ქვეყანამ, მათ შორის, საქართველომაც აღიარა. მადუროს ხელისუფლების პირობებში ვენესუელამ საქართველოს ოკუპირებული ტერიტორიები დამოუკიდებელ ქვეყნებად ცნო. ვენესუელის კრიზისის შესახებ ვრცელ სტატიას შეგიძლიათ ამ ბმულზე გაეცნოთ.

ყველა სიახლე

ჟაკ იომბი-ოპანგო

31 მარტი 2020, 17:56

COVID19

კონგოს ყოფილი პრეზიდენტი კორონავირუსით გარდაიცვალა

კონგოს ყოფილი პრეზიდენტი ჟაკ იომბი-ოპანგო კორონავირუსით გარდაიცვალა. ამის შესახებ ინფორმაციას Al Jazeera ავრცელებს. კონგოს ყოფილი პრეზიდენტი პარიზში მდებარე საავადმყოფოში გარდაიცვალა.

სოზარ სუბარი

31 მარტი 2020, 17:55

COVID19

სოზარ სუბარი: ეკონომიკური პოტენციალი არ უნდა დავკარგოთ

„ჩვენ ამ ნაბიჯებისკენ მივდიოდით თანმიმდევრულად. ეს იყო გარდაუვალი. მაგრამ ვადაზე ადრეს ასეთი ნაბიჯების გადადგმა ეპიდემიას ვერ შეაჩერებდა, სამაგიეროდ გაცილებით ძნელი გახდებოდა შემდეგ, უკვე პოსტეპიდემიურ პერიოდში ეკონომიკის აღდგენა და ამ კრიზისიდან გამოსვლა. ამიტომ რაც მოვახერხეთ, ამ თვენახევრის განმავლობაში არის ეპიდემიის შეკავება მაქსიმალურად დიდი ხნით“, - განაცხადა სუბარმა.

ვლადიმერ პუტინი დენის პროცენკო

31 მარტი 2020, 17:52

COVID19

ექიმს, რომელსაც მანამდე პუტინი შეხვდა, კორონავირუსი დაუდგინეს

„კორონავირუსზე ჩაბარებულმა ტესტმა დადებითი შედეგი აჩვენა, მაგრამ მე თავს კარგად ვგრძნობ. ვიმყოფები თვითიზოლაციაში, ჩემს კაბინეტში, სადაც დისტანციური მუშაობისთვის ყველა აუცილებელი პირობა მაქვს შექმნილი“, - წერს პროცენკო.

ნინო ცაციაშვილი

31 მარტი 2020, 17:37

COVID19

ნინო ცაციაშვილი: ავტომობილში მსხდომ პირთა რაოდენობასთან დაკავშირებული რეგულაცია მცირეწლოვან ბავშვებზეც ვრცელდება

ჩვენ კარგად გვესმის, რა დისკომფორტი შეიძლება გამოიწვიოს ამ რეგულაციამ, მაგრამ ამ შემთხვევაში 3 პირში უნდა შედიოდეს მცირეწლოვანი ბავშვიც. თუმცა ის უპირველესი ამოცანა და მიზანი, რომელიც გვაქვს დასახული - თითოეული მოქალაქის ჯანმრთელობის დაცვა - გადაწონის ამ შეზღუდვებით გამოწვეულ დისკომფორტს, - ამის შესახებ „ქრონიკაში“ შინაგან საქმეთა მინისტრის მოადგილემ, ნინო ცაციაშვილმა განაცხადა.

31 მარტი 2020, 17:35

COVID19

გამგეობებს მარტოხელა ხანდაზმულებისთვის განკუთვნილი ნობათები გადასცეს

კომპანია „შილდამ“ და ფონდმა „ქართული გალობა“ თბილისის გამგეობებს კორონავირუსის გავრცელების პრევენციის პერიოდში, სოციალურად დაუცველი მარტოხელა ხანდაზმულებისთვის განკუთვნილი ნობათები გადასცა. პროდუქციის მიღებისა და დახარისხების პროცესს დედაქალაქის მერი კახა კალაძე საკრებულოს თავმჯდომარე გიორგი ტყემალაძესთან და მერის მოადგილე ილია ელოშვილთან ერთად გაეცნო, - ინფორმაციას ამის შესახებ თბილისის მერია ავრცელებს.

31 მარტი 2020, 17:33

ეკონომიკა

ეროვნული ბანკი მომხმარებელს მიმართავს

ეროვნული ბანკი განცხადებას ავრცელებს და 2020 წლის 30 მარტს საქართველოს მოქალაქეების პირადობის დამადასტურებელი მონაცემების ერთ-ერთ ჰაკერულ ფორუმზე საჯაროს გამოქვეყნების შესახებ განმარტებას აკეთებს.ეროვნული ბანკის ცნობით, ინტერნეტით გავრცელებული აღნიშნული ინფორმაცია არ შეიცავს მოქალაქეების პირად ფინანსური მონაცემებს, როგორიცაა პიროვნების ანგარიშის ნომერი, ფინანსური ოპერაციების შესახებ ინფორმაცია, დისტანციური ფინანსური მომსახურების განსახორციელებლად საჭირო მონაცემები, მაგალითად ინტერნეტ და მობაილ ბანკის პაროლი და მომხმარებლის სახელი და სხვა.

31 მარტი 2020, 17:31

COVID19

აზერბაიჯანში კორონავირუსით მეხუთე ადამიანი გარდაიცვალა

აზერბაიჯანში კორონავირუსით დაღუპულთა რიცხვი გაიზარდა. გასული დღე-ღამის განმავლობაში COVID-19-მა ქვეყანაში კიდევ ერთი ადამიანი იმსხვერპლა და გარდაცვლილთა დაერთო რაოდენობამ 5-ს მიაღწია. ამ დროისათვის აზერბაიჯანში კორონავირუსის 298 შემთხვევაა დადასტურებული. გამოჯანმრთელდა 26 პაციენტი. ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

კახა კალაძე

31 მარტი 2020, 17:31

COVID19

კახა კალაძე: მუნიციპალური ტრანსპორტის მძღოლები კუთვნილ ხელფასს აიღებენ

მიუხედავად იმისა, რომ მუნიციპალური ტრანსპორტის მოძრაობა შეწყვეტილია, მძღოლები კუთვნილ სახელფასო ანაზღაურებას მაინც მიიღებენ, - ამის შესახებ თბილისის მერმა, კახა კალაძემ განაცხადა. „რა თქმა უნდა, ისინი ჩვენი თანამშროლები არიან და ჩვეულებრივ, თავიანთ სახელფასო ანაზღაურებას მიიღებენ“, - აღნიშნა კალაძემ.

31 მარტი 2020, 17:19

COVID19

პორტუგალიამ მიგრანტებს დროებით ყველა ის უფლება მიანიჭა, რომლებითაც ქვეყნის მოქალაქეები სარგებლობენ

„ეს ნაბიჯი ყველა უცხო ქვეყნის მოქალაქის უფლებას ცალსახად დაიცავს“, - განაცხადეს პორტუგალიის მინისტრთა საბჭოში. მათივე განმარტებით, ეს ზომები იმისთვის მიიღეს, რომ მაქსიმალურად შემცირდეს საზოგადოებაში ჯანმრთელობასთან დაკავშირებული რისკები.

31 მარტი 2020, 17:18

COVID19

ბათუმის ინფექციურ საავადმყოფოში, კორონავირუსის ტესტზე 23 პაციენტის პასუხს ელოდებიან

ბათუმის ინფექციურ საავადმყოფოში კორონავირუსზე საეჭვო სიმპტომებით მოთავსებული 23 პაციენტის ანალიზის პასუხს ელოდებიან. მათგან ორი კლინიკაში სარფის საბაჟოდან შეიყვანეს. დანარჩენები კი საკარნატინო სივრცეებიდან.

Evolution Gaming Georgia

31 მარტი 2020, 17:15

საზოგადოება

Evolution Gaming Georgia სამსახურიდან 1300 ადამიანს ათავისუფლებს

აზარტული თამაშების კომპანია Evolution Gaming Georgia სამსახურიდან 1300 ადამიანს ათავისუფლებს. კონმპანია ამის შესახებ განცხადებას ავრცელებს, დასაც ნათქვამია, რომ ამ გადაწყვეტილების მიღება ქვეყანაში გამოცხადებული საყოველთაო კარანტინის გამო გახდა საჭირო. „გასული კვირის მოვლენებიდან და გუშინ, ხელისუფლების მიერ ქვეყანაში საყოველთაო კარანტინის გამოცხადებიდან გამომდინარე, გვიწევს, საქართველოში ევოლუშენის ზრდის გეგმები არსებულ ვითარებას მოვარგოთ. სამწუხაროდ, ეს ნიშნავს რომ დღეს, დაახლოებით 1300 ადამიანს, რომელიც საოპერაციო პოზიციებს იკავებდა და იმყოფებიან გამოსაცდელ ვადაში, ნაადრევად შეუწყდებათ შრომითი ხელშკრულება. ყველა მათგანს, დამატებით 2 თვის ვადით შევუნარჩუნებთ ჯანმრთელობის დაზღვევას, რომ შეძლებისდაგვარად, შევამციროთ ნეგატიური გავლენა მათ კეთილდღეობაზე.

პატო სერვანტესი

31 მარტი 2020, 17:07

ტაბლოიდი

გერმანიაში 19 წლის ბიჭი აივანზე გამოსულ მოსახლეობას ავარჯიშებს. ვიდეო

გერმანიის ქალაქ ჰამბურგში ფიტნესის მწვრთნელი ადგილობრივ მოასახლეობას უფასოდ ავარჯიშებს. 19 წლის პატო სერვანტესი გერმანიაში მექსიკიდან ჩავიდა. ადგილობრივებს ბიჭის ინიციატივა მოეწონათ და ვარჯიშში სიხარულით ჩაერთნენ.

31 მარტი 2020, 17:03

COVID19

ოკუპირებული აფხაზეთიდან ზუგდიდის ინფექციურ საავადმყოფოში ორი მცირეწლოვანი ბავშვი გადმოიყვანეს

რამდენიმე წუთის წინ, ოკუპირებული აფხაზეთის საზღვრის საბერიო-ფახულანის მონაკვეთიდან ზუგდიდის ინფექციურ საავადმყოფოში ორი მცირეწლოვანი ბავშვი გადმოიყვანეს. მათ მაღალი ტემპერატურა აქვთ და ბოქსირებულ განყოფილებაში მოათავსეს. ბავშვებს კორონავირუსზე კვლევა ჩაუტარდებათ.

31 მარტი 2020, 16:53

ტექნოლოგიები

ცესკო ამერიკული დახმარების ფარგლებში კიბერუსაფრთხოებას აუმჯობესებს

კიბერუსაფრთხოების და კიბერჰიგიენის მიმართულებით პერსონალის გადამზადებასა და ამ მიმართულებით ინფრასტრუქტურის განახლებაზე საარჩევნო ადმინისტრაციის ხელმძღვანელობასა და USAID-ის და IFES-ის წარმომადგენლებს შორის შეთანხმება ჯერ კიდევ მიმდინარე წლის იანვარში შედგა. 10 იანვარს ცესკოში გამართულ შეხვედრაზე მხარეები 2020 წლის არჩევნების უსაფრთხო და მშვიდ გარემოში ჩატარების ხელშეწყობაზე შეთანხმდნენ.

ბიძინა კულუმბეგოვი

31 მარტი 2020, 16:50

COVID19

ბიძინა კულუმბეგოვი: ორი კრიტერიუმი, რითაც ჩვენი ქვეყანა იკვლევდა კორონავირუსით ინფიცირებულებს, გარკვეულწილად უკვე ისტორიას ჩაბარდა

კორონავირუსის კვლევის ალგორითმის შინაარსი გასაჯაროვდება და ალბათ ხვალ იქნება ყველასთვის ხელმისაწვდომი. როგორც ცნობილია, ალგორითმის შექმნაში მონაწილეობდნენ ინფექციონისტები და იმუნოლოგები, - ამის შესახებ იმუნოლოგმა ბიძინა კულუმბეგოვმა „ტვ პირველის“ ეთერში განაცხადა. მისი თქმით, ახალი ველოსიპედის გამოგონების საჭიროება არ დგას - უკვე ევროპის ბევრმა ქვეყანამ და ამერიკის შეერთებულმა შტატებმა დიდი ხანია დაამტკიცეს ალგორითმი.

31 მარტი 2020, 16:49

COVID19

საგანგებო მდგომარეობის დასრულებამდე მძღოლები ავტომობილების ტექინსპექტირების გავლისგან თავისუფლდებიან

საგანგებო მდგომარეობის დასრულებამდე მძღოლები ავტომობილების ტექინსპექტირების გავლისგან თავისუფლდებიან. შესაბამისი ცვლილება მთავრობის 2017 წლის 1-ლი დეკემბრის №510 დადგენილებაში დღეს შევიდა.

ლაბორატორია

31 მარტი 2020, 16:48

ტექნოლოგიები

ამერიკელმა მეცნიერებმა სისხლის ტესტირების მეთოდი შეიმუშავეს, რომელიც კიბოს 50-ზე მეტ სახეობას აფიქსირებს

ეს მეთოდი განსაკუთრებით სახიფათო სიმსივნეებს აფიქსირებს, რომლებიც სხვა შემთხვევაში შეუმჩნეველი რჩება. ტესტირების ახალ მეთოდზე ბოსტონში, დანა-ფეიბერის კიბოს ინსტიტუტსა და მაიოს კლინიკაში მუშაობენ. ტესტი მეთილის ჯგუფის სახელით ცნობილ მოლეკულებს ეძებს, რომლებიც სხვა მხრივ ჯანსაღ უჯრედებში მუტაციას იწვევს, რაც დნმ-ის სეკვენსირების ტრადიციული მეთოდისგან განსხვავდება. ამ ეტაპზე ყველაზე კარგ შედეგებს პროცედურა ავადმყოფობის განვითარების გვიან სტადიებზე აჩვენებს, თუმცა მუშაობის შემდგომ ეტაპებზე დიაგნოზის დასმას უპრეცედენტო ადრეულ ეტაპზე იქნება შესაძლებელი.

კორონავირუსი

31 მარტი 2020, 16:37

COVID19

გურჯაანში დაკრძალვაზე ჩასულ ახალგაზრდას კორონავირუსი დაუდგინდა

ახალგაზრდას, რომელიც გურჯაანში დაკრძალვაზე იმყოფებოდა, კორონავირუსი დაუდგინდა. ინფორმაციას ამის შესახებ გურჯაანის მუნიციპალიტეტის მერია ავრცელებს.

ბლოკ-პოსტები თელავის მუნიციპალიტეტში

31 მარტი 2020, 16:37

COVID19

თელავის მუნიციპალიტეტში ოთხ ადგილზე ბლოკ-პოსტები ეწყობა

თელავის მუნიციპალიტეტში ოთხ ადგილზე ბლოკ-პოსტების მშენებლობა მიმდინარეობს. ადგილზე იმყოფებიან თელავში დისლოცირებული ეროვნული გვარდიის მე-20 კადრირებული ბრიგადის სამხედრო მოსამსახურეები, თელავის პოლიციისა და სამხარეო პოლიციის ხელმძღვანელი პირები. საველე კარვების დამონტაჟების შემდეგ პოლიცია სამხედრო ექიმების მონაწილეობით მოქალაქეების თერმოსკრინინგზე შემოწმებას დაიწყეს. პლოკ-პოსტები თელავის ყველა შესასვლელში განთავსდება, სადაც ავტომობილებს შეამოწმებენ.

მამუკა მდინარაძე

31 მარტი 2020, 16:35

COVID19

მამუკა მდინარაძე: სახელმწიფო ზედმიწევნით და თანმიმდევრულად აკეთებს ყველაფერს, ახლა ჯერი მოქალაქეებზეა

ყველამ კარგად ვიცით, რომ ამ რისკების ბოლომდე აღმოფხვრა შეუძლებელია, მაგრამ მათი მინიმალიზაცია თითოეულ მოქალაქეზე და მის მიერ რეკომენდაციების შესრულებაზეა დამოკიდებული. სახელმწიფო ზედმიწევნით, კარგად და თანმიმდევრულად აკეთებს ყველაფერს, რაც კი შეიძლება, ახლა ჯერი არის მოქალაქეებზე, იმისთვის რომ გაუფრთხილდნენ საკუთარ და სხვის ჯანმრთელობას, და მეორე მხრივ, ეკონომიკას არ მიადგეს ისეთი ზიანი რომლის გამოსწორება ძალიან რთული იქნება“, - აღნიშნა მამუკა მდინარაძემ.