პედოფილი მღვდლების შესახებ გადაღებული ფილმის გამო პოლონეთის მმართველი პარტია შეიძლება ევროპის არჩევნებში დამარცხდეს

11 მაისს Youtube-ზე პოლონელი ჟურნალისტის ტომაშ სეკელსკის ფილმი „ოღონდ არავის უთხრა“ გამოვიდა. მასში კათოლიკე მღვდლების მხრიდან ბავშვებზე სექსუალური ძალადობის შესახებ ისტორიებია აღწერილი. დოკუმენტურ ფილმში მოძალადე ბერების მხრიდან უკვე ზრდასრული მსხვერპლები თავიანთ ბავშვობაზე ჰყვებიან. რამდენიმე დღეში ფილმმა 15 მილიონი ნახვა დააგროვა.

ფილმის გამოქვეყნების შემდეგ პოლონეთის არქიეპისკოპოსმა ვოიცახ პოლაკმა „ეკლესიის მსახურების მხრიდან მიყენებული ზარალის გამო“ ბოდიში მოიხადა. მისი თქმით, ეს ფილმი მისთვის ნამდვილი შოკი იყო. პოლონელი ეპისკოპოსების კონფერენცია ადასტურებს, რომ ფილმში მონათხრობი ამბავი სიმართლეა, თუმცა არქიეპისკოპოსი აღნიშნავს, რომ ფილმში ცალკეული ისტორიებით მთლიანად ეკლესიაზეა მცდარი დასკვნა გამოტანილი.

ფილმის შესახებ განცხადება მმართველი პარტიის ლიდერმა იაროსლავ კაჩინსკიმაც გააკეთა, რომელსაც ყველაზე გავლენიან პოლონელ პოლიტიკოსად მიიჩნევენ. მან სისხლის სამართლის კოდექსში შესწორება დააანონსა, რომელიც პედოფილიის მუხლით სასჯელი 30 წლამდე თავისუფლების აღკვეთით დაისჯება. თუ შესწორებას მიიღებენ, მცირეწლოვნებად ჩაითვლებიან 18 წლამდე მოზარდები და არა 15 წლამდე, როგორც ახლა მიიჩნევა. 

მმართველი პარტიის მოწინააღმდეგეები აცხადებენ, რომ ფილმის გამოსვლიდან რამდენიმე დღით ადრე კაჩინსკი და მისი მხარდამჭერები აქტიურად იცავდნენ კათოლიკურ ეკლესიას. მათთვის კათოლიციზმი - ერის იდენტობის მნიშვნელოვანია განმსაზღვრელია.  „არ არსებობს პოლონეთი ეკლესიის გარეშე. ის ვინც ხელს იღებს ეკლესიას და მისი განადგურება სურს, ხელს იღებს პოლონეთზე“, - განაცხადა კაჩინსკიმ 4 მაისს მიტინგის დროს.

კათოლიკური ეკლესიების მხარდამჭერი განცხადებების გამო მმართვალი პარტია ევროპარლამენტის არჩევნებზე დამარცხების კანდიდატია. არჩევნები 26 მაისს ჩატარდება. 

პოლონეთი ევროპის მასშტაბით ერთ-ერთი ყველაზე რელიგიური ქვეყანა. მოსახლეობის 87% საკუთარ თავს კათოლიკედ მიიჩნევს და მათგან 40% ყოველ კვირას დადის ეკლესიაში.