მიჩიგანში არომატიზებული ელექტროსიგარეტი აიკრძალა

მიჩიგანი პირველი შტატია, რომელმაც არომატიზებული ელექტროსიგარეტი აკრძალა, - ინფორმაციას abcNews ავრცელებს. კერძო, 6-თვიანი აკრძალვა შეეხო ყველა სახის არომატიზებულ პროდუქტს, მათ შორის ხილისა თუ პიტნის კარტრიჯებს. თამბაქოს არომატის მქონე სითხეები კი კვლავ ბაზარზე დარჩება. მიჩიგანის მთავრობა ამ აკრძალვის გახანგრძლივებას არ გამორიცხავს, იქამდე, სანამ ზუსტად არ გაირკვევა ელექტროსიგარეტის გარკვეული პროდუქტები, მათ შორის არომატიზებული სითხეები მავნეა თუ არა მომხმარებლებისთვის. 

ამ ზომების მიღება კი მიჩიგანის მთავრობამ მას შემდეგ გადაწყვიტა, რაც ასეულობით ადამიანის ფილტვების მძიმე დაავადებებით დასნებოვნება და ერთი პაციენტის გარდაცვალება, სავარაუდოდ, ელექტროსიგარეტით მარიხუანაში შემავალი ნივთიერება THC-ის შემცველი პროდუქტების მოხმარებას დაუკავშირდა. ამავდროულად, სამედიცინო სფეროს წარმომადგენლები ჯერ კიდევ იკვლევენ ელექტროსიგარეტის სხვადასხვა პროდუქტის გავლენას ადამიანის ორგანიზმზე და დაზუსტებით ვერ ამბობენ, არის თუ არა ის უსაფრთხო. 

აშშ-ში, სავარაუდოდ, ელექტროსიგარეტის გამოყენების შედეგად სიკვდილის პირველი ფაქტი დაფიქსირდა. ასევე, იმ პაციენტების უმრავლესობა, რომლებიც, სავარაუდოდ ელექტროსიგარეტის მიზეზით, ფილტვების გამოუცნობი დაავადებით საავადმყოფოში მოხვდა, მარიხუანაში შემავალი ნივთიერების, THC-ს შემცველ სითხეს ეწეოდა.

როგორ უნდა მიხვდეს მწეველი, რომ კარტრიჯი, რომელიც THC-ის შეიცავს, სახიფათო არ არის? - იხილეთ ამ ბმულზე.

მავნეა თუ არა ელექტროსიგარეტი, ვრცლად, ამის შესახებ შეგიძლიათ ამ ბმულზე წაიკითხოთ.