imedi /  12 იანვარი 2020, 23:41 / სანდო წყარო

ესპანეთის ქალაქებში ქვეყნის ერთიანობის მოთხოვნით აქციები გაიმართა

ესპანეთი

ესპანეთი

ასობით ათასმა ესპანელმა საპროტესტო აქცია გამართა და ხელისუფლებისგან ქვეყნის ერთიანობის, დემოკრატიული სახელმწიფოს კანონისა და ნორმების შენარჩუნება მოითხოვა. ამის შესახებ ინფორმაციას Deutsche Welle-ს რუსული გამოცემა წერს.

მსვლელობებსა და მიტინგებს ორგანიზება სამოქალაქო პლატფორმამ "ესპანეთი არსებობს" გაუწია და ისინი ესპანეთის თითქმის ყველა ქალაქში გაიმართა. 

პროტესტისა და მანიფესტაციების მიზეზი ხელახლა ჩამოყალიბებული კოალიციური მთავრობის გეგმები გახდა, მასში შევლენ ესპანეთის სოციალისტური მუშათა პარტიის წარმომადგენლები, კომუნისტები და ულტრამემარცხენე პოპულისტები პარტია "პოდემოსიდან" ("ჩვენ შეგვიძლია").  

როგორც რუსული DW წერს, ყველაზე დიდი აქცია მადრიდში გაიმართა და მომიტინგეების განსაკუთრებული შეშფოთება ახალ პრემიერს პედრო სანჩესსა და კატალონიელ სეპარატისტებს შორის მოლაპარაკებებს უკავშირდება - 7 იანვარს სანჩესის კანდიდატურაზე მხარდაჭერის სანაცვლოდ, მათ მოლაპარაკებებს და ესპანეთის შემადგენლობაში დარჩენასთან დაკავშირებით კატალონიელების გამოკითხვას დაჰპირდნენ. 

ესპანეთის პარლამენტმა პედრო სანჩესი პრემიერმინისტრის თანამდებობაზე მეორე მოსმენით 7 იანვარს დაამტკიცა. ქვეყნის მთავრობის მეთაურის მოვალეობის შემსრულებელს ხმა 167-მა დეპუტატმა მისცა, წინააღმდეგი კი 165 კანონმდებელი იყო. სანჩესმა ახლა მთავრობა უნდა ჩამოაყალიბოს. ეს ესპანეთის პირველი კოალიციური მთავრობა იქნება, 1978 წელს დემოკრატიის აღდგენის შემდეგ. 

ესპანეთში დროებითი მთავრობა მოქმედებს, რადგან 2019 წლის 28 აპრილის საპარლამენტო არჩევნების შემდეგ პარტიები მინისტრთა კაბინეტის შემადგენლობაზე ვერ შეთანხმდნენ. 2019 წლის 10 ნოემბერს გამართულ საპარლამენტო არჩევნებში მმართველმა სოციალისტურმა პარტიამ გაიმარჯვა, თუმცა ერთპარტიული მთავრობის ჩამოსაყალიბებლად საჭირო რაოდენობის ხმები ვერ მიიღო.

ესპანეთის ხელისუფლებამ 2017 წლის ნოემბერში კატალონიის ადმინისტრაცია დაითხოვა და რეგიონულ პარლამენტს უფლებამოსილება შეუწყვიტა. ამის მიზეზი კატალონიის დამოუკიდებლობისთვის ჩატარებული რეფერენდუმი გახდა. სისხლის სამართლის დევნა 25 პირის მიმართ დაიწყო. კატალონიის ლიდერმა, კარლეს პუჩდემონმა და მისმა ოთხმა მომხრემ ბელგიაში გაქცევა მოახერხეს. 

2018 წლის 14 ოქტომბერს  ესპანეთის უზენაესმა სასამართლომ კატალონიელ ლიდერებს ამბოხისთვის 9-დან 13 წლამდე პატიმრობა მიუსაჯა და კატალონიის ყოფილი ლიდერის, კარლეს პუჩდემონის დაკავების საერთაშორისო და ევროპული ორდერები გასცა.  ამის შემდეგ კატალონიაში საპროტესტო აქციები დაიწყო. 18 ოქტომბერს პუჩდემონი ბელგიის პოლიციას ჩაბარდა.

ყველა სიახლე

ენდი სერკისი

25 იანვარი 2020, 18:24

კულტურა

მსახიობი ენდი სერკისი BAFTA-ს საპატიო ჯილდოს მიიღებს

BAFTA-ს წარმომადგენლები აღნიშნავენ, რომ მსახიობმა ეკრანზე ბევრი ცნობილი გმირი გააცოცხლა და ტექნოლოგია Motion Capture-ის პიონერი იყო. სწორედ ასე განასახიერა სერკისმა გოლუმი პიტერ ჯექსონი ტრილოგიაში „ბეჭდების მბრძანებელი“, უზენაესი ლიდერი სნოუკი „ვარსკვლავურ ომებში“ და ცეზარი „მაიმუნების პლანეტაში“.

ფრენების შეჩერება

25 იანვარი 2020, 18:02

საქართველო

თბილისში ჩინეთიდან დაგეგმილი ავიარესები გაუქმდა

თბილისში ჩინეთიდან დღეს დაგეგმილი პირდაპირი ავიარესი გაუქმდა, ინფორმაცია Imedinews თბილისის საერთაშორისო აეროპორტში დაუდასტურეს. დღეს თბილისში ჩინეთიდან, ქალაქ ურუმჩიდან სამგზავრო თვითმფრიანვი 21:35 საათზე უნდა ჩამოფრენილიყო.

გველის შხამი

25 იანვარი 2020, 17:46

ტექნოლოგიები

ნიდერლანდებში ბიოლოგებმა გველის შხამი ხელოვნურად შექმნეს

ნიდერლანდებში, ბიოლოგების ჯგუფმა გველის ღეროვანი უჯრედების გამოყენებით, შექმნეს მათი ჯირკვლების ხელოვნური ანალოგი, რომელშიც შხამი იწარმოება. მეცნიერების შეფასებით, ლაბორატორიაში მიღებული შედეგი ახალი წამლებისა და ანტიდოტების წარმოქმნას დააჩქარებს. მეცნიერებმა ამ თემაზე ანალიტიკური მასალა გამოცემა Cell-ში გამოაქვეყნეს.

საკანი

25 იანვარი 2020, 17:24

ძალოვნები

გუგეშაშვილების საქმეზე დაკავებულს ბრალი წარუდგინეს

გუგეშაშვილებზე შეიარაღებული თავდასხმა დიღმის მასივში 2018 წლის თებერვალში მოხდა, რა დროსაც თადარიგის პოლკოვნიკი დოდო გუგეშაშვილი დაჭრეს, მისი შვილი, 33 წლის გრიგოლ გუგეშაშვილი კი ადგილზე დაიღუპა. საქმის გახსნის შესახებ 24 იანვარს გახდა ცნობილი.

უხანი საავადმყოფოს მსენებლობა

25 იანვარი 2020, 16:53

მსოფლიო

უხანში კორონავირუსით დაავადებულებისთვის მეორე საავადმყოფოს ააშენებენ

დროებითი სამკურნალო დაწესებულება 1 300 ადამიანზე იქნება გათვლილი და მისი აშენება 15 დღეში იგეგმება. მანმდე ცნობილი გახდა, რომ ჩინეთის მთვარობა კორონავირუსით დაავდებულებისთვის 1000 ადამიანზე გათვლილ საავადმყოფოს აშენებს. სავარაუდოდ, იქ პაციენტების მიღებას უკვე 3 თებერვლიდან შეძლებენ.

ძარცვა

25 იანვარი 2020, 16:33

მსოფლიო

სლოვაკეთის ნაციონალური მუზეუმიდან მილიონი ევროს ღირებულების მონეტები მოიპარეს

სლოვაკეთში, ბრატისლავას ნაციონალური მუზეუმიდან მილიონი ევროს ღირებულების საკოლექციო მონეტები დაიკარგა. ინფორმაციას რუსული მედია სლოვაკეთის სამართალდამცველებზე დაყრდნობით ავრცელებს. სლოვაკეთის კულტურის სამინისტროს წარმომადგენელმა პავოლ ჩორბამ ჟურნალისტებს აცნობა, რომ გამოძიების დასრულებამდე უწყება საკუთარი პოზიციის გამოხატვისგან თავს შეიკავებს.

კარიესი

25 იანვარი 2020, 16:15

ტექნოლოგიები

მეცნიერებმა კარიესთან ბრძოლის ახალი მეთოდი შექმნეს

ჩინელმა მეცნიერებმა ადამიანის ნერწყვში არსებული პეპტიდი H5-ის მოდიფიკაცია შექმნეს. პეპტიდური ლაქი კბილებზე დამცავ ფირს ქმნის და მათ კარიესის გამომწვევი ბაქტერიებისგან იცავს. მეცნიერების მტკიცებით, ნივთირება კბილის ემალში შედის და აღადგენს მას.

25 იანვარი 2020, 15:43

საქართველო

საქართველოში შემოსული ყველა მგზავრი კორონავირუსზე აეროპორტშივე შემოწმდება

კორონავირუსთან დაკავშირებით ჯანდაცვის სამინისტროში სამუშაო ჯგუფის მორიგი შეხვედრა გაიმართა, რომელზეც მხარეებმა ​კორონავირუსის გავრცელების საფრთხეებზე იმსჯელეს. შეხვედრას ჯანდაცვის სამინისტროს, დაავადებათა კონტროლის ეროვნული ცენტრის წარმომადგენლები და ამ დარგის ექსპერტები.

ჯენიფერ ენისტონი

25 იანვარი 2020, 15:32

ტაბლოიდი

ჯენიფერ ენისტონმა სერიალ „მეგობრების“ თაყვანისცემლებს სიურპრიზი მოუწყო

ენისტონმა გადასაღები მოედანი მოინახულა, სადაც 10 წლის განმავლობაში სერიალ „მეგობრებზე“ მუშაობდა. ახლა პავილიონი Warner Brothers-ის ექსპოზიციის ნაწილია და იქ ექსკურსიები ეწყობა. მსახიობი ცნობილი დივანის უკან დაიმალა და მასზე სურათის გადასაღებად მოკალათებულებს აკვირვებდა.

ვერტმფრენი MH-60

25 იანვარი 2020, 15:11

მსოფლიო

იაპონიაში ამერიკული სამხედრო ვერტმფრენი წყალზე დაჯდა

აშშ-ის სამხედრო საზღვაო ძალების ვერტმფრენი MH-60 იაპონიაში წყალზე დაჯდა. ინფორმაციას ამის შესახებ სააგენტო Nippon-ი ავრცელებს. მისი ცნობით, ინციდენტი ოკინავას პრეფექტურის ნაპირიდან 170 კილომეტრში მოხდა. სააგენტოს ინფორმაციით, ვერტმფრენის ეკიპაჟის ხუთივე წევრი იაპონელმა სამხედროებმა გადაარჩინეს.

გიორგი გახარია

25 იანვარი 2020, 14:50

საქართველო

გიორგი გახარიამ თურქეთში მიწისძვრის შედეგად დაღუპულთა ოჯახებს მიუსამძიმრა

„თანავუგრძნობ და სოლიდარობას ვუცხადებ თურქეთში მომხდარი დამანგრეველი მიწისძვრის შედეგად დაზარალებულებსა და დაშავებულებს და მათ ოჯახებს. ამ მძიმე წუთებში საქართველო გვერდში უდგას თურქეთს”, - წერს პრემიერი. ბოლო მონაცემებით, მიწისძვრას 22 ადამიანი ემსხვერპლა.

ლევან ხაბეიშვილი

25 იანვარი 2020, 14:41

ძალოვნები

ლევან ხაბეიშვილის დაზიანებებს ექსპერტიზა შეამოწმებს

მისი უფლებადამცველი აცხადებს, რომ საქმე აუცილებლად უნდა გადაკვალიფიცირდეს , რადგან ოპოზიციონერ დეპუტატს ოპონენტები ჯგუფურად გაუსწორდნენ. შინაგან საქმეთა სამინისტროში კი გამოძიება ძალადობის მუხლით მიმდინარეობს. ინციდენტი საკრებულოში სარევიზო კომისიის სხდომაზე 24 იანვარს მოხდა.

ჩინეთი ვირუსი

25 იანვარი 2020, 14:18

საქართველო

რას ყვება ჩინეთში, კორონავირუსის ეპიცენტრში მყოფი საქართველოს მოქალაქე

ჩინეთის ქალაქი უჰანში, რომელიც საიდანაც სხვადასხვა ქვეყნებში კორონავირუსი გავრცელდა, საქართველოს ხუთი მოქალაქე იმყოფება. ჩინეთში საქართველოს ელჩის არჩილ კალანდიას ინფორმაციით, არც ერთ მათგანს საფრთხე არ ემუქრება, დიპლომატიური უწყება კი საქართველოს მოქალაქეებთან მუდმივ კონტაქტზე იმყოფება.

ბრაიან ბაბინი

25 იანვარი 2020, 14:09

საქართველო

პრემიერმინისტრს წერილით კიდევ ერთმა კონგრესმენმა მიმართა

ბაბინი მის კოლეგებს ადამ კინზინგერსა და გერი კონოლის, რომლებმაც 2019 წლის 13 დეკემბრით დათარიღებულ წერილში შეშფოთება გამოთქვეს საარჩევნო სისტემასთან დაკავშირებით მიღებულ გადაწყვეტილებაზე. კონგრესმენი ფიქრობს , რომ ქვეყანაში დემოკრატიული ღირებულებები და ეკონომიკური მდგომარეობა გაუარესებულია და ამის გამო წუხილს გამოთქვამს.

მუჰამედ ჯავად ზარიფი

25 იანვარი 2020, 13:49

მსოფლიო

ირანელი, რომელმაც უკრაინული თვითმფრინავი ჩამოაგდო, დააკავეს

„32 წლის წინ ამერიკელებმა ჩამოაგდეს ირანული თვითმფრინავი, მაგრამ ბოდიში ჩვენთვის არავის მოუხდია. ამერიკელი სამხედრო, რომელმაც ეს გააკეთა, მედლითაც კი დააჯილდოვეს, მაშინ, როდესაც ირანელი, რომელმაც უკრაინული თვითმფრინავი ჩამოაგდო, ციხეში ზის“, - აღნიშნა ზარიფმა.

კოსმოსური ძალების ემბლემა

25 იანვარი 2020, 13:33

ტაბლოიდი

აშშ-ის კოსმოსური ძალების ემბლემა ცნობილი სერიალის ლოგოტიპს მიამსგავსეს

ტრამპმა ემბლემა Twitter-ზე წარადგინა, სოცქსელის მომხმარებლებმა კი აღნიშნეს, რომ ლოგო პოპულარული სერიალის „ვარსკვლავური გზა“ სიმბოლიკას ჰგავს. აშშ-ის პრეზიდენტმა დონალდ ტრამპმა კოსმოსური ძალები 2019 წლის 21 დეკემბერს დააფუძნა.

შეხვედრა ვაშინგტონი

25 იანვარი 2020, 12:49

საქართველო

USAID-ი საქართველოში 7 მილიონი დოლარის საგანმანათლებლო პროექტს განახორციელებს

ვაშინგტონში აშშ-საქართველოს სტრატეგიული პარტნიორობის ქარტიის ფარგლებში ხალხთაშორისი ურთიერთობებისა და კულტურული გაცვლის სამუშაო ჯგუფის შეხვედრა გაიმართა. შეხვედრაზე ცნობილი გახდა, რომ USAID-ი საქართველოში ახალ, 5-წლიან პროექტს განახორციელებს.

ტოჩინოშინი

25 იანვარი 2020, 12:47

სპორტი

ტოჩინოშინმა ჰაცუ ბაშოზე კიდევ ერთი შეხვედრა დათმო

ტოკიოში მიმდინარე 2020 წლის ჰაცუ ბაშოზე ქართველმა სუმოისტმა, ტოჩინოშინმა კიდევ ერთი შეხვედრა დათმო. ტურნირს მე-14 დღეს ლევან გორგაძე სეკივაკე ტაკაიასუსთან დამარცხდა. ამ წაგების შემდეგ ტურნირზე მისი ბალანსი 5:9-ზე გახდა.

Forever 21

25 იანვარი 2020, 12:21

ეკონომიკა

კომპანია Simon Property-ს Forever 21-ის შეძენა სურს

ამერიკული კომპანია Simon Property Group-ს, რომელიც კომერციული უძრავი ქონების ბაზარზე საქმიანობს, კომპანია Forever 21 Inc.-ის შეძენა სურს. ინფორმაციას ამის შესახებ სააგენტო Bloomberg-ი ავრცელებს. Forever 21-ის მაღაზიების მართვაში​ Simon-ის გარდა Authentic Brands Group LLC-იც იქნება ჩართული.

კენდალ დივიში კნუტები გადარჩენა

25 იანვარი 2020, 12:01

ტაბლოიდი

კანადელმა მიწაზე მიყინული კნუტები ყავის მეშვეობით გადაარჩინა. ვიდეო

შემთხვევა ალბერტაში მოხდა. ნავთობობიექტების ინსპექტორი კენდალ დივიში მონიტორინგს ახორციელებდა, როცა 3 კნუტი დაინახა. დივიშმა კნუტები ერთ-ერთ ადგილობრივ ოჯახს მიაბარა, რომელიც მათთვის პატრონებს იპოვის. ჯერჯერობით უცნობია როგორ მოხვდნენ კნუტები ნავთობობიექტის ტერიტორიაზე.