კადიროვი: ჩეჩნეთში გეები არ გვყავს

ჩეჩნეთის რესპუბლიკის ლიდერმა რამზან კადიროვმა, მრავალი წლის მანძილზე პირველად, ინტერვიუ უცხოურ მედიას მისცა. ის ტელეკოპმანია HBO-ს სპორტული განყოფილების რედაქტორს ესაუბრა, რომელმაც კითხვა ჩეჩნეთში მცხოვრები ლგბტ-თემის შესახებ დაუსვა. 

კადიროვმა განაცხადა, რომ "ეს ყველაფერი სისულელეა" და რომ "ჩეჩნეთში გეები არ არიან", - "და თუ არიან, წაიყვანეთ კანადაში, ჩვენგან შორს...ასე გაიწმინდება სისხლი", - ამბობს კადიროვი. 

გარდა ამისა, მან ჰომოსექსუალებს ეშმაკები (შაითან) უწოდა: "ისინი ადამიანები არ არიან. და წყეულიმც იყვნენ ჩვენი ცილისწამებისთვის". 

2. Kadyrov says if there are any gay people in Chechnya they should be removed in order to purify the blood of the Chechen people. pic.twitter.com/oTshkbFGLO

— Yashar Ali (@yashar) July 14, 2017

კადიროვს ასევე ჰკითხეს, მიიჩნევს თუ არა აშშ-ის მტრად. ამაზე ჩეჩნეთის ლიდერმა განაცხადა, რომ ამერიკას ანტირუსული პოლიტიკა აქვს, თუმცა ის არასაკმარისად ძლიერი ქვეყანაა, რომ რუსეთს შეერკინოს. "ჩვენ ძლიერი, ბირთვული სახელმწიფო გვაქვს. რომც განადგურდეს ჩვენი ხელისუფლება, იქით ჩვენი რაკეტები გაფრინდება. ჩვენ მთელს მსოფლიოს წელში გადავხრით", - განაცხადა რამზან კადიროვმა. 

3 აპრილს, Новая газета საკუთარ წყაროებზე დაყრდნობით დაწერა, რომ განსხვავებული სექსუალური ორიენტაციის გამო ჩეჩნეთის მოქალაქეები დააპატიმრეს. გაზეთის ცნობით, უკვე დაკავებულია 100-ზე მეტი კაცი. გამოცემას აქვს ინფორმაცია სამი დაღუპულის შესახებ, მაგრამ ეს რიცხვი შეიძლება უფრო მეტი იყოს. 

შემთხვევას მსოფლიო მასშტაბით გამოხმაურება მოჰყვა. ლგბტ თემის უფლებადამცველმა  სამმა ფრანგულმა ორგანიზაციამ ჰააგის სისხლის სამართლის საერთაშორისო სასამართლოში ჩეჩნეთის ლიდერს რამზან კადიროვს უჩივლა.