პოლიცია შვედი ჟურნალისტის მკვლელობაზე ახალ დეტალებს ასაჯაროებს

კოპენჰაგენის პოლიცია, შვედი ჟურნალისტის დაღუპვის საქმეზე ახალ დეტალებს ასაჯაროებს. კიმ უოლის ცხედარი სამართალდამცველებმა რამდენიმე დღის წინ იპოვეს, თუმცა მისი იდენტიფიცირება 23 აგვისტოს მოხდა. პოლიციის მონაცემების შესახებ The Copenhagen Post-ი წერს.

გამომძიებლის თქმით, წყალქვეშა ნავში, რომელზე ყოფნის შემდეგაც უოლი დაიკარგა, ჟურნალისტის სისხლის კვალი იპოვეს. ის ყვება, რომ ცხედარს, რომელსაც თავი და კიდურები არ აქვს, საგანგებოდ დაამძიმეს და მეტალის საგნები დაამაგრეს, როგორც ჩანს, იმ მიზნით, რომ გვამი წყალს ზედაპირზე არ ამოტივტივებულიყო.

გამოცემა წერს, რომ ვიდრე პოლიცია უოლის დანარჩენ ფრაგმენტებს ეძებს, მის მკვლელობაში ბრალდებული გამომგონებელი პეტერ მედსენი მაინც ამტკიცებს, რომ უბედური შემთხვევა მოხდა. იენს ფალკენბერგმა, რომელიც მედსენს ნავის აგებაში დაეხმარა, აღნისნავს, რომ ასეთი ვარიანტი გამორიცხული არ არის. ის ვარაუდობს, რომ ჟურნალისტს შეიძლება კიბეზე ფეხი აუცდა და ვარდნისას თავი დაარტყა.

The Copenhagen Post-ის ინფორმაციით, არსებობს სხვა თეორიაც. კერზოდ, ქალი იმიტომ მოკლეს, რომ მუშაობდა ისტორიაზე, რომელშიც მედსენი ფიგურირებდა და იტორია ეხებოდა ნარკოტიკის კონტრაბანდას. გაზეთის წყარო აცხადებს, რომ მანამდე უოლი წერა კოკაინით ვაჭრობის შესახებ სამხრეთ და ჩრდილოეთ ამერიკაში, ასევე იმის შესახებ, რომ წყალქვეშა ნავებს ნარკოტიკის გადასატანად იყენებდნენ. "იმავდროულად, ცხედარის დანაწევრება სამხრეთამერიკელი ნარკობარონების გამორჩეული ხელწერაა", - ნათქვამია გაზეთის სტატიაში.

10 აგვისტოს, საღამოს, დანიის დედაქალაქში, უოლი მედსენის მიერ შექმნილ წყალქვეშა ნავზე "ნაუტილუსზე" ავიდა. როდესაც ის სახლში არ დაბრუნდა, მისი მეგობარი სამართალდამცველებს დაუკავშირდა. დაიწყო წყალქვეშა ნავის ძებნა. ის მეორე დღეს, სხვა ქალაქთან ჩაძირული იპოვეს. 46 წლის მედსენი გადაარჩინეს. მისი თქმით, ღამე ნავს ტექნიკური პრობლემები შეექმნა და დილისთვის "ნაუტილური" ჩაიძირა. ქალის ცხედარი ნავზე ვერ იპოვეს. ის მოგვიანებით, კუნძულ ამაგერთან აღმოაჩინეს.

თავდაპირველად, გამომგონებელი ამტკიცებდა, რომ ჟურნალისტს სამ საათში დაშორდა და ის ნაპირზე გადასვა. შემდეგ თქვა, რომ უოლი, ნავზე მომხდარი უბედური შემთხვევის გამო დაიღუპა და ის წყალში "დამარხა". თავის მხრივ, დანიის პოლიცია ეჭვობდა, რომ მედსენმა ნავი სგანგებოდ ჩაძირა. ახლა ის დაპატიმრებულია. ამ ეტაპზე მას არაგანზრახ მკვლელობაში ადანაშაულებენ.

კიმ უოლი ნიუ-იორკსა და პეკინში ცხოვრობდა. ის New York Times-ის, Guardian-ისა და ჟურნალ Vice-სთვის სტატიებს წერდა.