დანიელ გამომგონებელს ჟურნალისტზე ძალადობაში ადანაშაულებენ

დანიის პროკურატურამ, გამომგონებელ პეტერ მედსენს, მოკლული ჟურნალისტის კიმ უოლის სხეულის მიმართ, უხამსს ქმედებებშიც დაზდო ბრალი. ამის შესახებ კოპენჰაგენის პოლიციის ვებგვერდზე წერენ. 

ბრალი სასამართლო მოსმენის დროს 24 აგვისტოს წაუყენეს. ამასთან, პოლიცია სასამართლო პროცესის დამატებით დეტალებზე ინფრმაციის გავრცელებაზე უარს ამბობს. 

წინასწარი გამოძიებით, წყალქვეშა ნავში, რომელზე ყოფნის შემდეგაც უოლი დაიკარგა, ჟურნალისტის სისხლის კვალი იპოვეს. ის ყვება, რომ ცხედარს, რომელსაც თავი და კიდურები არ აქვს, საგანგებოდ დაამძიმეს და მეტალის საგნები დაამაგრეს, როგორც ჩანს, იმ მიზნით, რომ გვამი წყალს ზედაპირზე არ ამოტივტივებულიყო.

გამოცემა წერს, რომ ვიდრე პოლიცია უოლის დანარჩენ ფრაგმენტებს ეძებს, მის მკვლელობაში ბრალდებული გამომგონებელი პეტერ მედსენი მაინც ამტკიცებს, რომ უბედური შემთხვევა მოხდა.

The Copenhagen Post-ის ინფორმაციით, არსებობს სხვა თეორიაც. კერზოდ, ქალი იმიტომ მოკლეს, რომ მუშაობდა ისტორიაზე, რომელშიც მედსენი ფიგურირებდა და იტორია ეხებოდა ნარკოტიკის კონტრაბანდას. გაზეთის წყარო აცხადებს, რომ მანამდე უოლი წერა კოკაინით ვაჭრობის შესახებ სამხრეთ და ჩრდილოეთ ამერიკაში, ასევე იმის შესახებ, რომ წყალქვეშა ნავებს ნარკოტიკის გადასატანად იყენებდნენ. "იმავდროულად, ცხედარის დანაწევრება სამხრეთამერიკელი ნარკობარონების გამორჩეული ხელწერაა", - ნათქვამია გაზეთის სტატიაში.