ვენაში ახალი მთავრობის წინააღმდეგ ათასობით ადამიანი გამოვიდა

ვენის ცენტრალურ მოედანზე სებასტიან კურცის ახალი მთავრობის წინააღმდეგ ათასობით ადამიანი გამოვიდა. დემონსტრანტებმა პოლიეთილენის საწვიმრები დაწვეს, რის გამოც ადგილზე სახანძრო სამსახურის ჩარევა გახდა საჭირო. ინფორმაციას BBC ავრცელებს.

ავსტრიის დედაქალაქის ცენტრში მდებარე კანცელარიისა და პრეზიდენტის სასახლის უსაფრთხოების უზრუნველსაყოფად მობილიზებული იყო სპეცრაზმი.

As Austria's far right #FPÖ sworn into a new government many protesters took to the street infront of #Hofburg palace in #Vienna . pic.twitter.com/dVdhkWYVow

— inna shevchenko (@femeninna) December 18, 2017

აქციის მონაწილეები აცხადებდნენ, რომ ისინი მთავრობაში ულტრამემარჯვენე პარტიის შესვლას ეწინააღმდეგებიან.

ავსტრიის ახალი მთავრობის ინაუგურაცია დღეს გაიმართა. მთავრობის ფორმირება მას შემდეგ გახდა შესაძლებელი, რაც სებასტიან კურცის „ავსტრიის სახალხო პარტიამ“ ულტრა-მემარჯვენე, ნაციონალისტურ „თავისუფლების პარტიასთან“ კოალიცია შექმნა.

ოქტომბერში გამართულ არჩევნებში, კურცის პარტიამ ხმათა 32%, ულტრა-მემარჯვენეებმა კი 26% მოიპოვეს. ინაუგურაციის პარალელურად, ავსტრიაში ახალი მთავრობის მოწინააღმდეგეები საპროტესტო აქცია მართავენ.

16 ოქტომბერს, ავსტრიის საპარლამენტო არჩევნებში გამარჯვებით, ქვეყნის კონსერვატიული სახალხო პარტიის ხელმძღვანელი, 31 წლის სებასტიან კურცი მსოფლიოს ყველაზე ახალგაზრდა ლიდერი გახდა. სახალხო პარტიამ არჩევნებში31.5% მიიღო, სოციალ-დემოკრატებმა 27.1%, ხოლო ულტრამემარჯვენე პარტიამ 25.9%.