დონალდ ტრამპი სარაკეტო დარტყმის შესახებ: შესაძლოა მალე, შესაძლოა არა

აშშ-ის პრეზიდენტმა დონალდ ტრამპმა განაცხადა, რომ აშშ-ის სარაკეტო დარტყმა სირიაზე შესაძლებელია მოხდეს უახლოეს დროში, ან არა. "არასდროს მითქვამს, როდის იქნებოდა სირიაზე დარტყმის ზუსტი დრო. შესაძლოა ძალიან მალე, შესაძლოა არა!", - დაწერა ამერიკელმა ლიდერმა საკუთარ Twitter-ზე.

თავის პოსტში მან დაწერა, რომ აშშ-მა "რეგიონის ისლამური სახელმწიფოსგან გათავისუფლებაში კარგად იმუშავა", "სად არის ჩვენი, "მადლობა, ამერიკა?" - იკითხა ტრამპმა. 

Never said when an attack on Syria would take place. Could be very soon or not so soon at all! In any event, the United States, under my Administration, has done a great job of ridding the region of ISIS. Where is our “Thank you America?”

— Donald J. Trump (@realDonaldTrump) April 12, 2018

დღეს გავრცელდა ინფორმაცია, რომ აშშ დღეს სირიაში სავარაუდო ქიმიურ თავდასხმის საპასუხოდ ავიადარტყმას განახორციელებს. 11 აპრილს დონალდ ტრამპმა რუსეთი გააფრთხილა, რომ სირიაში "ახალი და ჭკვიანი" რაკეტები გაფრინდებიან. 

7 აპრილს სავარაუდოდ სირიის სახელისუფლო ძალებმა აღმოსავლეთ ღუტაში ტოქსიკური გაზი გამოიყენეს, რასაც ქალაქ დუმაში 70-მდე ადამიანი ემსხვერპლა. ამის გამო, ამერიკის შეერთებული შტატები სირიაში რუსულ შეიარაღებულ ძალებზე დარტყმის შესაძლებლობას არ გამორიცხავს.

ბრიტანული მედიის ცნობით, ბრიტანეთმა სირიის სანაპიროებისკენ  წყალქვეშა ფლოტი უკვე გაგზავნა

სირიის პრეზიდენტმა ბაშალ ალ-ასადმა სააგენტო AFP-სთან ექსკლუზიურ ინტერვიუში 7 აპრილის მოვლენებში სირიის ხელისუფლების მიერ ტოქსიკური გაზის გამოყენების ალბათობას „100%-იანი ფაბრიკაცია“ უწოდა. მისი თქმით, სირიას ქიმიური იარაღი არ აქვს.