მუხარემ ინჯე: დარჩით უბნებში, დაიცავით ხმები, გადაწყვეტილებას თურქი ხალხი იღებს

თურქეთში ვადამდელი საპრეზიდენტო და საპარლამენტო არჩევნები დასრულდა, საარჩევნო უბნები ადგილობრივი დროით 17:00 საათზე დაიხურა. 

პრეზიდენტობის კანდიდატმა და მოქმედმა პრეზიდენტმა რეჯეფ თაიფ ერდოღანმა ხმა სტაბმოლში მისცა, ასევე სტამბოლში დააფიქსირა არჩევანი მისმა ერთ-ერთმა მთავარმა კონკურენტმა რესპუბლიკური სახალხო პარტიის წარმომადგენელმა მუხარემ ინჯემ, რომელიც შემდეგ ანკარაში, პარტიის ცენტრალურ ოფისში გაემგზავრა.

სახალხო რესპუბლიკურ პარტიაში წინასწარი შედეგები უკვე მოისმენს, რომლის თანახმადაც ამ დროისთვის ერდოღანმა ხმების დაახლოებით 57.1% მოიპოვა, ხოლო მუხარემ ინჯემ 28.2%. 

"საარჩევნო ყუთები უკვე გახსნეს, ხმის დათვლა დაწყებულია და სახელმწიფო საინფორმაციო სააგენტო Anadoly გამოაქვეყნებს შედეგებს. მაგრამ ჩვენ ვიცით - თურქი ხალხი იღებს გადაწყვეტილებას. ყველას ვთხოვ, ნუ დატოვებენ საარჩევნო უბნებს, განსაკუთრებით იქ, სადაც ერდოღანი ყველაზე ბევრ ხმას მიიღებს. წინასწარი მონაცემებით, 100-და 68% საკუთარ თავს დაუწერეს. შემდეგ ეს მაჩვენებელი 50%-ზე დაიყვანეს, ციფრებით თამაში კიდევ გაგრძელდება. მათი არ უნდა გვჯეროდეს, ჩვენ კარგ შედეგებს მივიღებთ. ეჭვი არ მეპარება. დარჩით უბნებში, დაიცავით ხმები, თუ ფალსიფიცრების შესახებ ინფორმაცია გექნებათ, შეატყობინეთ ცესკოს და შემდეგ მეც. ცესკოს ვურჩევ, შეასრულეთ სამართლიანად თქვენი მოვალეობა, კანონის მიხედვით იმოქმედეთ, ნურავის ხელში ნუ იქნებით სათამაშო, ნურავის ნუ შეგეშინდებათ, ჩვენ გვინდა სამართლიანი შეჯიბრი", - განაცხადა ანკარაში, ცესკოს შენობასთან მუხარემ ინჯემ.

თურქეთში საპრეზიდენტო და საპარლამენტო არჩევნები 2019 წლის ნოემბერში უნდა ჩატარებულიყო, თუმცა თარიღმა გადაიწია და ის 24 ივნისს დაინიშნა. გადაწყვეტილება 2017 წლის აპრილში საკონსტიტუციო ცვლილებებზე გამართული რეფერენდუმის შემდეგ გადაწყდა. 

24 ივნისს დაგეგმილი არჩევნები, პრეზიდენტს უფრო მეტ ძალაუფლებას მისცემს. ქვეყნას 2003 წლიდან  ერდოღანი მართავს, 2014 წლამდე მას პრემიერმინისტრის, ხოლო შემდეგ პრეზიდენტის პოსტი ეკავა. გასულ წელს ერდოღანმა მცირე უპირატესობით გაიმარჯვა რეფერენდუმში, რომელიც კონსტიტუციის შეცვლას და თურქეთს საპარლამენტო რესპუბლიკიდან საპრეზიდენტო სახელმწიფოდ გადაქცევას ითვალისწინებდა. რეფერენდუმის შედეგად, პრეზიდენტმა მეტი ძალაუფლება მიიღო.