ჩილელი მაღაროელი, რომელმაც მიწის ქვეშ 69 დღე გაატარა, ტაილანდის მღვიმეში ჩარჩენილებს მხარდაჭერას უცხადებს

ჩილელი მაღაროელი, რომელმაც 2010 წელს მიწის ქვეშ 69 დღე გაატარა, ტაილანდში მღვიმეში ჩარჩენილ 12 მოზარდსა და მათ მწვრთნელს მხარდამჭერ ვიდეომიმართვას უგზავნის. მარიო სეპულვედა, რომლის მეტსახელია „სუპერ მარიო“, ვიდეომიმართვაში მოზარდების ოჯახებს გამძლეობას უსურვებს.

„მინდა სოლიდარობა გამოვუცხადო და გამძლეობა ვუსურვო ხელისუფლებას და მიწისქვეშ მყოფი 12 ბავშვის ოჯახებს. ეჭვი არ მეპარება, რომ თუ ქვეყნის მთავრობა გადადებს ყველაფერს და ყველა შესაძლო ძალისხმევას მიმართავს, სამაშველო ოპერაცია წარმატებული იქნება. ჩვენ ვლოცულობთ თითოეული თვენგანისთვის, თითოეული თქვენი ოჯახისთვის და ბავშვისთვის“.

მარიო სუპელვედა 33 მაღაროელს შორის ერთ-ერთია, რომლებიც ჩილეს ჩრდილოეთ ნაწილში, ატაკამას უდაბნოში მდებარე მაღაროში 69 დღე გაატარა. ავარია მაღაროში 2010 წელს აგვისტორში მოხდა, რის შედეგადაც მაღაროელები მიწისქვეშ 650 მეტრის სიღრმეში, მაღაროს შესასვლელიდან ხუთი კილომეტრის დაშორებით აღმოჩნდნენ ბლოკირებულები. მათი გამოყვანა მხოლოდ 12 ოქტომბერს გახდა შესაძლებელი.

ტაილანდის გამოქვაბული 23 ივნისის შემდეგ მსოფლიო მედიის ყურადღების ცენტრშია. 11-დან 16 წლამდე ფეხბურთელები და მათი 25 წლის მწვრთნელი ტურისტებისთვის ცნობილ მღვიმეში შევიდნენ, თუმცა იქ ყოფნის დროს წამოვიდა ძლიერი წვიმა, წყლის დონემ აიწია და გასასვლელი დაიკეტა, რის გამოც ბავშვები გამოქვებულის სიღრმეში აღმოჩდნენ. 

2 ივნისს აშშ-სა და ბრიტანეთის მაშველთა დახმარებით იპოვეს. ყველა მათგანი ცოცხალია, თუმცა ამ დრომდე ვერ ხერხდება მათი გამოქვაბულიდან გამოყვანა. მათ 9 დღის განმავლობაში არაფერი უჭამიათ და როგორც მაშველები განმარტავენ, ჯერ საჭიროა, ძალები აღიდგინონ. ექსპერტები აცხადებენ, რომ წყლის დონის დაწევას სულ მცირე 3 თვე სჭირდება, ხოლო ვიწრო კლოდვანი მღვიმეს გავლა წყლის ქვეშ გამოუცდელ ბავშვებს გაუჭირდებათ, ამიტომ ამჟამად პროფესიონალი მყინთავები ცდილობენ მათ დაივინგი ასწავლონ.