ამერიკელი პოლიტიკოსები მაკკეინის გარდაცვალებას ეხმიანებიან

ამერიკელი სენატორის ჯონ მაკკეინის გარდაცვალების გამო ამერიკელი პოლიტიკოსები მწუხარებას გამოთქვამენ. ოჯახს უკვე მიუსამძირა ამერიკის შეერთებული შტატების პრეზიდენტმა დონალდ ტრამპმა.

„დავკარგეთ ადამიანი, რომელიც თავის თავში გამოხატავდა ჩვენი ქვეყნის საუკეთესო იდეალებს“, – ამის შესახებ აშშ-ის თავდაცვის მდივნის ჯეიმს მეტისის განცხადებაში წერია. მეტისი წერს, რომ მაკკეინი ქვეყნის სამსახურს ყოველთვის პირველ ადგილზე აყენებდა.

მაკკეინის გარდაცვალების გამო მწუხარებას გამოთქვამენ, აშშ-ის ვიცე-პრეზიდენტი მაიკ პენსი და ამერიკის სახელმწიფო მდივანი მაიკ პომპეო. 

Karen and I send our deepest condolences to Cindy and the entire McCain family on the passing of Senator John McCain. We honor his lifetime of service to this nation in our military and in public life. His family and friends will be in our prayers. God bless John McCain.

— Vice President Mike Pence (@VP) August 26, 2018

Susan and I send our deepest condolences and prayers to the family of @senjohnmccain - an American patriot. We wish you fair winds and following seas.

— Secretary Pompeo (@SecPompeo) August 26, 2018

ასევე აშშ-ის ყოფილი პრეზიდენტი ბარაკ ობამა აქვეყნებს სამძიმრის წერილს.

„ჩვენი განსხვავებული შეხედულებების მიუხედავად, ვიზიარებდით იმ უმაღლესი იდეალის ერთგულებას, რომლისთვისაც ვიბრძოდით“, – წერს ობამა და აღნიშნავს, რომ 2008 წელს საპრეზიდენტო არჩევნებზე მასთან ბრძოლა ღირსეული იყო.

Our statement on the passing of Senator John McCain: pic.twitter.com/3GBjNYxoj5

— Barack Obama (@BarackObama) August 26, 2018

მწუხარებას გამოხატავს აშშ-ის ყოფილი პრეზიდენტი ჯორჯ ბუშიც. „ის უმაღლესი დონის პატრიოტი იყო,"- წერს ის.

ჯონ მაკკეინის ოჯახს სამძმარი გამოუცხადა პირველმა ლედი მელანია ტრამპმაც. „ჩვენი ფიქრები, ლოცვა, თანაგრძნობა მაკკეინის ოჯახს. მადლობა, სენატორო მაკკეინ თქვენი სამსახურისათვის“, – წერს მელანია.

Our thoughts, prayers and deepest sympathy to the McCain Family. Thank you Senator McCain for your service to the nation.

— Melania Trump (@FLOTUS) August 26, 2018

ამერიკელი სენატორი ჯონ მაკკეინი დღეს გარდაიცვალა. ის 81 წლის იყო. 24 აგვისტოს ცნობილი გახდა, რომ რესპუბლიკელმა სენატორმა მკურნალობა შეწყვიტა. მას კიბო ჰქონდა.

ამერიკული მედიის ცნობით, ჯონ მაკკეინს მერილენდის შტატში, ქალაქ ანაპოლისში დაკრძალავენ. დაკრძალვის ზუსტი თარიღი ჯერ არ სახელდება.