მედია: გარე ძალები მაკედონიის რეფერენდუმის ჩაშლას ცდილობენ

მაკედონიაში ინტერნეტის მეშვეობით, ცდილობენ 30 სექტემბრის რეფერენდუმში მონაწილეთა აქტიურობა დაბალი იყოს. ინფორმაციას "რადიო თავისუფლება" ავრცელებს. 

სტატიის მიხედვით, კამპანიის მიზანია ისაა, რომ რეფერენდუმში მონაწილეთა აქტიურობა დაბალი იყოს, რადგან კანონით შედეგი მხოლოდ იმ შემთხვევაში ამოქმედდება, თუ მასში საარჩევნო ხმის უფლების მქონე მოქალაქეთა 50 პროცენტი მიიღებს მონაწილეობას.

რეფერენდუმის ბიულეტენში ამომრჩეველს ეკითხებიან, ემხრობა თუ არა ის სოციალისტური მთავრობის მიერ საბერძნეთთან მიღწეულ შეთანხმებას, რომ ქვეყანას ეწოდოს "ჩრდილოეთი მაკედონია". თუ მოსახლეობა მიემხრო ასეთ ცვლილებას, რეფერენდუმი გზას გაუხსნის მაკედონიას ნატოსა და ეკროკავშირში გაწევრიანებისკენ.

ბოლო დროის გამოკითხვებით, 70 პროცენტი სახელწოდების შეცვლას ემხრობა, მაგრამ მათი მხოლოდ 58 პროცენტი აპირებს რეფერენდუმში მონაწილეობას. ამ რიცხვის შემცირება და რეფერენდუმის შედეგზე ზეგავლენის მოხდენას კი გარკვეული ძალები ცდილობენ. რა ძალებზეა ლაპარაკი, არ კონკრეტდება.

კომისიამ, რომლის შემადგენლობაში შედიან ისეთი ცნობილი პირები, როგორებიც არიან აშშ-ის ყოფილი ვიცეპრეზიდენტი ჯო ბაიდენი და ბრიტანეთის პრემიერის ყოფილი მოადგილე, ნიკ კლეგი,  განაცხადეს, რომ ეს იყო მცდელობა, ხელი შეეშალათ მაკედონიელების დემოკრატიული უფლებებისთვის და არალეგიტიმური ყოფილიყო რეფერენდუმის კენჭისყრა.

2008 წლის ნატოს ბუქარესტის სამიტიდან 10 წლის შემდეგ, აშშ-ის ყოფილი პრეზიდენტი ჯორჯ ბუში კვლავ უცხადებს მხარდაჭერას მაკედონიას და ამ ქვეყნის ატლანტიკურ მისწრაფებებს. აშშ-ის ყოფილი პრეზიდენტი მაკედონიის მოსახლეობას მოუწოდებს 30 სექტემბერს დაგეგმილ რეფერენდუმში მიიღონ მონაწილეობა. 

ვაშინგტონში მიიჩნევენ, რომ რუსეთი მაკედონიის რეფერენდუმში ჩარევას ცდილობს. როგორც ჯეიმს მეტისმა თქვა, ამისთვის კრემლი ყალბ ამბებსაც ავრცელებს.

რეფერენდუმი მაკედონიაში 30 სექტემბერსაა დანიშნული. მანამდე ქვეყნის ახალი სახელწოდების შესახებ შეთანხმებას ხელი საბერძნეთის პრემიერმინისტრმა ალექსის ციპრასმა, მაკედონიის პრემიერმინისტრმა ზორან ზაევმა და გაეროს გენერალური მდივნის წარმომადგენელმა 17 ივნისს მოაწერეს. დაერქმევა თუ არა მაკედონიას ჩრდილოეთ მაკედონიის რესპუბლიკა, რეფერენდუმზე გადაწყდება.

მაკედონიის სახელწოდების შესახებ კამათი 1991 წელს იუგოსლავიიდან დამოუკიდებლობის მოპოვების შემდეგ დაიწყო. ახლა, როდესაც მაკედონია ნატოსა და ევროკავშირში გაწევრიანებას გეგმავს, მისი სახელწოდება კიდევ უფრო აქტუალური გახდა.