imedi /  14 მაისი 2019, 16:01 / სანდო წყარო

მამუკა ბახტაძე: ჩემი ერი მზადაა წინ დიდი ნაბიჯებით იაროს

მამუკა ბახტაძე

ბრიუსელში აღმოსავლეთ პარტნიორობის 10 წლის იუბილესადმი მიძღვნილი კონფერენციის ფარგლებშიპრემიერმინისტრი მამუკა ბახტაძე სიტყვით გამოვიდა. "უპირველეს ყოვლისა მინდა ვთქვა, რომ ჩემთვის და ჩვენი დელეგაციისთვის დიდი პატივია აღმოსავლეთ პარტნიორობის 10 წლის იუბილeს აღნიშვნა თქვენთან - საქართველოს მეგობრებთან - ერთად", - განაცხადა პრემიერმინისტრმა. 

პრემიერის თქმით, ეს ათი წელი "საოცარი მოგზაურობა" იყო. მისი განცხადებით, საქართველო ძალიან კარგი მაგალითია იმის, თუ როგორი ტრანსფორმაციული ძალა აქვს ევროკავშირს. 

"ჩვენი ქვეყნის წარმატება თქვენი წარმატებაცაა. ეს ერთობლივი მიღწევაა. ჩვენთვის ეს არის ძირითადი მისწრაფება და ყოველთვის ვცდილობ ხაზი გავუსვა, რომ ჩემი ერისთვის ევროპული მისწრაფება ცივილიზაციური არჩევანია. ეს არის ღირებულებებზე დაფუძნებული არჩევანი, რადგან ჩვენი წარსული ევროპულია და ამიტომ მომავალიც ევროპულია. ეს მისწრაფება ძალიან ძვირი გვიჯდება პოლიტიკურად და ეკონომიკურად. როგორც მოგეხსენებათ, რუსეთის ფედერაცია აგრძელებს ჩვენი ტერიტორიის 20 პროცენტის ოკუპაციას და ყოველთვის არსებობს ქართველი ხალხის მისწრაფებაზე გავლენის მოხდენის მცდელობა. თუმცა, ჩვენი მოსახლეობის 85 პროცენტზე მეტი უჭერს მხარს ამ გადაწყვეტილებას - ამ არჩევანს - რადგან ეს ცივილიზაციური არჩევანია. ეს 10 წელი საოცარი იყო ჩემი ქვეყნისთვის", - განაცხადა პრემიერმინისტრმა ბახტაძემ.

მისივე თქმით, გარდაქმნის პროცესი არ იყო იოლი და წლიდან წლამდე მიიწევდა საქართველო ყველა მიმართულებით: "ბიზნესის კეთების სიმარტივის, ანტიკორუფციული კანონმდებლობის, სამართლის უზენაესობის, ადამიანის უფლებების დაცვის უმაღლეს დონეზე დაყენებით და ბევრი სხვა მიღწევით. ასოცირების შეთანხმება და მასში შემავალი ღრმა და ყოვლისმომცველი, თავისუფალი სავაჭრო სივრცე, ვიზალიბერალიზაციასთან ერთად ისტორიული მიღწევებია ჩემი ქვეყნისთვის. თუმცა, გვაქვს ამ წარმატებაზე მეტის მიღწევის სურვილი. საქართველო მოწინავე ქვეყნად მიიჩნევა აღმოსავლეთ პარტნიორობის რეგიონში და ვფიქრობთ, მეტს ვიმსახურებთ. მეტი შესაძლებლობა გაგვაჩნია", - განაცხადა ბახტაძემ და დასძინა, რომ სწორედ ამიტომ, ევროპელ კოლეგებს ორი თვის წინ „ევროკავშირისკენ საქართველოს გზამკვლევი“ წარუდგინა.

„პრინციპში, იდეა იმაში მდგომარეობს, რომ გვქონდეს ევროპულ ინსტიტუტებში მეტი ინტეგრაციის შესაძლებლობა. ძირითადად აქცენტი კეთდება დარგობრივ ინტეგრაციაზე, იქნება ეს საერთო ციფრული ბაზარი, ეკონომიკა, ტრანსპორტი, ენერგეტიკა, მეტი მობილურობა ჩვენი მოქალაქეებისთვის, მაგალითად ცირკულარული მიგრაცია და ბევრი სხვა. ჩვენ ასევე გვესმის, რომ გამოწვევები არსებობს თავად ევროკავშირში, როდესაც საქმე პოლიტიკურ გადაწყვეტილებამდე მიდის, თუმცა მივიჩნევთ, რომ საქართველო მზადაა ბევრად მეტი გააკეთოს წინსვლის მხრივ. მიგვაჩნია, რომ ძალიან ხელშესახები წინ გადადგმული ნაბიჯი იქნება დარგობრივი ინტეგრაციის პროცესის დაწყება. 10 წლის წინ აღმოსავლეთ პარტნიორობა შესანიშნავი იდეა იყო. ვიტყოდი, რომ გაბედულიც იყო და შორს მომავალში ხედვას გულისხმობდა. ახლა სხვა დიადი იდეა გვჭირდება, რათა ყველა ერი დარწმუნდეს, რომ ხელშესახები სამიზნე ორიენტირი გააჩნიათ. რაც შეეხება საქართველოს, მიგვაჩნია, რომ შემდგომი ინტეგრაცია ერთადერთი სწორი არჩევანია და ასევე მინდა ორიოდე სიტყვა ვთქვა საქართველოს წვლილზე, რადგან არ მინდა მომთხოვნის ტონალობაში ჟღერდეს ჩემი საუბარი. საქართველოსთან ერთად ევროპაც უფრო ძლიერია. ამ გზავნილის მიწოდებას ვცდილობთ წლებია. შავი ზღვის რეგიონის უსაფრთხოების გარეშე, ჩვენი რეგიონის უსაფრთხოების გარეშე, შეუძლებელია მდგრადი უსაფრთხოების ინფრასტრუქტურისა და სისტემის შექმნა ევროკავშირში. ეს იმას ნიშნავს, რომ საქართველოსთან ერთად ევროკავშირიც უფრო ძლიერი იქნება. ევროპული საწარმოები თავისუფლად შეძლებენ ჩვენს რეგიონში საქმიანობას . ეს მასშტაბი სცილდება ჩვენს ორმხრივ ურთიერთობებს და ამიტომ დღევანდელ დღეს ჩემი გზავნილი ასეთია: ჩვენი წარსული ევროპული იყო, მომავალიც ევროპული იქნება და ახლა უნიკალური შესაძლებლობა გვაქვს სხვა დიად იდეას მივცეთ დასაბამი - ისეთივეს, როგორიც აღმოსავლეთ პარტნიორობის შექმნა იყო 10 წლის წინ. ახლა უფრო ამბიციური გეგმები გვჭირდება, რადგან აღმოსავლეთ პარტნიორობის ქვეყნები და განსაკუთრებით ჩემი ერი მზადაა წინ დიდი ნაბიჯებით იაროს", - განაცხადა საქართველოს პრემიერმინისტრმა.

საქართველოს პრემიერმინისტრი მამუკა ბახტაძე ბრიუსელში ოფიციალური ვიზიტით არის ჩასული, სადაც აღმოსავლეთ პარტნიორობის 10 წლის იუბილესადმი მიძღვნილ ღონისძიებებს ესწრება და შეხვედრებს მართავს. ის უკვე შეხვდა ევროკომისიის პრეზიდენტს ჟან-კლოდ იუნკერს, ასევე ევროპის საინვესტიციო ბანკის ვიცეპრეზიდენტს ვაზილ ჰუდაკს

ყველა სიახლე

თეა წულუკიანი

31 მარტი 2020, 22:25

COVID19

თეა წულუკიანი: სუპერუნარიანმა ხელისუფლებამ პირველივე დღიდან დაიწყო მუშაობა, რათა ვირუსს არ მოჰყოლოდა აფეთქება

ხელისუფლებამ აჩვენა, რომ მას აქვს უნარი. ჩვენ გვყავს სუპერუნარიანი ხელისუფლება, რომელმაც პირველივე დღიდან დაიწყო მუშაობა პრევენციაზე, სამედიცინო და სხვა ტიპის მარაგები შექმნა, რათა ვირუსს არ მოჰყოლოდა აფეთქება, რასაც ჩვენი ჯანდაცვის სისტემა ვერ გაუძლებდა, - ამის შესახებ ტელეკომპანია „იმედის“ გადაცემაში „ღია ეთერი“ იუსტიციის მინისტრმა, თეა წულუკიანმა განაცხადა.

31 მარტი 2020, 22:12

COVID19

ნიუ-იორკის პოლიციის 1193 თანამშრომელს კორონავირუსი დაუდასტურდა

ნიუ-იორკის პოლიციის დეპარტამენტის 1193 თანამშრომელს კორონავირუსით ინფიცირება დაუდასტურდა. ამის შესახებ ინფორმაციას ტელეკომპანია CNN ავრცელებს. ბოლო მონაცემებით, კორონავირუსით ინფიცირება ნიუ-იორკის პოლიციის დეპარტამენტის 1048 პოლიციელსა და 145 სამოქალაქო სპეციალისტს დაუდასტურდა.

ლევან რატიანი

31 მარტი 2020, 22:07

COVID19

ლევან რატიანი: როცა მონიტორზე ფიქსირდება ასისტოლია, მეც მიჩერდება გული

„დამარცხება ძალიან ცუდი მომენტია, იმ დროს როცა მონიტორზე ფიქსირდება ასისტოლია, მეც მიჩერდება გული. ყველაზე ცუდი მომენტია, როდესაც ოჯახის წევრს ეუბნები, რომ შენი ოჯახის წევრი დაიღუპა, რაც არ უნდა ასაკის იყოს ის. რამდენი წლის ექიმი ვარ და როცა პაციენტი გარდაცვლილა არასდროს დამირეკავს მის ოჯახის წევრთან და არ მითქვამს, რომ შენი ახლობელი გარდაიცვალა. რაც არ უნდა ასაკიანი ან ავადმყოფი პაციენტი იყოს, ვერ ვეტყვი მის ოჯახის წევრს რომ თქვენს ახლობელს გული გაუჩერდა. ყველა პაციენტი მესიზმრება, ყოველ ღამე. ვცდილობ რომ ეს ემოცია ოჯახში არ გამოვავლინო, იმიტომ რომ ეს ჩემი ემოციაა, ჩემი ცხოვრება, ჩემი გარემოა და ამიტომ ოჯახში როდესაც 2 და სამი საათი მივდივარ მათთან ერთად ვიყო“, - ამბობს რატიანი.

ევროვიზია

31 მარტი 2020, 21:58

კულტურა

გაუქმებული „ევროვიზია 2020-ს“ ნაცვლად სპეციალური კონცერტი ჩატარდება

ღონისძიება 16 მაისს გაიმართება. სწორედ ამ დღეს იყო დაგეგმილი კონკურსის ფინალი. კონცერტში სახელწოდებით Europe Shine A Light მონაწილეობას წლევანდელ კონკურსანტებთან ერთად ევროვიზიის ვარსკვლავებიც მიიღებენ.

Georgian Airways

31 მარტი 2020, 21:41

COVID19

თბილისში ამსტერდამიდან საქართველოს 179 მოქალაქე დაბრუნდა

თბილისის აეროპორტში „Georgian Airways“-ის თვითმფრინავი დაეშვა, რომლის ბორტზეც საქართველოს 179 მოქალაქე იმყოფებოდა. ისინი აეროპორტიდან საკარანტინო ზონაში გადავლენ. საქართველოს მთავრობა საზღვარგარეთ დარჩენილი მოქალაქეების დასაბრუნებლად კიდევ რამდენიმე ავიარეისს განახორციელებს.

სალომე ზურაბიშვილი

31 მარტი 2020, 21:41

COVID19

სალომე ზურაბიშვილი: თბილისში სრული სიჩუმე სუფევს, მეამაყება ეს ჩვენი პასუხისმგებლიანი ქცევა

საქართველოს პრეზიდენტი სალომე ზურაბიშვილი ე.წ. კომენდანტის საათის ამოქმედებას ეხმაურება. ზურაბიშვილის განცხადებით, თბილისში სიჩუმე სუფევს, რაც იმაზე მიანიშნებს, რომ მოსახლეობა რეკომენდაციებს იცავს.

თავდაცვის სამინისტრო

31 მარტი 2020, 21:26

COVID19

თავდაცვის სამინისტრო ერთ-ერთი მედიასაშუალების მიერ გავრცელებულ ცრუ ინფორმაციას ეხმაურება

თავდაცვის სამინისტროს სტრატეგიული კომუნიკაციის სამმართველო ეხმაურება ერთ-ერთი მედიასაშუალების მიერ გავრცელებულ ცრუ ინფორმაციას, თითქოს დასუფთავების სამსახურის თანამშრომლების ნაცვლად, კორონავირუსით სამხედრო სავალდებულო სამსახურის სამხედროები დაინფიცირდნენ.

31 მარტი 2020, 21:22

COVID19

თურქეთში კორონავირუსით ინფიცირებულთა რიცხვი 13 531-მდე გაიზარდა

თურქეთში კორონავირუსით ინფიცირებულთა რიცხვი 13 531-მდე გაიზარდა. ამის შესახებ თურქეთის ჯანდაცვის მინისტრმა განაცხადა. მინისტრის თქმით, ბოლო 24 საათის განმავლობაში თურქეთში კორონავირუსით 46 ადამიანი გარდაიცვალა, ხოლო 2 704 კი დაინფიცირდა. საერთო ჯამში თურქეთში ამ მომენტისთვის 214 ადამიანი გარდაიცვალა კორონავირუსით.

კორონავირუსი აშშ

31 მარტი 2020, 21:19

COVID19

აშშ-ში კორონავირუსით გარდაცვლილთა რიცხვმა ჩინეთის მაჩვენებელს გადააჭარბა

აშშ-ში კორონავირუსით გარდაცვლილთა რიცხვმა ჩინეთის მაჩვენებელს გადააჭარბა. ამის შესახებ ჯონს ჰოპკინსის უნივერსიტეტის მიერ გამოქვეყნებული სტატისტიკური მონაცემები მეტყველებს.

თბილისი კომენდანტის საათი

31 მარტი 2020, 21:00

COVID19

საქართველოში ე.წ. კომენდანტის საათი ამოქმედდა

21:00 საათიდან მთელი ქვეყნის ტერიტორიაზე ე.წ. კომენდანტის საათი მოქმედებს. კორონავირუსის გავრცელების გამო გამოცხადებული საგანგებო მდგომარეობის ფარგლებში სრულად იკრძალება როგორც ქვეითად, ასევე საზოგადოებრივი და კერძო ტრანსპორტით გადაადგილება გამონაკლისი შემთხვევების გარდა.

ხიბულა

31 მარტი 2020, 20:57

საზოგადოება

„ქართული ოცნება“: ზვიად გამსახურდიას როლი ქართული სახელმწიფოს დამოუკიდებლობის ჩამოყალიბების გზაზე უმნიშვნელოვანესია

ზვიად გამსახურდიას მიერ შექმნილმა პოლიტიკურმა ალიანსმა შეძლო ჩვენი ქვეყნის მთავარი პოლიტიკური მიზნის მიღწევა: ჯერ დამოუკიდებლობის შესახებ რეფერენდუმის ჩატარება, შემდეგ კი - ამ რეფერენდუმზე დაყრდნობით, ქართველი ხალხის არაერთი თაობის ოცნების განხორციელება - საქართველოს დამოუკიდებლობის აღდგენა, - ამის შესახებ „ქართული ოცნება - დემოკრატიული საქართველო“ Facebook-ზე წერს.

ბლოკპოსტი

31 მარტი 2020, 20:51

COVID19

მთავრობა ქვეყანაში მოქმედ შეზღუდვებსა და დაშვებებთან დაკავშირებით ხშირად დასმულ კითხვებს პასუხობს

საქართველოს მთავრობა ქვეყანაში საგანგებო მდგომარეობის ფარგლებში მოქმედ შეზღუდვებსა და დაშვებებთან დაკავშირებით ხშირად დასმულ კითხვებს პასუხობს.

31 მარტი 2020, 20:41

COVID19

იტალიაში კორონავირუსისგან გამოჯანმრთელებულთა რიცხვი 15 729-მდე გაიზარდა

იტალიაში კორონავირუსისგან გამოჯანმრთელებულთა რიცხვი 15 729-მდე გაიზარდა. ინფორმაციას ადგილობრივი მედია ქვეყნის სამოქალაქო თავდაცვის სამსახურის ხელმძღვანელ ანჯელო ბორელიზე დაყრდნობით ავრცელებს.

ხიბულა

31 მარტი 2020, 20:36

საზოგადოება

ბიძინა ივანიშვილის ინიციატივით სოფელ ხიბულაში ინფრასტრუქტურული პროექტები ხორციელდება

სოფელ ხიბულაში სახლს, სადაც ზვიად გამსახურდიამ სიცოცხლის უკანასკნელი წუთები გაატარა, ბიძინა ივანიშვილის გადაწყვეტილებით, რეაბილიტაცია ჩაუტარდა. მისივე ინიციატივით, სოფელში აშენდა საბავშვო ბაღი და მიმდინარეობს ტაძრის მშენებლობა. სოფელში კიდევ სხვა ინფრასტრუქტურული პროექტებიც ხორციელდება.

31 მარტი 2020, 20:28

COVID19

საქართველოს ხელისუფლება ოკუპირებული აფხაზეთიდან გადმოყვანილი ქალის კონტაქტებს ზუგდიდში მკურნალობას სთავაზობს

„ქრონიკის“ ინფორმაციით, ოკუპირებული აფხაზეთიდან ზუგდიდში გადმოყვანილი კორონავირუსით ინფიცირებული ქალის კონტაქტები დადგენილია. საქართველოს ხელისუფლება მთელი დღის განმავლობაში მოლაპარაკებებს აწარმოებდა დე ფაქტო ხელისუფლების წარმომადგენლებთან, რათა 45 წლის ქალთან კონტაქტში მყოფ პირებს საქართველოს მიერ კონტროლირებად ტერიტორიაზე უმკურნალონ.

დონალდ ტრამპი

31 მარტი 2020, 20:25

COVID19

დონალდ ტრამპი: რუსეთმა და ჩინეთმა სამედიცინო დახმარება გამოგვიგზავნეს, რაც ძალიან სასიამოვნო იყო

აშშ-ის პრეზიდენტის დონალდ ტრამპის განცხადებით, რუსეთმა და სხვა ქვეყნებმა აშშ-ს სამედიცინო დახმარება გამოუგზავნეს.„რუსეთმა გამოგვიგზავნა სამედიცინო აღჭურვილობა დიდი თვითმფრინავით, რაც ძალიან სასიამოვნო იყო“, - განაცხადა დონალდ ტრამპმა.

ალბერ II

31 მარტი 2020, 20:23

COVID19

მონაკოს პრინცი ალბერ II კორონავირუსისგან გამოჯანმრთელდა

მონაკოს პრინცი ალბერ II კორონავირუსისგან გამოჯანმრთელდა. ამის შესახებ ინფორმაციას მისი პრესსამსახური ავრცელებს. განცხადებაში ნათქვამია, რომ ექიმებმა მონაკოს პრინცს კარანტინიდან გამოსვლის ნებართვა დართეს. 19 მარტს მონაკოს პრინცს ალბერ II-ს კორონავირუსი დაუდგინდა. პრინცის მდგომარეობა დამაკმაყოფილებელი იყო და მუშაობას სასახლიდან განაგრძობდა.

ირაკლი ჩიქოვანი

31 მარტი 2020, 20:07

COVID19

ირაკლი ჩიქოვანმა მოსახლეობას ე.წ. კომენდანტის საათით გათვალისწინებული შეზღუდვების დაცვისკენ მოუწოდა

„ზუსტად ერთ საათში, 21 საათზე საქართველოში ამოქმედდება ე.წ. კომენდანტის საათი, რაც ნიშნავს იმას, რომ დღეს, საღამოს 9 საათიდან დილის 6 საათამდე არის აკრძალული გადაადგილება როგორც ქვეითად, ასევე სატრანსპორტო საშუალებებით. ეს შეზღუდვა არ ეხება მხოლოდ სატვირთო მანქანებს და იმ სუბიექტების სატრანსპორტო საშუალებებს, რომელთა საქმიანობაც არის კრიტიკულად მნიშვნელოვანი. მაგალითად, ასეთი არის პოლიცია, სამხედროები, წინასწარგანსაზღვრული სასწრაფო მანქანები, ზოგიერთი საჯარო მოხელე და სხვა ამდაგვარი. მინდა კიდევ ერთხელ მოვუწოდო საქართველოს მოქალაქეებს მკაცრად დაიცვან საგანგებო მდგომარეობის ფარგლებში გადაადგილების შეზღუდვა“, - განაცხადა ჩიქოვანმა.

გალი

31 მარტი 2020, 20:01

COVID19

ოკუპირებული აფხაზეთის გალის რაიონში ე.წ. კომენდანტის საათი ამოქმედდა

ოკუპირებული აფხაზეთის გალის რაიონში ე.წ. კომენდანტის საათი ამოქმედდა. აღნიშნულის შესახებ განკარგულებას ოკუპირებული აფხაზეთის ე.წ. პრეზიდენტის მოვალეობის შემსრულებელმა ვალერი ბგანბამ მოაწერა ხელი.

Backstreet Boys

31 მარტი 2020, 19:38

COVID19

თვითიზოლაციაში მყოფმა Backstreet Boys-ის წევრებმა თავიანთი ცნობილი ჰიტი შეასრულეს. ვიდეო

მუსიკოსები კორონავირუსის გამო თვითიზოლაციაში იმყოფებიან, ამიტომ სიმღერა ყველამ საკუთარი სახლიდან შეასრულა. ზოგს კი ამაში შვილებიც კი დაეხმარნენ.