imedi /  20 აგვისტო 2019, 22:40 / სანდო წყარო

გვარამია: 2013 წელს შუბლაძე ხელისუფლებას „რუსთავი 2“-ის განადგურებაზე უთანხმდებოდა

ნიკა გვარამია

ნიკა გვარამია

ნინო შუბლაძე 2013 წელს „რუსთავი 2“-დან იმიტომ წავიდა, რომ მას ვანახე ვიდეო, სადაც ის მთავრობის წარმომადგენელს „რუსთავი 2“-ის განადგურებაზე უთანხმდება, - ამის შესახებ ტელეკომპანია „რუსთავი 2“-ის ყოფილმა გენერალურმა დირექტორმა ნიკა გვარამიამ ონლაინგადაცემის „სირცხვილია“ პირდაპირ ეთერში განაცხადა

მისივე თქმით, შუბლაძეს ის შეუთანხმდა, რომ წასულიყო არხიდან და ვიდეოს არ გამოაქვეყნებდა. 

„ძალიან ბევრის გახსენება შეიძლება ნინო შუბლაძეზე. მასაც უნდა ახსოვდეს ალბათ, რის გამოც წავიდა. ის ვიდეო დღესაც არსებობს, სადაც შუბლაძე ივანიშვილის ხელისუფლების წარმომადგენელთან „რუსთავი 2“-ის განადგურების გეგმაზე საუბრობს. მე ვანახე მას ეს ვიდეო და ამის გამო წავიდა. მე საკუთარი სიტყვა დავიცავი და არსად გამომიქვეყნებია ეს ვიდეო, პირიქით, 50 000-ლარიანი პრემიით გავაცილე ნინო შუბლაძე სამსახურიდან“, - აღნიშნა გვარამიამ.

გვარამიას განცხადების შესაფასებლად imedinews-ი ნინო შუბლაძესთან დაკავშირებას ცდილობს, მაგრამ ის ჩვენს ზარებს არ პასუხობს.

2014 წლის მაისში ნიკა გვარამია აცხადებდა, რომ ნინო შუბლაძის ტელეკომპანიიდან წასვლა ფარულ თვალთვალს და მოსმენებს არ უკავშირდებოდა. 

„ნინო შუბლაძესთან საუბარი, რა თქმა უნდა, მქონდა. გუშინ ჩვენ თათბირიც ჩავატარეთ. ნინო შუბლაძის წასვლა ამ ყველაფერს არ უკავშირდება. მე და ნინო დაახლოებით ერთი წლის წინ შევთანხმდით, რომ ის მიდიოდა [მიმდინარე წლის] აგვისტოში, ვინაიდან მას პირადი, ოჯახური მოტივაცია ჰქონდა. შესაბამისად, არ გამკვირვებია, როცა ეს მითხრა. ჩემი მოტივაცია მასთან საუბარში სწორედ ის იყო, როდესაც მის გადარწმუნებას ვცდილობდი, რომ ახლა მისი წასვლით გაჩნდებოდა გარკვეული კითხვები, თუმცა მისმა მოტივაციამ გადასძალა. როგორც უკვე გითხარით, გუშინ გვქონდა თათბირი, გავიარეთ ეს საკითხი და ნინოს თხოვნა დაკმაყოფილდა. მე ნინოს გადარწმუნებას ვცდილობდი, ის იყო ჩემი მარჯვენა ხელი, ძალიან წარმატებული მენეჯერი და ჩემი ძალიან ახლო მეგობარი, ამიტომ ვადასტურებ, რომ მის გარეშე ძალიან გამიჭირდება და საერთოდ მედიის მიღმა მე მას ვერ ვხედავ. მაგრამ როცა ადამიანი აიხირებს, რომ პაუზა უნდა აიღოს, მას ეს შესაძლებლობა უნდა მისცე, იმიტომ, რომ მე თვითონაც მაქვს ეს გზა გავლილი, მე პოლიტიკიდან თავის დროზე სწორედ ასე წამოვედი. როდესაც თვითონ მაქვს ასეთი გზა გავლილი, ამაში სხვას ხელს ვერ შევუშლი”, - აცხადებდა გვარამია.

Imedinews-ის ინფორმაციით, ტელეკომპანია „რუსთავი 2“-ის საინფორმაციო სამსახურს ნინო შუბლაძე უხელმძღვანელებს. შესაძლოა მან არხის საინფორმაციო მიმართულებას ძველებურად დირექტორის მოადგილის სტატუსითაც უხელმძღვანელოს. თავად შუბლაძე სატელეფონო ზარებს არ პასუხობს, თუმცა ტელეფონით მიღებულ შეტყობინებაზე პასუხად ფაქტს არ უარყოფს.   

მანამდე ტელეკომპანიის რამდენიმე თანამშრომელი სამსახურიდან გაათავისუფლეს. ესენი არიან ნოდარ მელაძე, ნანუკა ჟორჟოლიანი, ეკა კვესიტაძე, გიორგი გაბუნია და გიორგი ლაფერაშვილი. ნინო შუბლაძის შესაძლო დანიშვნის თაობაზე, ტელეკომპანიის გენერალურმა დირექტორმა პაატა სალიამ დღეს განაცხადა.

ტელეკომპანია „რუსთავი 2“-ის 100%-ანი წილის მფლობელმა ბიზნესმენმა ქიბარ ხალვაშმა 18 ივლისს  არხის გენერალურ დირექტორად პაატა სალია დანიშნა, რომელმაც ამ პოზიციაზე ნიკა გვარამია შეცვალა.

17 აგვისტოს ცნობილი გახდა, რომ ნიკა გვარამიამ ახალი არხი დააფუძნა.

ყველა სიახლე

11 აპრილი 2021, 11:39

COVID19

უკრაინაში კორონავირუსის 12,112 შემთხვევა გამოვლინდა

უკრაინის ჯანდაცვის სამინისტროს მონაცემებით, ქვეყანაში გასული დღე-ღამის განმავლობაში კორონავირუსის 12,112 შემთხვევა გამოვლინდა, ხოლო ვირუსს 235 ადამიანი ემსხვერპლა. პანდემიის დაწყებიდან დღემდე, უკრაინაში კორონავირუსის 1,853,249 შემთხვევა დადასტურდა, 37,014 ადამიანი გარდაიცვალა, ხოლო 1,410,860 პაციენტი გამოჯანმრთელდა.

11 აპრილი 2021, 11:37

COVID19

სომხეთში კორონავირუსის 650 შემთხვევა გამოვლინდა

სომხეთში კორონავირუსი კიდევ 650 ადამიანს დაუდასტურდა, 15 ინფიცირებული კი გარდაიცვალა. ამის შესახებ ადგილობრივი მედია, ჯანდაცვის სამინისტროზე დაყრდნობით იტყობინება. სულ ქვეყანაში კორონავირუსის 202,817 შემთხვევა დადასტურდა, გარდაიცვალა 3,735 ადამიანი, გამოჯანმრთელდა - 181,963.

11 აპრილი 2021, 11:20

რეგიონი

კახეთში ხანძრისას საცხოვრებელი სახლი და ადამიანის ცხედარი სასახლესთან ერთად დაიწვა

ახმეტაში, ხანძრის შედეგად, საცხოვრებელი სახლი და ადამიანის ცხედარი სასახლესთან ერთად დაიწვა. შემთხვევა წუხელ, ე.წ უტას დასახლებაში მოხდა. ცეცხლი სახლის მეორე სართულზე, სავარაუდოდ, მიცვალებულთან ანთებული სანთლიდან გაჩნდა, რომელიც სახლის ნაწილს მოედო. ასევე, დამწვარია სახლში არსებული საყოფაცხოვრებო ტექნიკა და ავეჯი. შემთხვევის ადგილზე მობილიზებული იყო რამდენიმე სახანძრო-სამაშველო ბრიგადა. სწორედ მეხანძრე-მაშველების მიერ, მალევე მოხერხდა ხანძრის ლიკვიდაცია.

ზვიად შალამბერიძე

11 აპრილი 2021, 11:10

რეგიონი

ზვიად შალამბერიძე: მდინარე რიონში გაუჩინარებული კაცის მოსაძებნად, ინტენსიური მუშაობა მიმდინარეობს

„წუხანდელის შემდეგ, სამძებრო-სამაშველო სამუშაო მიმდინარეობს. დაახლოებით, 100-მდე მაშველია ამ პროცესში ჩართული, 15 კილომეტრის სიგრძის მონაკვეთზე. ექოლოტიც არის. ჩამოყვანილია ეკიპაჟები სხვადასხვა ქალაქიდან. ძალიან ინტენსიური მუშაობა მიმდინარეობს“ -აცხადებს ზვიად შალამბერიძე.

11 აპრილი 2021, 11:06

რეგიონი

მდინარე ალგეთი ნაკადულის კალმახის 50 000-მდე ლარვით დათევზიანდა

ველური ბუნების და დაცული ტერიტორიების სააგენტოების სპეციალისტებმა ალგეთის ეროვნული პარკის ტერიტორიაზე ნაკადულის კალმახის 50 000-მდე ლარვა გაუშვეს. ამის შესახებ ინფორმაციას სოფლის მეურნეობის სამინისტრო ავრცელებს. როგორც განცხადებაშია ნათქვამი, მდინარის კალმახის ინკუბირებული ქვირითისა და ლარვის ველურ ბუნებაში გაშვება არის მეთოდი, რომელიც ხელს უწყობს მოწყვლადი სახეობის მომრავლებას და ზრდის ბუნებრივად გამოჩეკვის პროცენტს. ქვირითი ნაყოფიერდება ხელოვნურად, გამოჩეკვამდე მდინარის ინკუბატორში თავსდება და წყლის მდორე უბეებში ეწყობა.

11 აპრილი 2021, 10:59

COVID19

როგორია კოვიდინფიცირების დადებითობის დღიური მაჩვენებელი საქართველოში

10 აპრილის მდგომარეობით, დადებითობის დღიური მაჩვენებელი არის 2.85 %, ბოლო 14 დღის განმავლობაში - 2.26%, ხოლო 7 დღის განმავლობაში კი 2.50 %.

11 აპრილი 2021, 10:56

COVID19

ამ ეტაპზე საქართველოში 380 მძიმე პაციენტია

ამ ეტაპზე მძიმე პაციენტია 380 პირი, მათ შორის, თბილისში - 191, აჭარაში - 42, იმერეთში -65. ხელოვნური სუნთქვის აპარატზე იმყოფება 72 პირი, მათგან თბილისში - 48, აჭარაში - 5, იმერეთში - 6. 309 ადამიანი მოთავსებულია კლინიკურ-სასტუმროებში, მათ შორის 200 - თბილისში, 121 - აჭარაში.

11 აპრილი 2021, 10:54

COVID19

კოვიდინფიცირების ახალი შემთხვევებიდან 408 თბილისში გამოვლინდა

დღეს ქვეყანაში გამოვლენილი ინფიცირების 707 ახალი შემთხვევიდან: თბილისში გამოვლენილია 408 შემთხვევა, აჭარა - 61, იმერეთი - 47, ქვემო ქართლი - 22, შიდა ქართლი - 22, გურია - 26, სამეგრელო - ზემო სვანეთი - 71, კახეთი - 26, მცხეთა-მთიანეთი - 20, სამცხე-ჯავახეთი - 2, რაჭა-ლეჩხუმი და ქვემო სვანეთი - 2.

11 აპრილი 2021, 10:53

სამართალი

კოვიდ-19-ის წინააღმდეგ ბრძოლის მიზნით მოქმედი რეგულაციების დარღვევის 1 567 ფაქტი გამოვლინდა

პოლიციამ 137 ფიზიკური და 2 იურიდიული პირი დააჯარიმა. დაჯარიმებულთა შორის არიან მოქალაქეები, რომლებმაც 21 საათიდან დილის 5 საათამდე დაწესებული გადაადგილების შეზღუდვის წესი დაარღვიეს. გარდა ამისა, ბოლო 24 საათის განმავლობაში, პირბადის ტარების წესის დარღვევის ფაქტზე 1 287 ფიზიკური პირი დაჯარიმდა, ხოლო პირბადის ტარების წესის განმეორებით დარღვევის 141 ფაქტი გამოვლინდა.

11 აპრილი 2021, 10:48

COVID19

საქართველოში ბოლო 24 საათში კორონავირუსით 8 ადამიანი გარდაიცვალა

Stopcov.ge-ზე გამოქვეყნებული ინფორმაციის თანახმად, ბოლო 24 საათში საქართველოში 8 კოვიდინფიცირებული გარდაიცვალა. ამ დროისთვის საქართველოში კორონავირუსის 288 396 შემთხვევაა დადასტურებული. მათ შორის გამოჯანმრთელდა 277 303, გარდაიცვალა 3 877 პაციენტი.

11 აპრილი 2021, 10:47

COVID19

საქართველოში კორონავირუსის 707 ახალი შემთხვევა გამოვლინდა

Stopcov-ზე გამოქვეყნებული მონაცემების თანახმად, ბოლო 24 საათის განმავლობაში საქართველოში კორონავირუსი კიდევ 707 ადამიანს დაუდასტურდა, გამოჯანმრთელდა 592 პაციენტი.

11 აპრილი 2021, 10:44

COVID19

ბრაზილიაში კორონავირუსის 71,832 შემთხვევა დადასტურდა

გასული დღე-ღამის განმავლობაში, ბრაზილიაში კორონავირუსის 71,832 ახალი შემთხვევა დადასტურდა, 2,616 ადამიანი კი გარდაიცვალა. ამის შესახებ ინფორმაციას Reuters-ი, ქვეყნის ჯანდაცვის სამინისტროზე დაყრდნობით ავრცელებს. პანდემიის დაწყებიდან დღემდე, ბრაზილიაში კორონავირუსის 13,45 მილიონი შემთხვევა დადასტურდა, ხოლო 350,000-ზე მეტი ადამიანი გარდაიცვალა.

11 აპრილი 2021, 10:20

COVID19

გერმანიაში კორონავირუსის 17,855 ახალი შემთხვევა დაფიქსირდა

გერმანიაში გასული დღე-ღამის განმავლობაში კორონავირუსის 17,855 ახალი შემთხვევა დადასტურდა, ხოლო 104 ადამიანი ვირუსს ემსხვერპლა. ამის შესახებ ინფორმაციას რობერტ კოხის ინსტიტუტი ავრცელებს. პანდემიის დაწყებიდან დღემდე, გერმანიაში კორონავირუსის 2,887,268 შემთხვევა გამოვლინდა, ხოლო 78,353 ადამიანი გარდაიცვალა.

11 აპრილი 2021, 10:19

COVID19

სამინისტრო: სკოლებში ინფიცირების მაჩვენებელი მცირედით გაზრდილია

გასულ კვირასთან შედარებით, მიმდინარე კვირაში სკოლებში ინფიცირების მაჩვენებელი მცირედ გაზრდილია, თუმცა შიდა გავრცელება კვლავ არ ფიქსირდება, - ინფორმაციას განათლების სამინისტრო ავრცელებს. 5-დან 10 აპრილის ჩათვლით, მონიტორინგისა და სავალდებულო ტესტირების შედეგად, მთელი ქვეყნის მასშტაბით ვირუსი მასწავლებელთა და სკოლის ადმინისტრაციის წარმომადგენელთა 0,2%-ს და მოსწავლეთა 0,4%-ს დაუდასტურდა.

11 აპრილი 2021, 10:16

თავდაცვა

43-ე ბატალიონის „ალფა“ ასეულის საველე სწავლება ვაზიანის პოლიგონზე

საქართველოს თავდაცვის ძალების მე-4 მექანიზებული ბრიგადის 43-ე ქვეითი ბატალიონის „ალფა“ ასეულმა ასეულის დონის სიტუაციური საველე სწავლება დაასრულა. დასკვნითი შემაჯამებელი წვრთნები ვაზიანის პოლიგონზე საბრძოლო სროლებით განხორციელდა.

11 აპრილი 2021, 10:08

რეგიონი

სოფელ ნამოხვანში, მდინარე რიონში საძიებო სამუშაოში დამატებითი ძალა ჩაერთო

პროცესში ჩართულია განსაკუთრებულ საგანგებო სიტუაციებზე რეაგირების სამმართველოს ჯგუფი თბილისიდან, 20 მეხანძრე-მაშველის შემადგენლობით. ასევე, ნამოხვანში ჩავიდნენ საგანგებო სიტუაციების მართვის სამსახურის წყალზე რეაგირების სამმართველოს მაშველები სამეგრელოს, გურიის და აჭარის რეგიონებიდან. საძიებო-სამაშველო სამუშაოში მონაწილეობს 6 მყვინთავი - 8 ნავით. წყლის ფსკერს საძიებო სკანერით, ექოლოტით ათვალიერებენ.

11 აპრილი 2021, 09:48

მსოფლიო

თურქეთი უკრაინაში 500 შენობას ააშენებს

თურქეთისა და უკრაინის მაღალი დონის სტრატეგიული თანამშრომლობის საბჭოს მეცხრე შეხვედრის შემდეგ, ორი ქვეყნის წარმომადგენლებმა ხელი მოაწერეს შეთანხმებას, რომელიც უკრაინაში ასობით შენობის აშენებას ითვალისწინებს. გამოცემის ცნობით, თურქეთის მთავრობის მიერ მხარდაჭერილი სააგენტო TOKI 500 სახლს ააშენებს ყირიმელი თათრებისთვის.

11 აპრილი 2021, 09:14

საზოგადოება

როგორი ამინდია მოსალოდნელი დღეს საქართველოში

11 აპრილს ქუთაისში წვიმა და +9 გრადუსია ნავარაუდევი, ღამით კი +6 გრადუსი იქნება. ოზურგეთში დღისით +6 გრადუსია მოსალოდნელი და წვიმა, ღამით კი +2 გრადუსი. ბათუმში დღისით სინოპტიკოსები +10 გრადუსსა და წვიმას პროგნოზირებენ, ღამით კი +7 გრადუსი დაფიქსირდება.

11 აპრილი 2021, 09:02

მსოფლიო

ჩინეთში, მაღაროში ჩარჩენილ 20-ზე მეტ მუშას ეძებენ

ჩრდილო-დასავლეთ ჩინეთში, ფენგუანის დასახლებაში, ქვანახშირის მაღარო დაიტბორა. შედეგად, მიწის ქვეშ 30-მდე ადამიანი აღმოჩნდა. მაშველებმა 29 ადამიანიდან 8-ის ზედაპირზე ამოყვანა შეძლეს, თუმცა 21 მუშა კვლავ დატბორილ მაღაროშია. სამაშველო სამსახურის ცნობით, სამუშაოს რთული რელიეფი ართულებს. მაშველები დატბორილი მაღაროდან წყლის ამოტუმბვასა და ჰაერის მილებით მიწოდებას ცდილობენ.

11 აპრილი 2021, 08:44

მსოფლიო

ინდონეზიაში მიწისძვრას 6 ადამიანი ემსხვერპლა

ინდონეზიაში, კუნძულ იავას აღმოსავლეთით მომხდარ ძლიერ მიწისძვრას მსხვერპლი მოჰყვა. დაღუპულია 6 ადამიანი. ინდონეზიის მეტეოროლოგიის, კლიმატოლოგიისა და გეოფიზიკური სააგენტოს ინფორმაციით, ბიძგების სიმძლავრე 6.7 მაგნიტუდას შეადგენდა. ხელისუფლებას ცუნამის საფრთხე არ გამოუცხადებია. ბიძგები 10 აპრილს, 07:00 საათზე დაფიქსირდა.