ოპოზიციის მცდელობას, მთავრობის ჭიშკარზე ბოქლომი დაედოთ, პოლიციასთან დაპირისპირება მოჰყვა

ოპოზიციის წარმომადგენლები მთავრობის ადმინისტრაციის შენობისთვის ბოქლომის დადებას შეეცადნენ, თუმცა სამართალდამცველებმა მათ ამის საშუალება არ მისცეს, რასაც მცირე დაპირისპირება მოჰყვა.

როგორც „ევროპული საქართველოს“ ლიდერმა, გიგი უგულავამ განაცხადა, მათ აქვთ უფლება, რომ კანცელარიის ჯიშჭკარს ბოქლომი დაადონ.

აქციაზე ასევე იმყოფებიან გიგა ბოკერია, ზაალ უდუმაშვილი, გიორგი ვაშაძე და მათი მხარდამჭერები. 

ოპოზიციის მთავარი მოთხოვნა იგივეა: ეს არის ვადამდელი საპარლამენტო არჩევნების ჩატარება პროპორციული სისტემით და მთავრობის გადადგომა. გარდა ამისა, ისინი პარლამენტთან დაკავებულებისთვის პატიმრობის მისჯას აპროტესტებენ.

18 ნოემბერს სამართალდამცველებმა ადმინისტრაციული სამართალდარღვევის ფაქტზე სულ 37 ადამიანი დააკავეს.

18 ნოემბერს სპეცრაზმმა პარლამენტის შესასვლელებს ბოქლომები მოხსნა და ბარიკადებისგან გაათავისუფლა, ასევე რუსთაველის გამზირი კარვებისგან გაწმინდა. 

14 ნოემბერს პარლამენტმა პროპორციულ სისტემაზე გადასვლას მხარი არ დაუჭირა, რასაც პარლამენტს გარეთ პროტესტი, შენობაში კი ხმაური მოჰყვა. ამ გადაწაყვეტილების გამო უმრავლესობა რამდენიმე წევრმა დატოვა. 

გაერთიანებული ოპოზიციის მოთხოვნებია: „ვადამდელი პროპორციული არჩევნები, მთავრობის გადადგომა და სამოქალაქო საზოგადოებით დაკომპლექტებული ცესკო“.