საქართველოს დელეგაცია აშშ-ში პრემიერის შეხვედრებს აფასებს

საქართველო-შეერთებული შტატების ურთიერთობა ახლა ეტაპზე გადადის. ასე აფასებენ საქართველოს დელეგაციის წვერები პრემიერმინისტრის შეხვედრებს აშშ-ის პრეზიდენტ დონალდ ტრამპთან და ვიცეპრეზიდენტ მაიკ პენსთან. ქართული მხარის განმარტებით, ამ შეხვედრებზე, რომელიც მათი შეფასებით ღრმა და მეგობრული იყო, შეერთებული შტატების პრეზიდენტისგან და ვიცეპრეზიდენტისგან საქართველომ მიიღო მტკიცე გარანტია, რომ ორ ქვეყანას შორის თანამშრომლობა კიდევ უფრო გაღრმავდება. ოფიციალური ვაშინგტონი საქართველოს ტერიტორიული მთლიანობას და საქართველოს ევროპულ და ევროატლანტიკური ინტეგრაციის პროცესში მხარდაჭერას უცხადებს. საქართველოს დელეგაციის წევრები კმაყოფილები არიან, რომ აშშ-ის ვიცეპრეზიდენტთან შეხვედრაზე შესაძლებლობა მიეცათ ყველა ის საკითხი განეხილათ, რასაც სტარტეგიული თანამშრომლობა ითვალისწინებს.

''ეს იყო ძალიან ღრმა საუბარი და შეხვედრა, რომელიც ვიცეპრეზიდენტთან გაიმართა, სადაც განხილული იყო საქართველოსა და შეერთებული შტატების სტრატეგიული პარტნიორობის ყველა ასპექტი. ეს იყო ძალიან დიდი პოლიტიკური მხარდაჭერა იმ გადადგმული ნაბიჯების, რომელსაც საქართველო ქვეყნის განვითარებისა და რეგიონში სტაბილურობისთვის დგამს. ხაზი გაესვა იმას, რომ საქართველოს აქვს საკვანძო როლი რეგიონში და ის წარმოადგენს აშშ-სთვის მნიშვნელოვან სტარტეგიულ პარტნიორს, რაც ქმნის იმის შესაძლებლობას, რომ ჩვენი ურთიერთობა მომავალში ყველა სტარტეგიული მიმართულებით გაღრმავდეს,"-განაცხადა საქართველოს საგარეო საქმეთა მინისტრმა მიხეილ ჯანელიძემ.

მისივე თქმით, საქართველო აქტიურად მუშაობს თავდაცვის, სავაჭრო-ეკონომიკური ურთიერთობების გაღრმავების მიმართულებით. 

აშშ-ში საქართველოს ელჩის დავით ბაქრაძის განცხადებით, 'საქართველოსა და აშშ-ს მჭიდრო სტრატეგიული პარტნიორობა აკავშირებს. "საქართველო არის აშშ-ის ერთგული და მტკიცე პარტნიორი და ჩვენ ეს წლების განმავლობაში დავამტკიცეთ.  დემოკრატიული რეფორმები, რომელიც საქართველოშია და უკავშირდება სწრაფ ეკონომიკურ განვითარებას, შეერთებული შტატებისთვის ძალიან საინტერესოა,"-დასძინა დავით ბაქრაძემ. მისივე თქმით, აშშ-ს ვიცეპრეზიდენტთან შეხვედრა გულთბილ და მეგობრული ატმოსფეროში გაიმართა. სადაც საქართველოს დელეგაციას შესაძლებლობა ჰქონდა სრულად განეხილა ქვეყნის დღის წესრიგში არსებული საკითხები. 

საქართველოს პრემიერმინისტრი გიორგი კვირიკაშვილი ამერიკის შეერთებულ შტატებში ოფიციალური ვიზიტით იმყოფება. ის ვაშინგტონში 7 მაისს ჩავიდა. ქართული დელეგაციის ვიზიტი აშშ-ში 8-10 მაისამდე გაგრძელდება. საქართველოს პრემიერმინისტრი ამერიკის ვიცეპრეზიდენტს მაიკლ პენსს და პრეზიდენტ დონალდ ტრამპს შეხვდა. გიორგი კვირიკაშვილმა შეხვედრები გამართა სენატორებთან ჯონ მაკკეინთან და რონ ჯონსონთან. 

დღეს დაგეგმილია კვირიკაშვილის შეხვედრა სახელმწიფო მდივან რექს ტილერსონთან.

დავით ბაქრაძე