imedi /  06 იანვარი 2020, 12:08 / სანდო წყარო

სალომე ზურაბიშვილმა დეკანოზი გიორგი მამალაძე არ შეიწყალა

დეკანოზი გიორგი მამალაძე

დეკანოზი გიორგი მამალაძე

საქართველოს პრეზიდენტმა საშობაოდ დეკანოზი გიორგი მამალაძე არ შეიწყალა, - ამის შესახებ სალომე ზურაბიშვილმა პრეზიდენტის ადმინისტრაციაში დღეს გამართულ პრესკონფერენციაზე განაცხადა.

საშობაოდ პრეზიდენტმა ხუთი მსჯავრდებული, მათ შორის ორი ქალი შეიწყალა. სალომე ზურაბიშვილის თქმით, სიაზე მთელი პასუხისმგებლობა მხოლოდ მას ეკისრება. 5 შეწყალებულიდან სასჯელაღსრულების დაწესებულებაში სასჯელს მხოლოდ 3 იხდიდა, ისინი საპატიმროს დღესვე დატოვებენ. რაც შეეხება კიდევ ორ შეწყალებულს, მათ პირობითი სასჯელი ჰქონდათ და ერთ-ერთი მათგანი ასევე ქალია.

„შარშანდელმა შეწყალების აქტმა საზოგადოებაში გარკვეული ვნებათაღელვა გამოიწვია, ამის შემდეგ ჩემი ინიციატივით ახალი კრიტერიუმების შემუშავებამდე შეწყალების პროცესი დროებით შეჩერდა. კრიტერიუმების ჩამოყალიბებისას ვიხელმძღვანელეთ, ერთი მხრივ, არსებული საერთაშორისო პრაქტიკით, მეორე მხრივ კი, შესაბამის უწყებებთან გვქონდა კონსულტაციები. შემუშავდა შეწყალების ახალი წესი. ახალი კრიტერიუმები მძიმე დანაშაულის, მათ შორის მკვლელობის, რეციდივის, ოჯახური ძალადობის, ბავშვზე ძალადობის, ნარკოტიკის შემოტანა-გასაღების მიმართ, უფრო გამკაცრებულია, მსუბუქ დანაშაულებზე კი პირიქით - შერბილებული. ეს კრიტერიუმები მე ჩემს თავს დავუწესე, რამეთუ კონსტიტუციის თანახმად, პრეზიდენტს კონსტიტუციით მინიჭებულ დისკრეციულ უფლებას სხვა ვერავინ შეუზღუდავდა. კიდევ ერთხელ, ხაზგასმით უნდა ვთქვა: შეწყალებას, როგორც ეს დემოკრატიულ ქვეყნებშია დამკვიდრებული, უნდა ჰქონდეს გამონაკლისის სახე, იგი ვერ იქნება სასამართლოს გადაწყვეტილებების გამოსწორების მექანიზმი და ვერც სასამართლოზე მაღლა მდგომი. შეწყალების ახალი კრიტერიუმების ზედმიწევნით დაცვით და ყველა გარემოების გათვალისწინებით, მათ შორის დაზარალებულების განწყობების, მიღებულია შეწყალების აქტი, რომელიც ითვალისწინებს 5 ადამიანის შეწყალებას. ხაზგასმით უნდა აღვნიშნო, რომ ეს სია, ისევე, როგორც გასული წლის შემთხვევაში, ჩამოყალიბდა ჩემი და მხოლოდ ჩემი პასუხისმგებლობით“, - განაცხადა პრეზიდენტმა.

დეკანოზ გიორგი მამალაძის საქმეზე საუბარისას მან აღნიშნა, რომ ამ შემთხვევაშიც მთავარი პრინციპით იხელმძღვანელა, რათა თავისი გადაწყვეტილებით არ შეეწყო ხელი საზოგადოებაში რაიმე ახალ დაპირისპირებისთვის.

„სამწუხაროდ, საქმის პოლიტიზირებამ, მითუმეტეს მაშინ, როდესაც დანაშაულის მახასიათებლები თავისთავად იწვევს მძაფრ რეაქციებს, პოლიტიკოსებისა თუ სასულიერო პირების მიერ წინასწარ გაკეთებულმა მკვეთრმა განცხადებებმა არ შეუწყო ხელი გადაწყვეტილების მიღების პროცესს, ისეთ პროცესს, რომელიც სიმშვიდესა და ყოველგვარი ემოციისგან დაცლას გულისხმობს. თუმცა, მე ბოლომდე მოვისმინე ადვოკატების არგუმენტები, დეტალურად გავეცანი წმინდა სინოდის შუამდგომლობას და მივიღე გადაწყვეტილება, რომელზეც მთლიანად ვიღებ პასუხისმგებლობას. ეს გადაწყვეტილება პირველ რიგში სამართლიანობის პრინციპს ეფუძნება. ვერ მოვნახე არგუმენტი, მითუმეტეს, შეწყალების კრიტერიუმების გამკაცრების პირობებში, როცა ბევრი მსჯავრდებულის საქმე განხილული ვერ იქნება, რატომ უნდა დაშვებულიყო გამონაკლისი დეკანოზ გიორგი მამალაძის საქმეზე. ეს გადაწყვეტილება ეფუძნება ასევე საზოგადოებრივი სიმშვიდის უზრუნველყოფას, რამეთუ საქართველოს მოსახლეობის ყველაზე დიდი ნაწილი ასეთ დანაშაულში მსჯარდებული პირის შეწყალებას ვერ გაიგებს და ვერ გაიაზრებს. დღეს ჩვენი დაყოფა, დაპირისპირება საფრთხეს შეუქმნის ჩვენი სახელწიფოს მომავალს. 

ჩემი, როგორც პირადი, ასევე როგორც პრეზიდენტის დამოკიდებულება პატრიარქის მიმართ, პიროვნებისა, რომელმაც განსაკუთრებული როლი ითამაშა საქართველოს დამოუკიდებლობის, ეკლესიის აღორძინების და სულიერების აღდგენის უდიდეს საქმეში. ჩემთვის ცხადზე ცხადია, რომ როდესაც საქართველო მრავალი გამოწვევის წინაშე დგას, პატრიარქის ავტორიტეტისა და მისი სიცოცხლის ხელყოფა საქართველოს ხელყოფას ნიშნავს. ალბათ იკითხავთ, რატომ არ გავითვალისწინე წმინდა სინოდის თხოვნა. ჩემი პასუხი ასეთია: შეწყალება სინოდის წიაღში და შეწყალება სახელმწიფოს მხრიდან ერთმანეთისგან განსხვავდება. სხვა შემთხვევაში კონსტიტუცია სწორედ ეკლესიას დაუტოვებდა ამ დისკრეციულ უფლებას. ამ განსხვავების დამადასტურებელი მაგალითები მსოფლიოშიც მრავლად არსებობს. რომის პაპმა, იოანე პავლე მეორემ მასზე თავდამსმხელს დანაშაული სულ რამდენიმე თვეში აპატია, თუმცა ის ციხიდან პრეზიდენტის შეწყალებით მხოლოდ 19 წლის შემდეგ გათავისუფლდა“, - განაცხადა ზურაბიშვილმა.

სალომე ზურაბიშვილი საქართველოს ისტორიაში მეორე პრეზიდენტია, რომლის შეწყალების აქტიც გამოძიების საგანი გახდა. საუბარია მარიამობის დღესასწაულზე გამოცემულ შეწყალების აქტზე, როდესაც ზურაბიშვილმა 30-ზე მეტი პატიმარი შეიწყალა, და გაირკვა, რომ მათ შორის იყვნენ მძიმე დანაშაულში, მათ შორის პოლიციელის მკვლელობისთვის და მძიმე ნარკოდანაშაულისთვის გასამართლებული პირები. ამასთან დაკავშირებით, პროკურატურაში გამოიკითხნენ პრეზიდენტის ადმინისტრაციის საპარლამენტო მდივანი დიმიტრი გაბუნია და პრეზიდენტის ადმინისტრაციის უფროსის მოადგილის მოვალეობის შემსრულებელი ანგი ხუციშვილი.

გიორგი მამალაძე ანგარებით მკვლელობის მომზადების ბრალდებით თბილისის აეროპორტში 2017 წლის 10 თებერვალს დააკავეს. იმავე წლის 5 სექტემბერს, მოსამართლე ბესიკ ბუგიანაშვილმა დეკანოზ გიორგი მამალაძეს ანგარებით მკვლელობის ბრალდება მოუხსნა და მხოლოდ მკვლელობის მომზადებისთვის 9 წლით თავისუფლების აღკვეთა მიუსაჯა.

2019 წლის 31 ოქტომბერს სინოდის სხდომაზე დეკანოზის შეწყალების შესახებ გადაწყვეტილება მიიღეს.

29 ნოემბერს განისაზღვრა კრიტერიუმები, რომლითაც პრეზიდენტი სხვადასხვა კატეგორიის დამნაშავეს შეიწყალებს. პრეზიდენტმა პატიმრების შეწყალებაზე 18 სექტემბერს მორატორიუმი გამოაცხადა. ამას წინ უძღოდა რამდენიმე სკანდალური შეწყალება. 2019 წლის მარტში ცნობილი გახდა, რომ შეწყალების კომისია იუსტიციის სამინისტროში გადავა.

რამდენიმე დღის წინ საპატრიარქოში სალომე ზურაბიშვილი საქართველოს კათოლიკოს-პატრიარქს, უწმინდესსა და უნეტარეს ილია მეორეს შეხვდა.

ყველა სიახლე

ვოლოდიმირ ზელენსკი

04 ივლისი 2020, 19:14

მსოფლიო

ვოლოდიმერ ზელენსკიმ გერმანული გამოცემა Spiegel-ი არაკორექტურობაში დაადანაშაულა

ვოლოდიმერ ზელენსკიმ უარყო ინფორმაცია იმის შესახებ, რომ ნორმანდიული ფორმატის შეხვედრაზე რუსულმა მხარემ უკრაინას 6 ივლისამდე დონბასისთვის სტატუსის მინიჭების თაობაზე შესაბამისი კანონპროექტის წარდგენა მოსთხოვა.

04 ივლისი 2020, 19:00

სამართალი

ახალი დეტალები გიორგი შაქარაშვილის საქმეზე - რა წერია ტაქსის მძღოლის ჩვენებაში?

გიორგი შაქარაშვილის გარდაცვალების საქმეზე ტაქსის მძღოლის ჩვენებაში ვკითხულობთ, რომ მას, დაახლოებით, ღამის 00:30 საათზე ნაცნობი, ლუკა ბეჟანიშვილი დაუკავშირდა და სთხოვა, რომ მცხეთის ხიდებთან მისულიყო და ვახტანგ ახვლედიანი, მეგობართან ერთად, თბილისში წაეყვანა.

ირაკლი კობახიძე

04 ივლისი 2020, 18:53

პოლიტიკა

ირაკლი კობახიძე: აშშ არის საქართველოს მთავარი სტრატეგიული პარტნიორი და საიმედო მეგობარი

საპარლამენტო უმრავლესობის წევრი ირაკლი კობახიძე ამერიკის შეერთებულ შტატებს და ამერიკელ ხალხს დამოუკიდებლობის დღეს ულოცავს.

ეკატერინე  ტიკარაძე

04 ივლისი 2020, 18:51

პოლიტიკა

ეკატერინე ტიკარაძე: ბოლოდროინდელი გამოწვევის პერიოდში, აშშ-ის დახმარება ფასდაუდებელია

საქართველოს დევნილთა, შრომის, ჯანმრთელობისა და სოციალური დაცვის მინისტრი, ეკატერინე ტიკარაძე ამერიკის შეერთებულ შტატებს დამოუკიდებლობის დღეს ულოცავს. „ჩვენს ორ ქვეყანას მრავალი წელია ძლიერი სტრატეგიული პარტნიორობა აკავშირებს.

04 ივლისი 2020, 18:36

რეგიონი

რუსმა სამხედროებმა 21 წლის ტატო ზარქუა დააკავეს

რუსმა სამხედროებმა 21 წლის ტატო ზარქუა დააკავეს. ზარქუა ზუგდიდის მუნიციპალიტეტის სოფელ რიყეში ნათესავებთან სტუმრად იმყოფებოდა, თუმცა, ბიჭი გუშინ დღის მეორე ნახევრის შემდეგ გაუჩინარდა, დღეს კი გაიგეს, რომ ახალგაზრდა ოკუპირებულ აფხაზეთში კერძოდ კი გალის იზოლატორში იმყოფება. ,,გუშინ გავიდა სახლიდან და არ დაბრუნებულა, გვეგონა დაიკარგა, დღეს კი გავიგეთ თურმე გალში, იზოლატორში იმყოფება. სხვა დამატებით არაფერი ვიცით, საოკუოაციო ძალები მას სავარაუდოდ საზღვრის კვეთას ედავებიან“, - აცხადებენ დაკავებულის ახლობლები.

04 ივლისი 2020, 18:25

სამართალი

დავით მუმლაძის მკვლელობის საქმეზე 5 პირს თავისუფლების აღკვეთა განესაზღვრა

რუსთავის საქალაქო სასამართლომ გაიზიარა პროკურატურის მიერ წარდგენილი მტკიცებულებები და ზ.ჯ.-ს, გ.გ.ს, დ.მ.-ს, მ.ღ.-ს და დ.დ.-ს თავისუფლების უკანონო აღკვეთისთვის და ჯგუფურად ჩადენილი განსაკუთრებული სისასტიკით მკვლელობისთვის თავისუფლების აღკვეთა მიუსაჯა, ხოლო სასამართლოს მიერ გ.ა.-ს მიმართ გამოტანილ გამამართლებელ განაჩენს პროკურატურა აპელაციის წესით გაასაჩივრებს.

Air France

04 ივლისი 2020, 18:23

ეკონომიკა

Air France 7500 სამუშაო ადგილის გაუქმებას გეგმავს

Air France-მა სამუშაო ადგილების შემცირების შესახებ გამოაცხადა. ავიაკომპანია 7 500 სამუშაო ადგილის გაუქმებას გეგმავს, რადგან კოროვირუსის პანდემიის გამო დაწესებული შეზღუდვების ფონზე ავიაინდუსტრია დაზარალდა.

აშშ სიეტლი

04 ივლისი 2020, 18:17

მსოფლიო

სიეტლში მანქანა დემონსტრანტებს დაეჯახა, არიან დაშავებულები

მომხდართან დაკავშირებით 27 წლის კაცია დაკავებული. ჯერჯერობით უცნობია, იყო თუ არა ეს მიზანმიმართული თავდასხმა.

04 ივლისი 2020, 18:04

რეგიონი

ონში საპროტესტო აქცია მიმდინარეობს

„შეწყდეს რაჭა-ლეჩხუმში დამანგრეველი ჰესების მშენებლობა“, - ამ მოთხოვნით ონში საპროტესტო აქცია მიმდინარეობს. აქციის მომაწილეები ონში დაგეგმილ ჰესის მშენებლობას აპროტესრებენ. როგორც აქციის მონაწილეები აცხადებენ, ონის კასკადი მასშტაბური პროექტია, რომელიც დიდ ზიანს მოუტანს გარემოსა და ადგილობრივ მოსახლეობას. მათივე განმარტებით, რაჭა სეისმურად ისედაც საფრთხის შემცველია და ჰესის აშენება კიდევ უფრო მეტ ზიანს მიაყენებს ეკოსისტემას.

ირანი კორონავირუსი

04 ივლისი 2020, 17:55

COVID19

ირანის პრეზიდენტის თქმით, კორონავირუსით ინფიცირებულები, რომლებიც ამას მალავენ, სხვების უფლებებს არღვევენ

5 ივლისიდან ქვეყანაში ნიღბების ტარება სავალდებულო გახდება. ამასთან, ჰასან როუჰანიმ აღნიშნა, რომ კოვიდინფიცირებულები, რომლებიც ამის შესახებ ინფორმაციას მალავენ, თანამოქალაქეების უფლებებს არღვევენ.

04 ივლისი 2020, 17:50

სპორტი

ბეისბოლის გუნდმა, „კლივლენდ ინდიანსმა“ შესაძლოა სახელი შეიცვალოს

„კლივლენდ ინდიანსის“ ხელმძღვანელი პირები აპირებენ, განიხილონ გუნდის სახელი. მიზეზად ასახელებენ იმას, რომ გუნდის სახელწოდება რასობრივ უთანასწორობას უსვამს ხაზს, - ინფორმაციას BBC ბეისბოლის მთავარი ლიგის განცხადებაზე დაყრდნობით ავრცელებს.

04 ივლისი 2020, 17:14

საზოგადოება

სურსათის სააგენტო ცხოველების მეპატრონეებს მოუწოდებს, ისინი ყირიმ-კონგოს დაავადების საწინააღმდეგო პრეპარატით დაამუშაონ

სურსათის ეროვნული სააგენტო მოუწოდებს მოსახლეობას, გაზაფხულიდან ადრეულ შემოდგომამდე პერიოდში, ცხოველები, ინსტრუქციის წესების გათვალისწინებით, ინსექტოაკაროციდული პრეპარატით დაამუშაონ, ცხოველებს ტკიპები ხელთათმანისა და პინცეტის გამოყენებით მოაშორონ.

ლიონელ მესი

04 ივლისი 2020, 17:06

სპორტი

ცნობილი სპორტული გამოცემა გამოდის ინიციატივით, რომ მესის მაისური NASA-ს მუზეუმში, მეტეორის გვერდით დაკიდონ

სამხრეთ ამერიკაში ერთ-ერთი ყველაზე ცნობილი სპორტული გამოცემა OLE გამოდის ინიციტივით. რომ ლიონელ მესის მაისური NASA-მ Cape Canaveral-ის მუზეუმში, მეტეორის, აპოლო 11-ის, ან მსგავსი ექსპონატის გვერდით დაკიდოს.

04 ივლისი 2020, 16:54

სპორტი

„მანჩესტერ იუნაიტედის“ გულშემატკივარი, „მანჩესტერ სიტის“ ფეხბურთელთან, ფოტოს გადაღების შემდეგ სამსახურიდან გაათავისუფლეს

„მანჩესტერ იუნაიტედის“ გულშემატკივარი, კრეიგ უილისი, „მანჩესტერ სიტის“ ფეხბურთელთან, რიად მაჰრეზისთან ფოტოს გადაღების შემდეგ, სამსახურიდან პირველივე დღეს გაათავისუფლეს, - ამის შესახებ ინფორმაციას Manchester Evenenig News ავრცელებს. მიზეზი ის ნამდვილად არ გახდა, რომ მისი უფროსი „იუნაიტედის“ ქომაგია. უბრალოდ, ერთ-ერთ დეველოპელურ კომპანიაში მომუშავე უილისმა, მაჰრეზის დანახვისას, სოციალური დისტანციის წესები მთლიანად დაივიწყა, მასთან ახლოს მივიდა და სელფი გადაიღო.

04 ივლისი 2020, 16:45

COVID19

კორონავირუსის გამო, კატალონიაში 210,000 ადამიანით დასახლებული რეგიონი კარანტინის ქვეშაა

ესპანეთის მთავრობამ, კატალონიის რეგიონში კორონავირუსის შემთხვევების მკვეთრი ზრდის გამო შეზღუდვები კვლავ აამოქმედა, - ამის შესახებ ინფორმაციას BBC ავრცელებს. კატალონიის მთავრობის მეთაურის, ქუიმ ტორას თქმით, არავის ექნება სეგრიაში შესვლის, ან გამოსვლის უფლება. კარანტინი დღეს შუადღეს დაიწყო, რომ არამოსახლეებს ადგილის დატოვება შესძლებოდათ.

04 ივლისი 2020, 16:42

COVID19

ცხინვალის ოკუპირებულ რეგიონში მხოლოდ ერთი კოვიდინფიცირებული დარჩა

ცხინვალის ოკუპირებული რეგიონის საავადმყოფოში მხოლოდ ერთი კოვიდინფიცირებული რჩება. ამის შესახებ არაღიარებული რესპუბლიკის სანიტარული სამსახურის უფროსის მოადგილემ ანა გაგლოევამ განაცხადა. მისივე თქმით, ცხინვალის რეგიონში 5 მაისიდან დღემდე სულ COVID19-ის 85 შემთხვევა გამოვლინდა.

ელტონ ჯონი

04 ივლისი 2020, 16:28

კულტურა

ელტონ ჯონმა YouTube-ზე თავისი ძველი კონცერტებს გამოქვეყნება დაიწყო

კონცერტები კვირაში ერთხელ, 8 აგვისტოს ჩათვლით აიტვირთება, ტრანსლაციის დროს კი მსურველები ჯონის შიდსისა და კორონავირუსის წინააღმდეგ ბრძოლის ფონდში თანხის გადარიცხვას შეძლებენ.

შსს

04 ივლისი 2020, 16:26

სამართალი

ფოთში მომხდარ მკვლელობის საქმეზე სამი ადამიანი დააკავეს

პოლიციამ ფოთში მომხდარ მკვლელობის ფაქტთან დაკავშირებით სამი პირი დააკავა. ამის შესახებ შსს ინფორმაციას ავრცელებს. დანაშაული 7-დან 15 წლამდე ვადით თავისუფლების აღკვეთას ითვალისწინებს.

კიშინიოვი

04 ივლისი 2020, 16:21

მსოფლიო

ბოლო 7 წელიწადში მოლდოვის მოსახლეობა 8%-ით შემცირდა

ბოლო 7 წელიწადში მოლდოვის მოსახლეობა 8%-ით შემცირდა. ადგილობრივი მედიის ცნობით, ამის შესახებ ინფორმაციას მოლდოვის სტატისტიკის ეროვნული ბიურო ავრცელებს. მოსახლეობის ასეთი შემცირება დიდწილად მიგრაციას უკავშირდება. მხოლოდ ბოლო 12 თვის განმავლობაში ქვეყანა 45 700-მა ადამიანმა (1,7%) დატოვა. ამჟამად მოლდოვაში 2,6 მილიონი ადამიანი ცხოვრობს.

კიკე სეტიენი

04 ივლისი 2020, 16:17

სპორტი

„ბარსელონას“ მწვრთნელი ფეხბურთელებთან დაპირისპირებას უარყოფს

„ბარსელონას“ მთავარი მწვრთნელი კიკე სეტიენი უარყოფს გავრცელებულ ინფორმაციას იმის შესახებ, რომ ფეხბურთელები მას აღარ ენდობიან.