imedi /  02 თებერვალი 2020, 21:44 / სანდო წყარო

როდის, როგორ და რამდენჯერ გადაკვეთა საქართველოს საზღვარი აჰმედ ჩატაევმა

აჰმედ ჩატაევი

აჰმედ ჩატაევის ყალბი პასპორტი

გასულ კვირაში სახელმწიფო უსაფრთხოების სამსახურის უფროსის ყოფილმა მოადგილემ იოსებ გოგაშვილმა განაცხადა, რომ ბერი გაბრიელ სალოსის ქუჩაზე მოკლულ აჰმედ ჩატაევს ხელისუფლებაში ყოფნის დროს, მიხეილ სააკაშვილი და ვანო მერაბიშვილი პოლიტიკური მიზნებისთვის იყენებდნენ, მათ შორის აჰმედ ჩატაევი მაშინდელმა ხელისუფლებამ მოლაპარაკებებისთვის ჩამოიყვანა ლაფანყურის სპეცოპერაციის დროს. როგორ, ვისი დახმარებით და რომელ წლებში კვეთდა აჰმედ ჩატაევი საქართველოს საზღვარს. ამასთან დაკავშირებით სიუჟეტი „იმედის კვირამ“ მოამზადა. 

ჩატაევის საქართველოში შემოყვანის ვერსიას „იმედის კვირის“ მიერ ერთი წლის წინ მოპოვებული მტკიცებულებებიც ამყარებს. საქმის მასალებით დგინდება, რომ 2010 წელს ინტერპოლის მიერ ძებნილი ტერორისტის უკრაინიდან საქართველოში ექსტრადირებისთვის შსს-მ საქმის გაყალბება გადაწყვიტა. თბილისის მთავარ სამმართველოში გახსნილად გამოაცხადეს 2003 წელს ხახანაშვილის ქუჩაზე მომხდარი 21 წლის შოთა დადვაძის მკვლელობა და ბრალი ჩატაევს წაუყენეს, რაც საქართველოში მისი ექსტრადირების მოთხოვნის საფუძველი გახდა.  

ცრუ მოწმეების ჩვენების საფუძველზე, ჩატაევი საქართველოში მოთხოვნიდან ორ თვეში თბილისის საერთაშორისო აეროპორტში 2010 წლის 28 თებერვალს ჩამოიყვანეს, ტერორისტი, რომლის გადმოცემაც საქართველომ უკრაინას მკვლელობის გამო მოსთხოვა, 2011 წლის 1 მაისს  თბილისის აეროპორტიდან თურქეთში გაუშვეს. 

2012 წლის იანვარსა და თებერვალში აჰმედ ჩატაევის სახელზე რეგისტრირებული პასპორტით მან საქართველოს სახელმწიფო საზღვარი თურქეთიდან კიდევ ორჯერ გადმოკვეთა, 2017 წლის იანვარში კი საქართველო რუსლან ისმაილოვის სახელზე რეგისტრირებული საქართველოს მოქალაქის პასპორტით დატოვა.

ამავე წლის იანვარსა და თებერვალში ჩატაევმა საქართველოს საზღვარზე 6-ჯერ ორი სხვადასხვა დოკუმენტით ისარგებლა. მარტში კი მის სახელზე კიდევ ერთი პასპორტი ჩნდება და ის თურქეთიდან დევიდ მეიერის სახელით ჩამოფრინდა. ამ პასპორტით ჩატაევმა საქართველოს სახელმწიფო საზღვარი 2012 წელს 9-ჯერ გადაკვეთა, მათ შორის ბოლოს ლაფანყურის სპეცოპერაციამდე 10 დრით ადრე, ქვეყანაში სარფის საბაჟოს გავლით დაბრუნდა. 

შსს-ს მაშინდელი ოფიციალური ინფორმაციით, ის ლაფანყურში დაჯგუფებასთან მოლაპარაკებებისთვის გამოიყენეს. საეჭვო იყო ისიც, რომ სპეცოპერაციისას დაჭრილი ჩატაევი იარაღის უკანონო ტარებისთვის დააკავეს, მოგვიანებით კი მესაზღვრეებმა, სასამართლოს განუცხადეს, რომ ჩატაევს იარაღი თავად ჩაუდეს. სწორედ ეს გახდა მის მიმართ 2013 წელს დევნის შეწყვეტის მიზეზი.

საქართველოსა და აშშ-ს ამხანაგური შეხვედრა რაგბში, საბავშვო ევროვიზია და აბრეშუმის გზის ფორუმი. სამი მასშტაბური ღონისძიება ტარდებოდა საქართველოში სწორედ იმ პერიოდში, როდესაც აჰმედ ჩტაევი ტერაქტებს გეგმავდა. ჩანაწერებიდანაც ირკვევა, რომ მისი სამიზნე ხალხმრავალი ადგილები და დიპლომატიური უწყებები უნდა ყოფილიყო.

აჰმედ ჩატაევი საქათველოს ტერაქტების სერიით, ჯერ კიდევ 2015 წელს დაემუქრა, მას შემდეგ, რაც კონტრტერორისტულმა ცენტრმა აიუფ ბორჩაშვილი დააკავა - იმამი, რომელიც ჩატაევის მთავარი მოკავშირე იყო და ისლამური სახელმწიფოს რიგებში საბრძოლველად საქართველოდან ახალგაზრდები მიჰყავდა.

ჩატაევი მის გათავისუფლებას და თურქეთის ტერიტორიაზე გადაყვანას ითხოვდა, წინააღმდეგ შემთხვევაში ტერაქტებს აანონსებდა. ეს არ იყო პირველი შემთხვევა, როცა საქართველოდან სირიაში წასული ISIS-ის მებრძოლები, საქართველოში მყოფ თანამოაზრეებს კონკრეტულ დავალებებს აძლევდნენ.

საფრთხე რომ რეალური იყო, ეს სახელმწიფო უსაფრთხოების სამსახურმა ბოლო წლებში მიღებული ინფორმაციისა და გატარებული ღონისძიებების შეფასებით უკვე კარგად იცოდა. სწორედ ამიტომ, პანკისის ხეობასა და თბილისში დაიგეგმა დაკავების ოპერაცია, უსაფრთხოების სამსახურს ჩატაევის მოკავშირეები ცოცხლები და ინფორმაციის მიმწოდებელი სჭირდებოდათ, თუმცა, დავალებაზე გასულმა სპეცრაზმელებმა სალოსის ქუჩის გამოცდილებით, კარგად იცოდნენ, რომ წინააღმდეგობაც მოსალოდნელი იყო.

28 იანვარს თემირლან მაჩალიკაშვილის მიმართ ძალადობით სამსახურებრივი უფლებამოსილების შესაძლო გადამეტების ფაქტზე პროკურატურამ გამოძიება შეწყვიტა. იმავე დღეს იოსებ გოგაშვილმა განაცხადა, რომ დუმილის დარღვევის დრო დადგა და „ნაციონალური მოძრაობა“ „ისლამური სახელმწიფოს“ ტერორისტებთან თანამშრომლობაში დაადანაშაულა. 

2017 წელს ბერი გაბრიელ სალოსის ქუჩაზე ანტიტერორისტული სპეცოპერაციის შედეგად დააკავეს ერთი ადამიანი - შუაიფ ბორზიევი, ხოლო წინააღმდეგობის გაწევისას დაიღუპა სამი ადამიანი, მათ შორის ერთი აჰმედ ჩატაევია. 

ამ სპეცოპერაციიდან თითქმის 1 თვეში, სახელმწიფო უსაფრთხოების სამსახურმა მეორე სპეცოპერაცია ამჯერად პანკისის ხეობაში ჩაატარა, რა დროსაც 19 წლის თემირლან მაჩალიკაშვილი დაიჭრა, რამდენიმე პირი კი დააკავეს. თემირლან მაჩალიკაშვილი საავადმყოფოში 2018 წლის 10 იანვარს გარდაიცვალა.  

სუსი აცხადებდა, რომ დეკემბრის სპეცოპერაციისას დაკავებული ადამიანები, 21-22 ნოემბრის სპეცოპერაციის დროს დახოცილ ჯგუფთან ერთად, საქართველოსა და თურქეთში ტერაქტებს გეგმავდნენ. ასევე იგეგმებოდა თავდასხმა საქართველოში მომუშავე დიპლომატიურ კორპუსებზე. მაშინ სახელმწიფო უსაფრთხოების სამსახურმა აჰმედ ჩატაევსა და თემირლან მაჩალიკაშვილის კავშირზე მასალა გამოაქვეყნა, რომელშიც ჩანს თუ როგორ გადაადგილდებიან თბილისში აჰმედ ჩატაევის დაჯგუფების წევრები შოაიფ ბორზიევი და ასლანბეგ სოლტახმატოვი თემირლან მაჩალიკაშვილთან ერთად. 

თემირლან მაჩალიკაშვილის მშობლებს და პანკისის უხუცესებს აჰმედ ჩატაევთან და ტერორისტებთან მაჩალიკაშვილის კავშირს არ სჯერათ.

ყველა სიახლე

არჩილ თალაკვაძე

26 სექტემბერი 2020, 17:04

პოლიტიკა

არჩილ თალაკვაძე: ჩვენ ვართ მომავალზე ორიენტირებული გუნდი და ახალგაზრდები ჩვენი ქვეყნის განუყოფელი ნაწილი არიან

ჩვენ ვართ მომავალზე ორიენტირებული გუნდი და ახალგაზრდები ჩვენი ქვეყნის განუყოფელი ნაწილი არიან, - განაცხადა პარლამენტის თავმჯდომარემ, არჩილ თალაკვაძემ ჩოხატაურში, ახალგაზრდებთან შეხვედრისას, სადაც ადგილობრივებს ,,ქართული ოცნების“ მაჟორიტარობის კანდიდატი, ვასილ ჩიგოგიძე წარუდგინა.

სალომე ზურაბიშვილი

26 სექტემბერი 2020, 16:53

საზოგადოება

სალომე ზურაბიშვილი უკრაინელ ხალხს უსამძიმრებს

საქართველოს პრეზიდენტი, ავიაკატასტროფის გამო, უკრაინელ ხალხს სამძიმარს უცხადებს. „ძალიან მტკივნეულია აღმოსავლეთ უკრაინაში მომხდარ ავიაკატასტროფაში ახალგაზრდა კურსანტებისა და მფრინავების დაღუპვის შესახებ გაგება. ჩემი ფიქრები დაღუპულთა ოჯახებსა და უკრაინელ ხალხთანაა,“- წერს სალომე ზურაბიშვილი.

26 სექტემბერი 2020, 16:52

რეგიონი

ზუგდიდში იურიდიული დახმარების საკონსულტაციო ცენტრი გაიხსნა

ზუგდიდში იურიდიული დახმარების საკონსულტაციო ცენტრი გაიხსნა, - ამის შესახებ ინფორმაციას ზუგდიდის მუნიციპალიტეტის მერია ავრცელებს. მათივე ინფორმაციით, ადგილობრივ მოსახლეობას საშუალება ეძლევა უფასოდ მიიღოს კვალიფიციური იურისტის კონსულტაცია ისეთ სამართლებრივ საკითხებზე, როგორიცაა: სოციალურად დაუცველთა და დევნილთა უფლებები; საბანკო ურთიერთობები; მიწის და უძრავი ქონების რეგისტრაცია; მემკვიდ

ჰასან როუჰანი

26 სექტემბერი 2020, 16:46

COVID19

ირანში ოქტომბერში დაგეგმილი ტრადიციული რელიგიური ღონისძიებები გაუქმდა

კორონავირუსის პანდემიის გამო ირანში ოქტომბერში დაგეგმილი ტრადიციული რელიგიური ღონისძიებები გაუქმდა. ამის შესახებ ქვეყნის პრეზიდენტმა, ჰასან როუჰანიმ განაცხადა.

დავით სონღულაშვილი

26 სექტემბერი 2020, 16:31

ეკონომიკა

დავით სონღულაშვილი: ერთი ნაბიჯით, მინიმუმ ოთხი წლით ვუსწრებთ ჩვენს ოპონეტებს, რომლებიც ახლა სთავაზობენ ამომრჩეველს გურჯაანის აგრარულ ჰაბად ჩამოყალიბებას

„ბიზნესი იმედზე“ რუბრიკის სტუმარი „სახელმწიფო მოხელე „ჰოლონის“ პირისპირ“, ამჯერად პარლამენტის მოქმედი დეპუტატი, ევროპასთან ინტეგრაციის კომიტეტის თავმჯდომარე დავით სონღულაშვილი იყო. მან გადაცემაში თავის სამომავლო გეგმებსა და პრიორიტეტებზე ისაუბრა.

26 სექტემბერი 2020, 16:22

COVID19

ინდონეზიაში კორონავირუსის 4,494 ახალი შემთხვევა გამოვლინდა

გასული 24 საათის განმავლობაში ინდონეზიაში კორონავირუსის 4,494 ახალი შემთხვევა გამოვლინდა, 90 ინფიცირებული კი გარდაიცვალა. ინდონეზიაში ინფიცირებულთა საერთო რიცხვმა 271,339 შეადგინა. ქვეყანაში კორონავირუსი 199,403-მა ადამიანმა დაამარცხა, დაავადებას კი 10,218 ადამიანი ემსხვერპლა.

თამარ გაბუნია

26 სექტემბერი 2020, 16:02

COVID19

თამარ გაბუნიას განცხადებით, საქართველო „მწვანე ზონის" სტატუსს ინარჩუნებს

ჩვენი დღევანდელი მდგომარეობით, 14 დღიანი ინციდენტობის მაჩვენებელი არის - 5.5, რაც პირობითად ფასდება როგორც მუქი მწვანე ზონა (10-ზე ნაკლები 100 000 მოსახლეზე), - განაცხადა საქართველოს ჯანდაცვის მინისტრის მოადგილემ, თამარ გაბუნიამ ჟურნალისტებთან საუბრისას.

26 სექტემბერი 2020, 15:54

სპორტი

მინი-ფეხბურთში ამპუტანტ ფეხბურთელთა შორის აფხაზეთის ომში დაღუპულ მეომართა ხსოვნისადმი მიძღვნილი ტურნირი გაიმართა

თბილისში, მუშტაიდის ბაღში მდებარე სპორტკომპლექს „იმედის“ სპორტულ მოედანზე აფხაზეთის ომში დაღუპულ მეომართა ხსოვნის ტურნირი მინი-ფეხბურთში ამპუტანტ ფეხბურთელთა შორის „აფხაზეთის თასი“ ჩატარდა. ტურნირში საქართველოს სხვადასხვა რეგიონის გუნდებმა მიიღეს მონაწილეობა.

26 სექტემბერი 2020, 15:49

COVID19

პოლონეთში კორონავირუსის 1,584 ახალი შემთხვევა დადასტურდა

გასული დღე-ღამის განმავლობაში, პოლონეთში კორონავირუსის 1,584 ახალი შემთხვევა დადასტურდა, - ამის შესახებ ინფორმაციას ქვეყნის ჯანდაცვის სამინისტრო ავრცელებს. როგორს სამინისტროში განაცხადეს იმ შემთხვევაში თუ კორონავირუსით ინფიცირებულთა რიცხვის ზრდა გაგრძელდება, მაშინ ქვეყანაშ ახალი შეზღუდვები ამოქმედდება.

26 სექტემბერი 2020, 15:28

COVID19

ბელარუსში კორონავირუსის 332 ახალი შემთხვევა გამოვლინდა

გასული 24 საათის განმავლობაში ბელარუსში კორონავირუსის 332 ახალი შემთხვევა გამოვლინდა, გარდაიცვალა 6 პაციენტი. ინფორმაციას ქვეყნის ჯანდაცვის სამინისტრო ავრცელებს. ჯამში ბელარუსში კორონავირუსის დადასტურებული შემთხვევების რაოდენობამ 77,289-ს მიაღწია. პანდემიის დაწყებიდან დღემდე 813 ადამიანი გარდაიცვალა. გამოჯანმრთელდა 74,046 პაციენტი.

კახა კუჭავა

26 სექტემბერი 2020, 15:22

პოლიტიკა

კახა კუჭავა გიორგი გახარიას გამოსვლაზე: ეს იყო ნამდვილად დასამახსოვრებელი გამოსვლა, იმ ძლიერი გზავნილებით, რომელსაც იმსახურებს გაერო-ს ტრიბუნა

ეს იყო ნამდვილად დასამახსოვრებელი გამოსვლა, იმ ძლიერი გზავნილებით, რომელსაც იმსახურებს გაერო-ს ტრიბუნა, - ასე შეაფასა პარლამენტის ვიცე-სპიკერმა, კახა კუჭავამ საქართველოს პრემიერ-მინისტრის, გიორგი გახარიას სიტყვით გამოსვლა გაერო-ს გენერალური ასამბლეის 75-სესიაზე. მისი თქმით, ეს იყო ძალიან ძლიერი ქვეყნის ლიდერის ძლიერი გამოსვლა, თავისი ძლიერი გზავნილებით.

26 სექტემბერი 2020, 15:18

COVID19

საქართველოში კორონავირუსით ინფიცირებული 28-ე პაციენტი გარდაიცვალა

საქართველოში COVID-19-ს კიდევ ერთი პაციენტი ემსხვერპლა. კორონავირუსით გარდაცვლილ პაციენტთა რაოდენობა 28-მდე გაიზარდა. ინფორმაცია ამის შესახებ ვებგვერდზე stopcov.ge განახლდა.

26 სექტემბერი 2020, 15:14

საზოგადოება

თელავში მდებარე საკარანტინო ზონაში ახალგაზრდა გარდაიცვალა

თელავში მდებარე საკარანტინო ზონაში ერთი მოქალაქე გარდაიცვალა. Imedinews-ის ინფორმაციით, ბიჭი საზღვარგარეთიდან ჩამოვიდა და სავალდებულო კარანტინს გადიოდა. არსებული ინფორმაციით, ახალგაზრდა მეტადონის პროგრამაშიც იყო ჩართული.

კორონავირუსი

26 სექტემბერი 2020, 15:12

COVID19

სლოვაკეთში ზედიზედ მე-4 დღეა კორონავირუსის დღიური შემთხვევების ანტირეკორდი ფიქსირდება

სლოვაკეთში ზედიზედ მე-4 დღეა კორონავირუსის დღიური შემთხვევების ანტირეკორდი ფიქსირდება. ინფორმაციას ამის შესახებ ჯანდაცვის სამინისტროზე დაყრდნობით ადგილობრივი მედია ავრცელებს.

მიხეილ სააკაშვილი

26 სექტემბერი 2020, 14:36

პოლიტიკა

მიხეილ სააკაშვილი: მაქვს ზუსტი გეგმა, თუ როგორ შევძლოთ ვირუსის შემცირება

მაქვს ზუსტი გეგმა იმისა, თუ როგორ შევძლოთ ვირუსის შემცირება და ამ პრობლემის გადალახვა ეკონომიკის დახურვის გარეშე, - ამის შესახებ საქართველოს ყოფილი პრეზიდენტის მიხეილ სააკაშვილი Facebook-ის საკუთარ გვერდზე გამოქვეყნებულ ვიდეომიმართვაში საუბრობს.

ლიონელ მესი
ლუის სუარესი

26 სექტემბერი 2020, 14:34

სპორტი

ლიონელ მესი „ბარსელონადან“ ლუის სუარესის წასვლას გამოეხმაურა

„შენ გუნდიდან ასე გაგდებას არ იმსახურებდი, თუმცა კლუბის ამ ხელმძღვანელობისგან აღარაფერი მიკვირს“, - ასეთი სიტყვებით დაემშვიდობა ლიონელ მესი „ბარსელონადან“, „ატლეტიკოში“ გადასულ ლუის სუარესს, რომელიც მისი ახლო მეგობარი იყო, - ამის შესახებ ინფორმაციას CNN-ი ავრცელებს.

დავით ფურხცვანიძე

26 სექტემბერი 2020, 14:30

სამართალი

დავით ფურცხვანიძეს ბრალი ოფიციალურად წარედგინა

დავით ფურცხვანიძეს ბრალი დღეს ოფიციალურად წარედგინა. გამოძიება მას მტკიცებულებათა ფალსიფიკაციას და პირადი მოტივით მართლმსაჯულებისათვის ხელის შეშლის მიზნით ცრუ ინფორმაციის მიწოდებას ედავება.

26 სექტემბერი 2020, 14:26

რეგიონი

ქუთაისში, 28 სექტემბრიდან დავით აღმაშენებლის გაზირზე მოძრაობა შეიზღუდება

ქუთაისში, 28 სექტემბრიდან დავით აღმაშენებლის გაზირზე მოძრაობა შეიზღუდება, - ამის შესახებ ინფორმაციას საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი ავრცელებს. მათივე ინფომაციით, დავით აღმაშენებლის გამზირზე ავტოტრანსპორტის მოძრაობა გზის სარეაბილიტაციო სამუშაოების წარმოების მიზნით შეიზღუდება.

გიორგი გახარია

26 სექტემბერი 2020, 14:23

პოლიტიკა

გიორგი გახარია: ღრმად ვარ დამწუხრებული უკრაინის სამხედრო თვითმფრინავის ჩამოვარდნის გამო

საქართველოს პრემიერ-მინისტრი გიორგი გახარია უკრაინაში, ხარკოვის ოლქში ჩამოვარდნილი სამხედრო თვითმფრინავის ამბავს twitter-ზე გამოეხმაურა. „ღრმად ვარ დამწუხრებული უკრაინის სამხედრო თვითმფრინავის ჩამოვარდნის ტრაგიკული ამბით, რომელმაც ბორტზე მყოფი პირების, მათ შორის საავიაციო სკოლის სტუდენტების სიცოცხლე იმსხვერპლა. გულითადად ვუსამძიმრებ დაღუპულთა ოჯახებსა და მეგობრებს და დაშავებულებს კი სწრაფ გამოჯანმრთელებას ვუსურვებ“, - განაცხადა გიორგი გახარიამ.

26 სექტემბერი 2020, 14:11

კულტურა

65 აფხაზი ავტორის პოეზიის ანთოლოგია ქართულად გამოიცა

ქართულ ენაზე „აფხაზური პოეზიის ანთოლოგია“ გამოიცა. კრებულში შესულია აფხაზი ავტორების ლექსები და პოემები, რომლებიც ახალგაზრდა პოეტმა და აფხაზური ლიტერატურის მკვლევარმა, ტერენტი გრანელის სახელობის პრემიის ლაურეატმა ნიკა ბაძაღუამ თარგმნა.