imedi /  14 თებერვალი 2020, 16:10 / სანდო წყარო

გიორგი გახარიამ და პენტაგონის ხელმძღვანელმა თავდაცვისა და უსაფრთხოების სფეროში აშშ-საქართველოს წარმატებულ თანამშრომლობაზე ისაუბრეს

მარკ ესპერი
გიორგი გახარია

მარკ ესპერი
გიორგი გახარია

საქართველოს პრემიერმინისტრის სამუშაო ვიზიტი მიუნხენის უსაფრთხოების 56-ე კონფერენციაზე ამერიკის შეერთებული შტატების თავდაცვის მდივან მარკ ესპერთან შეხვედრით დაიწყო. ინფორმაციას მთავრობის ადმინისტრაცია ავრცელებს.

საუბრისას ხაზი გაესვა აშშ-საქართველოს წარმატებულ ორმხრივ თანამშრომლობას თავდაცვის სფეროში და ამერიკის მნიშვნელოვან მხარდაჭერას თავდაცვის რეფორმის განხორციელებისა და უსაფრთხოების კუთხით. 

გიორგი გახარიამ და მარკ ესპერმა ხაზი გაუსვეს საქართველოს თავდაცვითი შესაძლებლობების გაძლიერების მნიშვნელობას, განსაკუთრებით რეგიონში არსებული გამოწვევების გათვალისწინებით.

შეხვედრაზე აღინიშნა, რომ სტრატეგიული პარტნიორობისა და უსაფრთხოების სფეროში ერთობლივი ძალისხმევის წარმატების შედეგია ის, რომ არსებობს უსაფრთხოების თანამშრომლობის ჩარჩო, ასევე საქართველოს თავდაცვის მზადყოფნის პროგრამა (GDRP), საბრძოლო სასწავლო ცენტრი და ხორციელდება ინსტიტუციური რეფორმები, რომლებიც მიმართულია ქვეყნის თავდაცვითი შესაძლებლობების გაძლიერებისკენ.

საქართველოს პრემიერმინისტრმა პენტაგონის ხელმძღვანელს თავდაცვის სფეროში საქართველოს მნიშვნელოვანი ფინანსური მხარდაჭერისთვის მადლობა გადაუხადა და განაცხადა, რომ მთავრობა კვლავაც ერთგულია ძალისხმევისა, თავდაცვის სფეროზე, ნატოს სტანდარტების შესაბამისად, მთლიანი შიდა პროდუქტის 2% მიიმართოს, ხოლო თავდაცვის ბიუჯეტის 20-%-მდე ინფრასტრუქტურისა და შესაძლებლობის მოდერნიზებას მოხმარდეს.

მხარეებმა ისაუბრეს საქართველოს თავდაცვის ძალების განვითარების 2020-2030 წლების გეგმაზე, რომელიც მოიცავს კონკრეტულ ნაბიჯებს ქვეყნის თავდაცვითი შესაძლებლობების გრძელვადიანი განვითარებისთვის. აღინიშნა, რომ გაგრძელდება თავდაცვის რეფორმა, რომელიც ტოტალური თავდაცვის მიდგომისა და ეროვნული თავდაცვის სტრატეგიის მიხედვით ხორციელდება.

გიორგი გახარიამ საუბრისას ხაზი გაუსვა უსაფრთხოების კუთხით აშშ-ის მნიშვნელოვან მხარდაჭერას. ამ კონტექსტში ყურადღება გამახვილდა შავი ზღვის უსაფრთხოებასა და ნატოსთან თანამშრომლობაზე. ასევე აღინიშნა აშშ-თან თანამშრომლობის მნიშვნელობა ჰიბრიდულ საფრთხეებთან გამკლავების პროცესში.

შეხვედრაზე ამერიკულმა მხარემ განსაკუთრებით აღნიშნა საქართველოს მნიშვნელოვანი წვლილი საერთაშორისო სამშვიდობო მისიებში, რომლებიც ნატოსა და ევროკავშირის ეგიდით მიმდინარეობს.

შეხვედრას საქართველოს საგარეო საქმეთა მინისტრი დავით ზალკალიანი, თავდაცვის მინისტრი ირაკლი ღარიბაშვილი და პრემიერმინისტრის მრჩეველი საერთაშორისო ურთიერთობათა საკითხებში ირაკლი ჩიქოვანი დაესწრნენ.

ყველა სიახლე

25 სექტემბერი 2020, 13:18

რეგიონი

წალენჯიხის მუნიციპალიტეტში ახალი სკოლა შენდება

წალენჯიხის მუნიციპალიტეტის ჯგალის ადმინისტრაციული ერთეულის კანთის უბანში, 60 მოსწავლეზე გათვლილი სკოლის მშენებლობა მიმდინარეობს, - ამის შესახებ ინფორმაციას წალენჯიხის მუნიციპალიტეტის მერია ავრცელებს. მიმდინარე სამუშაოებს წალენჯიხის მუნიციპალიტეტის მერის მოადგილე ცოტნე შონია ადგილზე გაეცნო.

25 სექტემბერი 2020, 13:11

რეგიონი

ებრაული კულტურული მემკვიდრეობის ნაკვალევზე ჯიპტური მოეწყო

საქართველოში მოქმედმა ისრაელის ექსტრემალურმა ტურისტულმა კომპანიამ AclassA Travelers-მა, პანდემიის პირობებში ყველა წესის გათვალისწინებით, ონსა და ლაილაშში ისრაელელებისთვის ჯიპტური მოაწყო, - ამის შესახებ ინფორმაციას „ისრაელის სახლი“ ავრცელებს.

რომან კაკულია

25 სექტემბერი 2020, 13:10

ეკონომიკა

რომან კაკულია: ლარის გამყარებაში მონაწილე ყველა ძირითადი კომპონენტი, COVID-19-ის გამო, ძალიან მძიმე დარტყმის ქვეშაა

„ყველა ის ძირითადი კომპონენტი, რაც როგორც წესი მონაწილეობს ხოლმე ლარის გამყარებაში, ვგულისხმობ ეკონომიკის იმ მიმართულებებს, რომლებსაც ქვეყანაში დოლარი შემოაქვს, არის ძალიან მძიმე დარტყმის ქვეშ კოვიდთან დაკავშირებული სიტუაციის გამო და ამაში მთავრობის წვლილი ნამდვილად არ არის“, - ამის შესახებ დარგობრივი ეკონომიკისა და ეკონომიკური პოლიტიკის კომიტეტის თავმჯდომარემ, რომან კაკულიამ განაცხადა.

რომან კაკულია

25 სექტემბერი 2020, 13:07

პოლიტიკა

რომან კაკულია ხაზარაძეზე: მათი გეგმა მომავალში დასაწერი წიგნის სარჩულს ჰგავს

„დღეს დიდ პრობლემას აღარ წარმოადგენს გაწერო ის, თუ რა არის გასაკეთებელი. ჩვენი ქვეყნის პრობლემა დიდი ხანია აღარ არის იმის გაგება თუ რა არის გასაკეთებელი, პრობლემაა - როგორ და რა რესურსებით. ის პოლიტიკური ძალა, რომელიც ამ სამივე შეკითხვას ერთობლიობაში არ წარმოადგენს, საუკეთესო შემთხვევაში პოპულისტია და ყველაზე ცუდ შემთხვევაში ალბათ ნაკლები აქვს ცოდნა, იმასთან დაკავშირებით, თუ რასთან გვაქვს საქმე“, - განაცხადა რომან კაკულიამ.

25 სექტემბერი 2020, 13:07

საზოგადოება

თბილისში ახალი ნაგავშემკრები კონტეინერები განთავსდა

„თბილსერვის ჯგუფი“ დედაქალაქის მასშტაბით, ნაგავშემკრები კონტეინერების განთავსებასა და დაზიანებულის ჩანაცვლებას განაგრძობს. ახალი ნაგავშემკრები კონტეინერები ამჯერად, ისნის, სამგორის, გლდანისა და ნაძალადევის რაიონებში განთავსდა.

გიორგი გახარია

25 სექტემბერი 2020, 13:03

პოლიტიკა

გიორგი გახარია: წინ ძალიან მნიშვნელოვანი არჩევნები გველის

ჩვენ ვაცნობიერებთ, რომ წინ ძალიან მნიშვნელოვანი არჩევნები გველის, ხოლო კიბერსივრცესთან დაკავშირებული საკითხები, რისკები და საფრთხეები შეიძლება ჩვენი ქვეყნისთვის მნიშვნელოვან გამოწვევად იქცეს, - ამის შესახებ საქართველოს პრემიერ-მინისტრმა გიორგი გახარიამ საქართველოს კიბერუსაფრთხოების ფორუმის გახსნაზე სიტყვით გამოსვლისას განაცხადა.

რობერტ ობრაიანი

25 სექტემბერი 2020, 12:57

პოლიტიკა

ვაგრძელებთ აშშ-საქართველოს ძლიერი პარტნიორობის გაფართოებას - აშშ-ის პრეზიდენტის მრჩეველი, რობერტ ო ბრაიანი გიორგი გახარიასთან საუბარს ეხმაურება

აშშ-ის პრეზიდენტის მრჩეველი, რობერტ ო ბრაიანი: ვაგრძელებთ აშშ-საქართველოს ძლიერი პარტნიორობის გაფართოებას. ვაგრძელებთ აშშ-საქართველოს ძლიერი პარტნიორობის გაფართოებას, - ასე ეხმაურება ეროვნული უსაფრთხოების საკითხებში აშშ-ის პრეზიდენტის მრჩეველი, რობერტ ო ბრაიანი „ტვიტერში“საქართველოს პრემიერ-მინისტრ გიორგი გახარიასთან სატელეფონო საუბარს.

25 სექტემბერი 2020, 12:48

პოლიტიკა

გარემოს ეროვნული სააგენტო აკვაკულტურის მიმართულებით საკანონმდებლო ბაზის სრულყოფაზე მუშაობს

„აკვაკულტურის კანონის მიღების შემდეგ, დაწყებულია კანონქვემდებარე აქტებზე მუშაობა. მუშაობის პროცესში ჩართულია გარემოს ეროვნული სააგენტო და გარემოს დაცვის და სოფლის მეურნეობის სამინისტროს ყველა ის უწყება, რომელთა კომპეტენციას განეკუთვნება სფეროს რეგულაცია“.

კელი დეგნანი

25 სექტემბერი 2020, 12:46

საზოგადოება

კელი დეგნანი ხვიჩა მღებრიშვილის გათავისუფლებაზე: IPRM-ის შეხვედრები არის საკმაოდ ეფექტური მექანიზმი, რომლის შედეგადაც ეს ადამიანი გათავისუფლდა

„მნიშვნელოვანია, რომ ყველა დაკავებული გათავისუფლდეს. IPRM-ის შეხვედრები არის საკმაოდ ეფექტური მექანიზმი, რომლის შედეგადაც ეს ადამიანი გათავისუფლდა და სხვადასხვა საკითხი მოგვარდა, შესაბამისად, მნიშვნელოვანია, რომ ასეთ საკითხებზე ეს მექანიზმი გააქტიურდეს“ - განაცხადა აშშ-ის ელჩმა.

კარლ ჰარცელი

25 სექტემბერი 2020, 12:44

პოლიტიკა

კარლ ჰარცელი: საარჩევნო კოდექსში ცვლილებები და ეთიკის კოდექსზე ხელმოწერა ძალიან კარგი საწყისი მომენტი იყო

ევროკავშირის ელჩი წინასაარჩევნო გარემოს აფასებს და საწყის ეტაპზე, ჯერ საარჩევნო კოდესში შეტანილ ცვლილებებსა და შემდეგ ეთიკის კოდექზე ხელმოწერას დადებით მოვლენად მიიჩნევს. „ძალიან ყურადღებით ვარკვირდებით იმ მოვლენებს, რაც ხდება საარჩევნო სიტუაციასთან დაკავშირებით და მხედველობაში ვიღებთ ინფორმაციას, რომელიც მოდის არასამთავრობო ორგანიზაციებიდან, ოპოზიციის მხრიდან; ასევე ხელისუფლებასთანაც ვთანამშრობლოთ. ძალიან კარგი საწყისი მომენტი იყო, რომ საარჩევნო კოდექსში ცვლილებები შევიდა და ყველა პარტიამ ხელი მოაწერა ეთიკის კოდექსს. ჩვენ დიდი ყურადღებით ვაკვირდებით იმას, თუ როგორ უნდა წარიმართოს ეს არჩევნები“, - აღნიშნა ჟურნალისტებთან საუბრისას კარლ ჰარცელმა.

25 სექტემბერი 2020, 12:36

COVID19

სამეგრელოში 19 ახალი კოვიდინფიცირებულიდან 3 ზუგდიდის მერიის თანამშრომელია

როგორც რეგიონის სახელმწიფო რწმუნებულის მოვალეობის შემსრულებელმა, მალხაზ თორიამ ჟურნალისტებს განუცხადა, კოვიდინფიცირებულებიდან 16 ზუგდიდის კლასტერის კონტაქტია, ხოლო სამი უცხოეთიდან ჩამოსული საქართველოს მოქალაქეა. ისინი კარანტინში იმყოფებოდნენ.

კელი დეგნანი

25 სექტემბერი 2020, 12:35

პოლიტიკა

კელი დეგნანი: მოვუწოდებთ ყველა პარტიას, ხელი შეუწყონ სამართლიანი არჩევნების ჩატარებას

გუშინ წავიკითხე სახალხო დამცველის ანგარიში, რომელიც საუბრობდა დაშინებასა და ძალადობის შემთხვევებზე. რა თქმა უნდა, ეს ძალიან შემაშფოთებელია, ეს ის მოქმედებაა, რომელიც აუცილებლად დააზიანებს საქართველოს არჩევნებს. კარგია ის ფაქტი, რომ საქართველოში არიან საარჩევნო დამკვირვებლები, რომლებიც ყურადღებით აკვირდებიან პროცესს, შესაბამისად, უზრუნველყოფენ ამ პროცესის შესაბამის ანალიზს, - აცხადებს აშშ-ის ელჩი საქართველოში, კელი დეგნანი. „ჩვენ, საელჩოს მხრიდან გვეყოლება ჩვენი სადამკვირვებლო ჯგუფები, რომლებიც კიდევ უფრო გააძლიერებენ ამ დამკვირვებელთა ძალისხმევას. ჩვენი მხრიდან ვცდილობთ, ყველანაირად დავეხმაროთ საქართველოს, რომ არჩევნები იყოს თავისუფალი, გამჭვირვალე და სამართლიანი. ჩვენ ვიცით, რომ სახალხო დამცველის ანგარიშთან დაკავშირებით შსს-მ ჩაატარა გამოძიება და გამოძიების შედეგად გაირკვა, რომ ამ შემთხვევებში, რაც აღნიშნული იყო სახალხო დამცველის ანგარიშში, მონაწილეობდნენ სხვადასხვა პარტიის წარმომადგენლები. შესაბამისად, ჩვენ მოვუწოდებთ ყველა პარტიას, რომ თავი შეიკავონ ნებისმიერი ასეთი ტიპის მოქმედებისგან და ხელი შეუწყონ სამართლიანი არჩევნების ჩატარებას. ვთხოვ, რომ გააკეთონ ეს საქართველოს კეთილდღეობისთვის“, - განუცხადა კელი დეგნანმა ჟურნალისტებს.

პროკურატურა

25 სექტემბერი 2020, 12:31

სამართალი

არსებული ინფორმაციით, ბაჩალიაშვილის საქმეზე მიხეილ რამიშვილის სავარაუდო წყარო დავით ფურცხვანიძე დაკავებულია

არსებული ინფორმაციით, დააკავეს დავით ფურცხვანიძე, რომელმაც გარდაცვლილი თამარ ბაჩალიაშვილის ოჯახის უფლებადამცველს მიხეილ რამიშვილს სატელიტური ფოტოები მიაწოდა. პროკურატურის ინფორმაციით, თამარ ბაჩალიაშვილის ოჯახის ადვოკატების მიერ გასაჯაროებულ ე.წ. სატელიტის ფოტოებზე დანიშნული ექსპერტიზის დასკვნით, ფოტოები დამონტაჟებული და ყალბია.

ვახტანგ გომელაური

25 სექტემბერი 2020, 12:31

სამართალი

ვახტანგ გომელაური: ციხეებში 24 000–25 000 ადამიანი იჯდა, დღეს 9 000-მდე პატიმარი ზის

შინაგან საქმეთა მინისტრმა კიბერუსაფრთხოების ფორუმის შემდეგ ჟურნალისტების კითხვებს ქვეყანაში კრიმინოგენული მდგომარეობის შესახებ უპასუხა, - ამის შესახებ ინფორმაციას შსს ავრცელებს. ვახტანგ გომალაურმა აღნიშნა, რომ არჩევნებია და ოპონენტები კრიმინალის მატების შესახებ ინტერპრეტირებენ, რადგან წარმოჩინდეს რომ ქვეყანაში მძიმე მდგომარეობაა. მაგრამ არსებობს წინა წლების სტატისტიკაც, მაშინ როცა ციხეში სამჯერ მეტი ადამიანი იჯდა უფრო მეტი დანაშაული ხდებოდა.

კელი დეგნანი

25 სექტემბერი 2020, 12:14

პოლიტიკა

კელი დეგნანი: კიბერუსაფრთხოების ფორუმზე პრემიერისა და დიპლომატიური კორპუსის დასწრება მიანიშნებს, თუ რამდენად მნიშვნელოვნად მიიჩნევს თითოეული მათგანი კიბერუსაფრთხოებას

„მოხარული ვარ, რომ დღეს მონაწილეობა მივიღე ეროვნული უსაფრთხოების საბჭოს მიერ ორგანიზებულ კიბერუსაფრთხოების ფორუმში, სადაც იმყოფებოდნენ პრემიერ-მინისტრი, ასევე დიპლომატიური კორპუსის წარმომადგენლები, - განაცხადა საქართველოში აშშ-ის ელჩმა, კელი დეგნანმა კიბერუსაფრთხოების ფორუმის დასრულების შემდეგ.

25 სექტემბერი 2020, 12:11

COVID19

უკრაინაში კორონავირუსი კიდევ 3,565 ადამიანს დაუდასტურდა

ბოლო 24 საათის განმავლობაში უკრაინაში კორონავირუსი კიდევ 3,565 ადამიანს დაუდასტურდა. ჯამში ქვეყანაში COVID-19 191,671 ადამიანს დაუდგინდა. ამასთან, გასული დღე-ღამის განმავლობაში ქვეყანაში ვირუსს კიდევ 70 ადამიანი ემსხვერპლა და გარდაცვლილთა საერთო რიცხვი 3,827-მდე გაიზარდა, ჯამში 85,133 ადამიანი გამოჯანმრთელდა. ინფორმაციას ქვეყნის ჯანდაცვის სამინისტრო ავრცელებს.

25 სექტემბერი 2020, 12:08

პოლიტიკა

დავით სერგეენკო: ჩემთვის პრიორიტეტი არის ადამიანის უფლებები, სამართლიანი გარემო და თანაბარი ხელმისაწვდომობა სახელმწიფო სერვისებზე

„ქართული ოცნების“ საბურთალოს მაჟორიტარობის კანდიდატი, დავით სერგეენკო გოთუასა და ცინცაძის ქუჩები მცხოვრებლებს შეხვდა. შეხვედრისას იმ გამოწვევებზე ისაუბრეს, რომლის წინაშეც საბურთალოს რაიონის მოსახლეობაა.

25 სექტემბერი 2020, 12:03

COVID19

სომხეთში კორონავირუსის 392 ახალი შემთხვევა გამოვლინდა

სომხეთში კორონავირუსი კიდევ 392 ადამიანს დაუდასტურდა, 2 ინფიცირებული კი გარდაიცვალა. ამის შესახებ ადგილობრივი მედია იტყობინება. სულ ქვეყანაში კორონავირუსის 48,643 შემთხვევა დადასტურდა, გარდაიცვალა 947 ადამიანი, გამოჯანმრთელდა - 43,401.

ვახტანგ გომელაური

25 სექტემბერი 2020, 11:57

სამართალი

ვახტანგ გომელაური: ყველაფერს ვაკეთებთ და მერწმუნეთ, საარჩევნო პერიოდში ყველა საქმეზე მკაცრი რეაგირება იქნება

ჩვენ ყველაფერს ვაკეთებთ და მერწმუნეთ, საარჩევნო პერიოდში ყველა საქმეზე მკაცრი რეაგირება იქნება, - ამის შესახებ შინაგან საქმეთა მინისტრმა ვახტანგ გომელაურმა საპარლამენტო არჩევნების მიმდინარეობის და გამოვლენილ ფაქტებზე რეაგირების შესახებ ჟურნალისტებთან საუბრისას განაცხადა.

ამერიკის საელჩო

25 სექტემბერი 2020, 11:54

COVID19

აშშ-ის საელჩოს რეგიონული უსაფრთხოების ოფისმა საქართველოს დაცვის პოლიციას ნიღბები გადასცა

ამერიკის საელჩოს რეგიონული უსაფრთხოების ოფისმა საქართველოს დაცვის პოლიციას ნიღბები გადასცა. შესაბამისი პოსტი საელჩოს Facebook-ზე გავრცელდა. „მადლიერების გამოსახატად და ჩვენი პარტნიორების მნიშვნელოვანი საქმიანობისას მათი უსაფრთხოების შესანარჩუნებლად, ამ კვირაში აშშ-ის საელჩოს რეგიონული უსაფრთხოების ოფისმა საქართველოს დაცვის პოლიციას ნიღბები გადასცა.