გიგა ბოკერია: საქართველოში 8 წელი პოლიტიკოსი ციხეში არ მჯდარა

საქართველოში 8 წელი პოლიტიკოსი ციხეში არ მჯდარა. დავეთანხმები გათავისუფლებულ ვანო მერაბიშილს და ვიტყვი, რომ  წელს ეს ხელისუფლება არჩევნების გზით დამარცხდება, - ამის შესახებ ჟურნალისტებს პარტია „ევროპული საქართველოს“, ერთ-ერთმა ლიდერმა, გიგა ბოკერიამ ე.წ. მატროსოვის ცეხესთან, ვანო მერაბიშვილის გათავისუფლების შემდეგ განუცხადა.

„ის ხალხი, რომელიც სხვადასხვა პოზიციაზე ვიყავით ან ხვალ ვიქნებით, ჩემი ძველი მეგობრები თუ არამეგობრებიც, არ დავუშვებთ, რომ ამგვარი სცენარი, რაც ვანო მერაბიშვილის და სხვების შემთხვევაში მოხდა, რაც არ უნდა გვძულდეს ის, არასოდეს საქართველოში არავის მიმართ არ უნდა მოხდეს“, - აღნიშნა ბოკერიამ.

მისივე თქმით, ვანო მერაბიშვილის პოლიტიკაში გამოჩენა ყოველთვის მნიშვნელოვანია.

შინაგან საქმეთა ყოფილმა მინისტრმა, ვანო მერაბიშვილმა სასჯელაღსრულების დაწესებულება 20 თებერვალს დატოვა. ის სასჯელს რამდენიმე საქმეზე იხდიდა, მათ შორის, 2011 წლის 26 მაისის აქციის დარბევის, სანდრო გირგვლიანის საქმეზე მტკიცებულებების დამალვის, ვალერი გელაშვილის მიმართ ფიზიკური ანგარიშსწორების, კვარიათის აგარაკისა და ამომრჩევლის მოსყიდვის საქმეებზე. 7 ნოემბრის აქციის დარბევისა და „ტელეიმედში“ შეჭრის საქმეების განხილვა ამ დრომდე გრძელდება და ბრალდების რიგით მეექვსე საქმეზე განაჩენი მალევე უნდა გამოცხადდეს.