imedi /  27 თებერვალი 2020, 20:18 / სანდო წყარო

სუს-ში ადასტურებენ, რომ ოკუპირებული ცხინვალის დე ფაქტო მთავრობა კორონავირუსის გამო ე.წ. გამშვებ პუნქტებს ჩაკეტავს

საოკუპაციო ძალების წარმომადგენლებმა „ცხელი ხაზის“ მეშვეობით ოკუპირებული ცხინვალის მიმართულებით არსებული ყველა ე.წ. გამშვები პუნქტების დახურვის ფაქტი დაადასტურეს. ამის შესახებ სახელმწიფო უსაფრთხოების სამსახურში აცხადებენ.

ამ უკანონო გადაწყვეტილების შესახებ სუსმა ევროკავშირის სადამკვირვებლო მისიას (EUMM) ინფორმაცია უკვე მიაწოდა.

„საოკუპაციო ძალების მიერ თავისუფალ გადაადგილებაზე დაწესებული უკანონო შეზღუდვები, მათ შორის გადასასვლელების დახურვა, მნიშვნელოვნად ართულებს ადგილობრივების ყოველდღიურ ცხოვრებას და არღვევს მათ ფუნდამენტურ უფლებებს"- აცხადებენ სუსში.

საქართველოში კორონავირუსის პირველი შემთხვევა 26 თებერვალს დადასტურდა. ჯანდაცვის მინისტრის, ეკატერინე ტიკარაძის თქმით, დაავადებული საქართველოს მოქალაქეა, რომელიც აზერბაიჯანის გავლით ირანიდან შემოვიდა. საუბარია 50 წლის კაცზე. პაციენტი ინფექციურ საავადმყოფოშია გადაყვანილი და მის სიცოცხლეს საფრთხე არ ემუქრება.

უფრო ადრე ჯანმომ განაცხადა, რომ კორონავირუსის პანდემიად გამოცხადების საფუძველი ჯერ არ არსებობს.

30 იანვარს ჯანდაცვის მსოფლიო ორგანიზაციამ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა. ჩინეთში საქართველოს საელჩოში კი ცხელი ხაზი მოქმედებს.

მართალია თუ არა, რომ კორონავირუსმა უხანის სამეცნიერო ლაბორატორიიდან გაჟონა? ამ ბმულზე ნახეთ.

ყველა სიახლე

ტედროს ადანომ გებრეისუსი

30 მარტი 2020, 20:05

COVID19

ჯანმოს დირექტორი: მთავრობებმა უნდა უზრუნველყონ იმ ადამიანების კეთილდღეობა, რომლებმაც შემოსავალი დაკარგეს

მთავრობებმა უნდა უზრუნველყონ იმ ადამიანების კეთილდღეობა, რომლებმაც დაკარგეს შემოსავალი და საკვები, სანიტარული და სხვა აუცილებელი მომსახურება სჭირდებათ, - ამის შესახებ დღეს ჟენევაში გამართულ ბრიფინგზე ჯანდაცვის მსოფლიო ორგანიზაციის დირექტორმა ტედროს ადანომ გებრეისუსმა განაცხადა. „ჩვენ გვესმის, რომ მრავალი ქვეყანა ახორციელებს ზომებს, რომლებიც ზღუდავენ ხალხის გადაადგილებას. ამ ზომების განხორციელებისას აუცილებელია ყველა ადამიანის ღირსებისა და კეთილდღეობის პატივისცემა. ასევე მნიშვნელოვანია, რომ მთავრობებმა შეატყობინონ თავიანთ ხალხს აღნიშნული ზომების ხანგრძლივობის შესახებ და დახმარება გაუწიონ ხანდაზმული ასაკის პირებს, ლტოლვილებს და სხვა დაუცველ ჯგუფებს“, - განაცხადა ჯანმოს დირექტორმა.

მეუფე საბა

30 მარტი 2020, 19:58

COVID19

მეუფე საბა: ვირუსი არავის ინდობს, არც მღვდელმთავარს

ვირუსი არავის ნდობს, არც მღვდელმთავარს, - ამის შესახებ ჩრდილოეთ ამერიკის ეპისკოპოსმა, მეუფე საბამ „პალიტრანიუსის“ ეთერში განაცხადა. „აქედან უნდა მივხვდეთ, რომ დღეს ყველაზე დიდი მოწოდება არის სახლში დარჩენა“, - აღნიშნა მეუფემ. მისივე თქმით, ეპარქია პარასკევს გადაწყვეტს, თუ როგორ აღინიშნება აღდგომის ბრწყინვლე დღესასწული.

30 მარტი 2020, 19:43

COVID19

მარინა ეზუგბაია: კორონავირუსით დაინფიცირებული სამი ახალი პაციენტიდან ორი ინგლისის კლასტერიდანაა

ახალი სამი პაციენტიდან ორს კორონავირუსი ჩვენთან დაუდასტურდა. ეს არის ინგლისის კლასტერიდან კიდევ ორი. მესამე პაციენტის შესახებ მონაცემები არ მაქვს, - ამის შესახებ ჟურნალისტებს ინფექციური საავადმყოფოს სამედიცინო დირექტორმა, მარინა ეზუგბაიამ განუცხადა.

მარინა ენდელაძე

30 მარტი 2020, 19:40

COVID19

მარინა ენდელაძე: მედპერსონალი წესების სრული დაცვით მუშაობის შემთხვევაში, დაინფიცირებისგან დაზღვეულია

საბედნიეროდ პირველივე დღიდან ვართ ძალიან კარგად ეკიპირებული. გვაქვს აბსოლუტურად ყველა, ჯერჯერობით ასეა და იმედია ბოლომდე ასე იქნება, თავდა​ცვის საშუალება - ამის შესახებ თბილისის ინფექციური საავადმყოფოს ბოქსირებული განყოფილების დირექტორმა „ტვ პირველის“ ეთერში განაცხადა. მისი თქმით, მედპერსონალი წესების სრული დაცვით მუშაობის შემთხვევაში, დაინფიცირებისგან დაზღვეულები არიან. ყველა ექიმი ვართ სრულიად ეკიპირებულები. თუ ყველაფერს სწორად დავიცავთ, ჩვენ უფრო მეტად ვართ დაზღვეული ვიდრე გარეთ მოსიარულე ხალხი. ვიცავთ ყველაფერს მაგრამ რა თქმა უნდა იქნება შემთხვევა, არცერთ ქვეყანაში არ ყოფილა, რომ მედიკოსები არ დაინფიცირებულიყვნენ. იყო სიკვდილიც. მაგრამ ჩვენ დაცული ვართ, რამდენადაც ვართ მომარაგებულები თავდაცვის ყველა საშუალებით. რაიმე პრობლემა არ მხრივ ჩვენ არ გვქონია.

მარინა ენდელაძე

30 მარტი 2020, 19:32

COVID19

მარინა ენდელაძე: დავინდოთ ჩვენი თავიც, მოსახლეობაც და იქნებ ჩვენც დაგვინდოთ, რომ ნაკლები პაციენტი იყოს

„ამჟამად ჩვენთან პაციენტების რაოდენობა მომატებულია, მაგრამ ბევრი გავწერეთ კიდეც და ველოდებით, რომ დღეს შესაძლოა, ერთიც გაეწეროს. გვყავს ძალზე საყურადღებო პაციენტებიც და ერთ მათგანზე პროგნოზს ჯერ ვერ გავაკეთებ. მართალია, ჩვენი ქვეყანა ყველაზე მოწინავეა და კარგი შედეგები გვაქვს თითქოს, რომ ბევრი ინფიცირებული პაციენტი არ გვყავს, მაგრამ ამან არ უნდა მოგვცეს დიდი იმედი. იმისთვის, რომ დრამატულად არ განვითარდეს მოვლენები, დავიცვათ ყველა მითითება, რაც სახელმწიფოს მიერ არის გამოცხადებული. ასე რომ, დავინდოთ ჩვენი თავიც, ჩვენი მოსახლეობაც და იქნებ ჩვენც დაგვინდოთ, რომ ნაკლები პაციენტი იყოს და ყველაფერმა კარგად ჩაიაროს.

Singer Laren-ის მუზეუმი

30 მარტი 2020, 19:29

მსოფლიო

ნიდერლანდებში კორონავირუსის გამო დაკეტილი მუზეუმიდან ვინსენტ ვან გოგის ტილო მოიპარეს

ნიდერლანდებში კორონავირუსის გამო დაკეტილი მუზეუმიდან ვინსენტ ვან გოგის ტილო მოიპარეს. ამის შესახებ Singer Laren-ის მუზეუმის დირექტორმა განაცხადა. მუზეუმის დირექტორის ევერტ ვან ოსის განცხადებით, საუბარია ვან გოგის ტილოზე „გაზაფხულის ბაღზე“, რომელიც მუზეუმიდან დღეს მოიპარეს. თავად ლარენის მუზეუმს ტილო გრონინგერის მუზეუმმა დროებით გადასცა.

ბოჭორიშვილის კლინიკა

30 მარტი 2020, 19:28

COVID19

ბოჭორიშვილის კლინიკაში კორონავირუსზე ორი პაციენტის ტესტების პასუხებს ელოდებიან

ბოჭორიშვილის კლინიკაში კორონავირუსზე ორი პაციენტის ტესტების პასუხებს ელოდებიან. ამის შესახებ ჟურნალისტებს ბოჭორიშვილის სახელობის კლინიკის ინფექციონისტმა მედეა კობახიძემ განუცხადა. მისივე თქმით, ორი პაციენტის ბიოლოგიური სინჯების კვლევა მიმდინარეობს. კლინიკაში ასევე მოთავსებულია ერთი ახალი პაციენტი, რომლის ბიოლოგიური სინჯი ჯერ აღებული არ არის და ეს უახლოეს პერიოდში მოხდება. სულ კლინიკის ბოქსირებულ დეპარტამენტში ამ ეტაპზე 12 პაციენტია, რომელთაგანაც 5 კორონავირუსით ინფიცირებულია. მათი მდგომარეობა სტაბილურია. ახალი შემთხვევები კი დღეს არ გამოვლენილა.

დავით ბაქრაძე

30 მარტი 2020, 19:26

COVID19

დავით ბაქრაძე: ამ რთულ დღეებში ხელისუფლებას ჩვენგან მხარდაჭერა ექნება

„ადამიანის სიცოცხლე და ჯანმრთელობა არის მთავარი ღირებულება, ამიტომ სახელმწიფოც და ხელისუფლებაც ვალდებულია გადადგას ყველა ნაბიჯი იმისთვის, რომ დაიცვას ჩვენი მოქალაქეების ჯანმრთელობა და მათი სიცოცხლე. რაც არ უნდა მკაცრად მოგვეჩვენოს ეს ნაბიჯები, ჩვენთვის, როგორც პასუხისმგებლიანი ოპოზიციისთვის, დღეს მთავარი გახლავთ ის, რომ სახელმწიფომ გადადგას ყველა ნაბიჯი იმისთვის, რომ დაიცვას ჩვენი მოქალაქეების სიცოცხლე, ამიტომ ჩვენ ამ ნაბიჯების აუცილებლობას ვხედავთ“, - აღნიშნა ბაქრაძემ.

30 მარტი 2020, 19:23

COVID19

როგორი სისტემით არეგულირებს „თბილისი მოლი“ რიგს. ვიდეო

კორონავირუსთან დაკავშირებით საქართველოში საგანგებო რეჟიმი მოქმედებს. განსაკუთრებული ღონისძიებების ფარგლებში შეზღუდვებია დაწესებული სავაჭრო დაწესებულებებში, რომლებიც ვალდებულნი არიან დაიცვან შენობაში მყოფ ადამიანთა განსაზღვრული რაოდენობა და მათ შორის სოციალური დისტანცია. როგორი სისტემით არეგულირებს „თბილისი მოლი“ რიგს, ნახეთ ვიდეო.

თეა წულუკიანი

30 მარტი 2020, 19:15

COVID19

რა წესები იმოქმედებს ადვოკატებისთვის საპატიმროების მართვის ახალ ეტაპზე გადასვლისას

იუსტიციის მინისტრმა განმარტა, რა წესები იმოქმედებს ადვოკატებისთვის საქართველოს საპატიმროების მართვის ახალ ეტაპზე გადასვლისას. როგორც თეა წულუკიანმა საკოორდინაციო საბჭოს სხდომის შემდეგ განაცხადა, პირობები ისევ მკაცრი დარჩება, როგორც აქამდე იყო. კერძოდ, ადვოკატი საპატიმროში მხოლოდ იმ შემთხვევაში შევა, თუ ბრალდებულის საქმის პროცედურული საკითებია მოსაგვარებელი.სხვა შემთხვევაში იმოქმედებს მინის ბარიერი, როდესაც ადვოკატიც და პატიმარიც სპეციალურად აღიჭურვება.

გემი USNS Comfort

30 მარტი 2020, 19:14

COVID19

ნიუ-იორკში კორონავირუსის შემთხვევების ზრდის გამო 1000 პაციენტს ე.წ. მცურავ ჰოსპიტალში გადაიყვანენ

ვირჯინიის შტატის ქალაქ ნორფოლკიდან ნიუ-იორკში ე.წ. მცურავი ჰოსპიტალი ჩავიდა. ინფორმაციას ამის შესახებ ტელეკომპანია Fox News-ი ავრცელებს. გემი USNS Comfort-ი 1000 პაციენტზეა გათვლილი და მასში ქალაქის სხვა კლინიკებიდან სხვადასხვა დაავადების მქონე პაციენტებს გადაიყვანენ, გათავისუფლებულ ადგილებზე კი კორონავირუსით ინფიცირებულებს მოათავსებენ.

30 მარტი 2020, 19:13

რეგიონი

ბათუმში ხვალ დილიდან ბლოკპოსტები განთავსდება

ბლოკ-პოსტებს, რომლებიც ბათუმის შესასვლელებთან განთავსდება, მოქალაქეები გაივლიან თერმოსკრინინგს.ბლოკპოსტებში ვითარებას და საგანგებო მდგომარეობას შს სამინისტროსა და თავდაცვის ძალების დანაყოფები გააკონტროლებენ. საველე ოპერაციების შტაბს კი თორნიკე რიჟვაძე ხელმძღვანელობს. შტაბი 24 საათის განმავლობაში მუშაობს.

დონალდ ტრამპი

30 მარტი 2020, 19:10

მსოფლიო

დონალდ ტრამპი: მძინარე ჯო პრეზიდენტი რომ ყოფილიყო, გაგებაშიც კი არ იქნებოდა რა ხდება ახლა

მძინარე ჯო პრეზიდენტი რომ ყოფილიყო, გაგებაშიც კი არ იქნებოდა რა ხდება ახლა, - განაცხადა აშშ-ის პრეზიდენტმა დონალდ ტრამპმა Fox News-სთვის მიცემულ ინტერვიუში. „კორონავირუსთან ბრძოლაში ფედერალურმა მთავრობამ იმაზე მეტი გააკეთა, ვიდრე ვინმე გააკეთებდა. მძინარე ჯო პრეზიდენტო რომ ყოფილიყო ახლა, გაგებაშიც კი არ იქნებოდა რა ხდება ახლა. კორონავირუსთან ბრძოლაში უზარმაზარი სამუშაო გავწიეთ. ზოგადად, პრეზიდენტად უნდა გვყავდეს ადამიანი, ვისაც უნარები გააჩნია. ჯო ბაიდენი ასეთი ადამიანი არ არის, ჩემი აზრით“, - განაცხადა დონალდ ტრამპმა.

თეა წულუკიანი

30 მარტი 2020, 19:04

COVID19

საგანგებო რეჟიმის განმეორებით დამრღვევს დააპატიმრებენ და ცალკე საპატიმრო დაწესებულებაში მოთავსებენ

სანქციების მხრივ რამე ცვლილება შემოთავაზებული არ ყოფილა. რა სანქციებიც იქნა პირველად საგანგებო მდგომარეობის გამოცხადების დროს შემოღებული, ეს სანქციები დღესაც ძალაშია, იცით ჯარიმების ოდენობებიც, - ამის შესახებ იუსტიციის მინისტრმა თეა წულუკიანმა საკოორდინაციო შტაბის სხდომის დასრულების შემდეგ განაცხადა. თეა წულუკიანის განმარტებით, ძალაში რჩება ის ჯარიმები, რაც საგანგებო რეჟიმის პირობებში დაწესდა.

მაია ცქიტიშვილი

30 მარტი 2020, 18:55

COVID19

მაია ცქიტიშვილი: 21:00 საათის შემდეგ რეგიონიდან რეგიონში მიმოსვლაც იკრძალება

21:00 საათის შემდეგ რეგიონიდან რეგიონში მიმოსვლაც იკრძალება, - ამის შესახებ რეგიონული განვითარებისა და ინფრასტრუქტურის მინისტრმა, მაია ცქიტიშვილმა საკოორდინაციო საბჭოს დასრულების შემდეგ გამართულ ბრიფინგზე განაცხადა. „დასაშვებია დილის 06:00 საათიდან საღამოს 21:00 საათამდე ნებისმიერ სახის პირადი მანქანით ან ტაქსით გადაადგილება იმ პირობით, რომ მანქანაში არ უნდა იყოს 3 მგზავრზე მეტი და მათ შორის სატვირთო მოძრაობაც ასევე იქნება ნებადართული”, - განაცხადა ცქიტიშვილმა.

აჭარის მთავრობა

30 მარტი 2020, 18:54

COVID19

აჭარაში კორონავირუსი კიდევ ერთ პირს დაუდასტურდა

აჭარაში კორონავირუსი კიდევ ერთ პირს დაუდასტურდა. ეს ბათუმში მერვე შემთხვევაა. აჭარის ჯანდაცვის მინისტრის, ზაალ მიქელაძის განცხადებით, ინფიცირებულს კონტაქტი ჰქონდა იმ პირებიდან ერთ-ერთთან, რომლებსაც კორონავირუსი მანამდე დაუდასტურდათ და ახლა ბათუმში გადიან მკურნალობას.

თეა წულუკიანი

30 მარტი 2020, 18:47

COVID19

საქართველში ყველა სანოტარო ბიურო ორი დღით დაიკეტა

მე როგორც უწყების ხელმძღვანელს, გამიჩნდა განცდა, რომ ზოგიერთი სანოტარო ბიუროს ფუნქციონირება იყო წინააღმდეგობაში იმ რეკომენდაციებთან, რომელიც გასცა უწყებათაშორისმა საბჭომ. უფრო მეტიც ბოლო დღეებში მქონდა იმის შთაბეჭდილება, რომ ზოგიერთ ნოტარიუსს, ან ნოტარიუსის თანაშემწეს, გაუჭირდა ფეხი აეწყო იმ საფრთხისათვის, რომლის წინაშეც დგას ჩვენი ქვეყანა. შესაბამისად, არაერთმა მოქალაქემ ეს დღეს უკვე შეამჩნია, დღეს ყველა სანოტარო ბიურო საქართველში, იუსტიციის სამინისტროს გადაწყვეტილებით, დაიკეტა - ამის შესახებ იუსტიციის მინისტრმა თეა წულუკიანმა საკოორდინაციო საბჭოსსხდომის დასრულების შემდეგ განაცხადა.

გიორგი გახარია

30 მარტი 2020, 18:38

COVID19

გიორგი გახარია: ზოგიერთი პოლიტიკოსი აჩენს მოლოდინს, თითქოს სწრაფი ტესტი ნიშნავს იმას, რომ მედიკოსები გამოვლენ ქუჩაში და მასობრივ ტესტირებას დაიწყებენ, ეს სიცრუეა

თუ ხვალ იქნება აუცილებლობა, სწრაფი ტესტები იქნება ხვალ. თქვენ თუ ფიქრობთ, რომ სწრაფი ტესტები დღეს ქვეყანაში არ არსებობს, ძალიან ცდებით. ან თუ გგონიათ, რომ საგანგებო მდგომარეობის პირობებში ვალდებული ვარ, აქ ვიდგე და თქვენს მსგავს პოპულისტურ შეკითხვებს ვპასუხობდე, ისე როგორც თქვენ გგონიათ, რომ აუცილებელია, ძალიან ცდებით, - ამის შესახებ პრემიერ-მინისტრმა, გიორგი გახარიამ უწყებათაშორისი საკოორდინაციო საბჭოს სხდომის დასრულების შემდეგ გამართულ ბრიფინგზე სწრაფი ტესტების შესახებ დასმული შეკითხვის ავტორს განუცხადა.

30 მარტი 2020, 18:32

მსოფლიო

დონალდ ტრამპი: ძალიან სამწუხაროა, მაგრამ, ჩემი აზრით, ნენსი პელოსი სულით ავადმყოფია

აშშ-ის პრეზიდენტის დონალდ ტრამპის განცხადებით, წარმომადგენელთა პალატის სპიკერი ნენსი პელოსი სულით ავადმყოფია. ამის შესახებ დონალდ ტრამპმა Fox News-სთვის მიცემულ ინტერვიუში განაცხადა. გასულ კვირას წარმომადგენელთა პალატის სპიკერმა მკაცრად გააკრიტიკა აშშ-ის პრეზიდენტი კორონავირუსთან დაკავშირებით მიღებული ზომების გამო და აღნიშნა, რომ თავიდან პრეზიდენტი უარყოფდა ქვეყანაში ამ პრობლემის არსებობას. „ძალიან სამწუხაროა, მაგრამ ჩემი აზრით, ნენსი პელოსი სულით ავადმყოფია. მას უამრავი პრობლემა აქვს. იგი ქვეყნის და მისი ოჯახის სირცხვილია. რა საშინელი განცხადება გააკეთა. ერთადერთი, რაზეც ყოველთვის კონცენტრირდებოდა, იმპიჩმენტი იყო. პანდემიასთან დაკავშირებით არასოდეს უთქვამს რამე. იმპიჩმენტი წააგო და სულელივით გამოიყურებოდა“, - განაცხადა აშშ-ის პრეზიდენტმა.

მაია ცქიტიშვილი

30 მარტი 2020, 18:30

COVID19

მაია ცქიტიშვილმა ე.წ. კომენდანტის საათის დროს ტრანსპორტის გადაადგილების სქემა განმარტა

„ასევე არის ნებადართული იმ სპეციალური ტრანსპორტის მოძრაობა, რომელიც მოემსახურება ამა თუ იმ დარგის თანამშრომელს. რაც შეეხება ე.წ. კომენდანტის საათის პერიოდს, დამატებით გადაადგილების შეზღუდვა იმოქმედებს საღამოს 21:00 საათიდან დილის 06:00 საათამდე. ამ პერიოდის განმავლობაში იმოძრავებენ ის სატრანსპორტო საშუალებები რომელთაც ექნებათ სპეციალური საშვი. ეს შეეხება მედიის წარმომადგენლებსაც და უნდა მიმართოთ სპეციალურ საკოორდინაციო შტაბს. იმოქმედებს ცხელი ხაზი 144, რომელზეც მოქალაქეებს, მედიის წარმომადგენლებს და ბიზნესს დამატებითი განმარტებების მიღება შეეძლებათ“, - აღნიშნა ცქიტიშვილმა.