ამირან გამყრელიძე: პანდემიური მზადყოფნის რეჟიმში ვართ

მსოფლიოში შექმნილი ვითარების გამო საქართველო შესაბამის ზომებს იღებს და ქვეყანა პანდემიური მზადყოფნის რეჟიმშია. ამის შესახებ დაავადებათა კონტროლის ცენტრის ხელმძღვანელმა, ამირან გამყრელიძემ პრესკონფრენეციაზე განაცხადა.

მისი განმარტებით, ამ ვირუსის მატარებელი პაციენტის მდგომარეობა, რომელიც თბილისში, ინფექციური საავადმყოფოშია მოთავსებული, დამაკმაყოფილებელია.

ამირან გამყრელიძის თქმით, საფრთხე არის გლობალური და არ უნდა გაგვიკვირდეს, რომ ახალი შემთხვევებიც დაფიქსირდეს.

მისივე თქმით, ინფექციურში 29 პაციენტია მოთავსებული, აღებულია სინჯები და დიდი ალბათობით, არ არის გამორიცხული, რომ კიდევ გვქონდეს დადებითი პასუხი, თუმცა ამან არ უნდა დაგვაფრთხოს.

დაავადებათა კონტროლის ცენტრის ხელმძღვანელის თქმით, მსოფლიოში ვირუსი სულ 51 ქვეყანაშია დადასტურებული. ევროპაში ყოველდღიურად ფიქსირდება ახალი შემთხვევები, აქედან გამომდინარე მხოლოდ საზღვრებზე კონტროლის გაძლიერება და სხვა მიღებული ზომები დიდ შედეგს არ იძლევა, ინფექცია ასე ვერ შეჩერდება. ამიტომ, მეტი ყურადღება გადადის სავარაუდო შემთხვევათა იზოლაციაზე.

საქართველოში, კარანტინში სულ 81 ადამიანი იმყოფება.

საქართველოში კორონავირუსის პირველი შემთხვევა 26 თებერვალს დადასტურდა. ჯანდაცვის მინისტრის, ეკატერინე ტიკარაძის თქმით, დაავადებული საქართველოს მოქალაქეა, რომელიც 26 აზერბაიჯანის გავლით ირანიდან შემოვიდა. საუბარია 50 წლის კაცზე. პაციენტი ინფექციურ საავადმყოფოშია გადაყვანილი და მის სიცოცხლეს საფრთხე არ ემუქრება. მეორე შემთვევა კი - 28 თებერვალს.

ქვეყნის ყველა აეროპორტი გაძლიერებული კონტროლის რეჟიმზეა გადასული.

საქართველომ პრევენციის მიზნით ჩინეთთან პირდაპირი ფრენები შეწყვიტა. ვირუსის ირანში გავრცელების შემდეგ კი, 23 თებერვალს, ამ ქვეყნიდან საქართველოში და პირიქით, ფიზიკური პირების გადაადგილება შეიზღუდა.

ასევე არ გამორიცხავენ მეზობელ ქვეყნებთან სახმელეთო საზღვარზე გადაადგილების შეზღუდვას.

30 იანვარს ჯანდაცვის მსოფლიო ორგანიზაციამ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.

21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა. ჩინეთში საქართველოს საელჩოში კი ცხელი ხაზი მოქმედებს. საქართველოში ვირუსის გავრცელების შანსი მინიმალურია.

მართალია თუ არა, რომ კორონავირუსმა უხანის სამეცნიერო ლაბორატორიიდან გაჟონა? ამ ბმულზე ნახეთ.