ნიკოლოზ მჭედლიშვილი: სააკაშვილი დარბის ტელევიზიებში, ყველას აგებინებს, რომ თანამდებობაზე დაინიშნა

სწორედ ამაზე წერს ეს უკრაინელი ბლოგერი და ამბობს, რომ მიშა არაფრის გამკეთებელია უკრაინაში. იქნება მისი ბევრი ინტერვიუ, ხმაური, დისკუსია, რეფორმების გარდა, - ამის შესახებ ექსპერტი ნიკოლოზ მჭედლიშვილი სოციალურ ქსელში წერს და დიმიტრი ჯანგიროვს ეხმიანება, რომელმაც სააკაშილის დანიშვნასთან დაკავშირებით ,,ფეისბუქის” საკუთარ გვერდზე დაწერა. კერძოდ, სააკაშილმა "მოხეტიალე რეფორმატორის" როლი აიღო და მის დანიშვნასთან დაკავშირებით გერმანიის საელჩომ წინააღმდეგობა გამოთქვა, უარყოფითად რეაგირებს აშშ-ის სახელმწიფო დეპარტამენტიც.

მჭედლიშვილის თქმით, სააკაშვილი ყველას აგებინებს, რომ რაღაც თანამდებობაზე დაინიშნა და ჯერჯერობით ამით არის დაკავებული.

„სააკაშვილი დარბის ხან ქართულ და ხან უკრაინულ ტელევიზიებში და ყველას აგებინებს, რომ რაღაც თანამდებობაზე დაინიშნა და რაღაც რეფომრები უნდა გაატაროს უკრაინაში. ჯერჯერობით ამით არის დაკავებული და არც ერთი სიტყვა ამ კაი ხნის განმავლობაში არ უთქვამს, კონკერულად რა რეფორმები უნდა გააკეთოს. არადა "რეფორმები" აბსტრაქტული ცნება არ არის. ამ ეტაპზე მინიმუმ მონახაზზე, სტრეტეგიაზე მაინც უნდა საუბრობდეს სააკაშვილი, მაგრამ არაფერი. სწორედ ამაზე წერს ეს უკრაინელი ბლოგერი და ამბობს, რომ მიშა არაფრის გამკეთებელია უკრაინაში. იქნება მისი ბევრი ინტერვიუ, ხმაური, დისკუსია, რეფორმების გარდა”, - წერს ნიკოლოზ მჭედლიშვილი.

უკრაინელი პუბლიცისტი დიმიტრი ჯანგიროვი მიხეილ სააკაშვილის უკრაინაში რეფორმების აღმასრულებელი საბჭოს ხელმძღვანელად დანიშვნას გამოეხმაურა და სააკაშვილი ოსტაპ ბენდერს შეადარა, რომელიც დასავლელი პოლიტიკოსების არარსებული მფარველობით ტრაბახობს.

საქართველოს ექსპრეზიდენტი მიხეილ სააკაშვილი უკრაინის რეფორმების აღმასრულებელი კომიტეტის ხელმძღვანელად 7 მაისს დაინიშნა.

8 მაისს საგარეო საქმეთა მინისტრის, დავით ზალკალიანის განცხადებით, საქართველოს ხელისუფლების გადაწყვეტილებით, უკრაინაში საქართველოს ელჩი, თეიმურაზ შარაშენიძე თბილისში კონსულტაციებზე გამოიძახეს.

ვოლოდიმირ ზელენსკიმ კიევიდან საქართველოში ელჩის კონსულტაციებისთვის გაწვევას შეცდომა უწოდა.