imedi /  05 ივნისი 2020, 16:29 / სანდო წყარო

იურიდიულ საკითხთა კომიტეტმა პარლამენტის რეგლამენტში შესატან ცვლილებებს მხარი დაუჭირა

ანრი ოხანაშვილი

ანრი ოხანაშვილი

იურიდიულ საკითხთა კომიტეტმა პირველი მოსმენისთვის განიხილა პარლამენტის წევრების: ირაკლი კობახიძის, გიორგი კახიანის, მამუკა მდინარაძის და გურამ მაჭარაშვილის მიერ საკანონმდებლო ინიციატივის წესით წარმოდგენილი საქართველოს პარლამენტის რეგლამენტის პროექტი „საქართველოს პარლამენტის რეგლამენტში ცვლილების შეტანის შესახებ“ თანმდევ კანონპროექტებთან ერთად. ინფორმაციას პარლამენტის პრესსამსახური ავრცელებს.

რეგლამენტის პროექტი ითვალისწინებს ათეულობით შინაარსობრივ და ტექნიკურ შესწორებას პარლამენტის რეგლამენტის ფაქტობრივად ყველა თავში.

„საქართველოს პარლამენტის რეგლამენტი არის ძირითადი ნორმატიული აქტი, რომლითაც უნდა იხელმძღვანელოს პარლამენტმა და კონსტიტუციაში 2 წლის წინ შეტანილი ცვლილებებიდან გამომდინარე დღეს საჭიროა პარლამენტის რეგლამენტში ცვლილებების შეტანა“, - განაცხადა საკითხის წარდგენისას საპროცედუროს საკითხთა და წესების კომიტეტის თავმჯდომარემ, გურამ მაჭარაშვილმა.

რეგლამენტის პროექტის თანახმად:

- კონსტიტუციის ძირითად დებულებებში რეგლამენტირებული პრინციპის მიხედვით, ერთი პოლიტიკური პარტიის წარდგენით არჩეულ პარლამენტის წევრებს უფლება არ ექნებათ შექმნან ერთზე მეტი ფრაქცია. ამასთანავე, სხვადასხვა პოლიტიკური პარტიის ან/და საარჩევნო ბლოკის წარდგენით არჩეული პარლამენტის წევრების მიერ საერთო ფრაქციის შექმნა დაუშვებელი იქნება.

- იმის გათვალისწინებით, რომ 2024 წლამდე გასამართ საქართველოს პარლამენტის არჩევნებში მონაწილეობის უფლება ექნებათ საარჩევნო ბლოკებსაც, ბლოკში შემავალ პოლიტიკურ პარტიას დამოუკიდებელი ფრაქციის შექმნის უფლება ექნება მხოლოდ იმ შემთხვევაში, თუ პარლამენტის წევრად შესაბამისი საარჩევნო ბლოკის საარჩევნო სიაში მისი ამ პარტიის წევრად მითითებული 7 წევრი მაინც იქნება არჩეული;

- ფრაქციათა როლის ზრდისა და მათი შექმნის ახალი წესის ფონზე, ახლებურად განისაზღვრება საპარლამენტო უმრავლესობისა და ოპოზიციის არსი და მათი სიების რეგისტრაციის წესიც: პარლამენტის პირველი შეკრებიდან არაუგვიანეს 35-ე დღისა პარლამენტის ბიუროს წარედგინება არანაკლებ 76 პარლამენტის წევრის ხელმოწერით დადასტურებული საპარლამენტო უმრავლესობის წევრთა სია, რომელსაც რეგისტრაციაში გაატარებს პარლამენტის ბიურო. დაუშვებელი იქნება საპარლამენტო უმრავლესობის წევრთა სიაში რომელიმე ფრაქციის წევრთა ნაწილის შეყვანა. რაც შეეხება საპარლამენტო ოპოზიციას, პარლამენტის ყველა წევრი, რომელიც არ იქნება გაერთიანებული საპარლამენტო უმრავლესობაში, მიკუთვნებულ იქნება საპარლამენტო ოპოზიციას.

„პრინციპი, რომ უმცირესობა აღარ იარსებებს, ნამდვილად არ ნიშნავს იმას, რომ ოპოზიციას რაიმე ტიპის შეზღუდვები დაუწესდება“, - აღნიშნა გურამ მაჭარაშვილმა.

ცვლილებების თანახმად:

- იცვლება გრადაცია, რომელიც უკავშირდება, ერთი მხრივ, საპარლამენტო თანამდებობებს, მეორე მხრივ, გარკვეული თანამდებობებისთვის დადგენილ გასამრჯელოს. წარმოდგენილი პროექტი ითვალისწინებს საერთო ჯამში პარლამენტის თავმჯდომარის 3 მოადგილის არჩევას, რომელთაგან ერთი იქნება პირველი მოადგილე, ხოლო თითო მოადგილე იქნება საპარლამენტო უმრავლესობიდან და საპარლამენტო ოპოზიციიდან. უმრავლესობის ლიდერი აღარ იქნება პარლამენტის თანამდებობის პირი. შესაბამისად, უქმდება ხსენებული თანამდებობისთვის განსაზღვრული გასამრჯელო. ფრაქციათა გაზრდილი როლის გათვალისწინებით, ფრაქციის თავმჯდომარის გასამრჯელო გაუთანაბრდება კომიტეტის თავმჯდომარის გასამრჯელოს. აგრეთვე, საპარლამენტო თანამდებობებს დაემატება ფრაქციის თავმჯდომარის პირველი მოადგილისა და ფრაქციის თავმჯდომარის მოადგილის თანამდებობები, რომელთა გასამრჯელო გაუთანაბრდება, შესაბამისად, კომიტეტის თავმჯდომარის პირველი მოადგილისა და, არსებული რეგულაციის შესაბამისად, კომიტეტის თავმჯდომარის მოადგილის გასამრჯელოებს. ამასთან, რეგლამენტირებული იქნება ფრაქციის თავმჯდომარის მოადგილეების განწესების პრინციპი - ფრაქციის თავმჯდომარეს ფრაქციის ყოველ 15 წევრზე არაუმეტეს ერთი მოადგილის ყოლა შეეძლება. თუ ფრაქციის თავმჯდომარეს ერთზე მეტი მოადგილე ეყოლება, დასაშვები იქნება ერთ-ერთ მათგანს პირველი მოადგილის სტატუსი მიენიჭოს. გარდა აღნიშნულისა, საპარლამენტო თანამდებობების ჩამონათვალს აკლდება დროებითი საგამოძიებო და სხვა დროებითი კომისიების თავმჯდომარეთა თანამდებობები (ტერიტორიული მთლიანობის აღდგენისა და დეოკუპაციის საკითხებთან დაკავშირებული დროებითი კომისიის თავმჯდომარეობას, პარლამენტის გადაწყვეტილებით, შეითავსებს პარლამენტის თავმჯდომარის ერთ-ერთი მოადგილე, ხოლო დროებითი საგამოძიებო ან სხვა დროებითი კომისიის თავმჯდომარის თანამდებობა შეთავსებით შეიძლება დაიკავოს პარლამენტის თანამდებობის პირმა), უქმდება ამ სტატუსისთვის განსაზღვრული გასამრჯელო;

- იცვლება ფრაქციის გარეთ დარჩენილი პარლამენტის წევრის სტატუსის აღმნიშვნელი ტერმინი - ამ შემთხვევაში გამოყენებული იქნება უფრაქციო პარლამენტის წევრი, ნაცვლად დამოუკიდებელი პარლამენტის წევრისა.

- იცვლება პოლიტიკურ დებატებში (მათ შორის, ინტერპელაციის პროცედურის ფარგლებში გასამართ დებატებში) გამომსვლელთათვის დროის განაწილების წესი, რომლის მიხედვითაც ფრაქციებს მიეცემათ იმდენი წუთი, რამდენი პარლამენტის წევრიც იქნება შესაბამის ფრაქციაში გაერთიანებული, მაგრამ არანაკლებ 10 და არაუმეტეს 75 წუთისა. უფრაქციო (დამოუკიდებელ) პარლამენტის წევრებს მიეცემათ 3-3 წუთი. ფრაქციაზე გამოსაყოფი დრო იდენტური პრინციპით გადანაწილდება პლენარულ სხდომაზე (პირველი და მეორე მოსმენით) კანონპროექტის განხილვის პროცედურაზეც;

-კენჭისყრის პროცედურის დაწყების სავარაუდო დროს პლენარული სხდომის თავმჯდომარე გამოაცხადებს პლენარული სხდომის გახსნისთანავე (ნაცვლად ნახევარი საათით ადრე გამოცხადებისა). გამოცხადებულ სავარაუდო დრომდე შესაბამისი კენჭისყრის პროცედურის დაწყება დაუშვებელი იქნება;
იურიდიულს საკითხთა კომიტეტის თავმჯდომარის, ანრი ოხანაშვილის შეფასებით, წარმოდგენილი ცვლილებები ხელს შეუწყობს საპარლამენტო ცხოვრების შემდგომში კიდევ უფრო დახვეწას, მათ შორის, პარტიებს შესაძლებლობას მისცემს საპარლამენტო ცხოვრებაში განავითარონ პარტიული პლატფორმა.

კომიტეტმა მხარი დაუჭირა კანონპროექტების პლენარულ სხდომაზე განხილვას.

იურიდიულ საკითხთა კომიტეტმა პირველი მოსმენისთვის განიხილა საქართველოს მთავრობის მიერ საკანონმდებლო ინიციატივის წესით წარმოდგენილი ორგანული კანონის პროექტი „საქართველოს ორგანულ კანონში „ადგილობრივი თვითმმართველობის კოდექსი“ ცვლილების შეტანის შესახებ“ და საკანონმდებლო ცვლილებების პაკეტში შემავალი სხვა კანონპროექტები.

„ეს გახლავთ ე.წ. ჰარმონიზაციის პაკეტი, რომლის მიხედვითაც რეალურად ხდება სახელმწიფოსა და მუნიციპალიტეტების ადგილობრივ თვითმმართველობებს შორის არსებული უფლებამოსილებების გამიჯვნა და ის დანაწესები, რომლებიც გვაქვს თვითმმართველობის კოდექსში შესაბამისად ხდება მათი ასახვა სხვადასხვა კანონში, ასევე ხდება თვითმმართველობის კოდექსში გარკვეული დაზუსტებების შეტანა“, - განაცხადა საკანომდებლო პაკეტის წარდგენისას საქართველოს რეგიონული განვითარებისა და ინფრასტრუქტურის მინისტრის მოადგილემ, მზია გიორგობიანმა.

კანონპროექტის მიხედვით, თვითმმართველი ერთეულის ორგანოს აღსანიშნავად, „ადგილობრივი თვითმმართველობის ორგანოს“ და „თვითმმართველი ერთეულის“ ნაცვლად, გამოყენებული იქნება ერთი ტერმინი - „მუნიციპალიტეტის ორგანო“. აღნიშნული ტერმინილოგიური ხასიათის ცვლილების გარდა, კოდექსში ხორციელდება მთელი რიგი შინაარსობრივი ცვლილებები, რომელთა მეშვეობითაც ხორციელდება გარკვეული საკითხებისა და რეგულაციების დაზუსტება და შემოღება.

კომიტეტის წევრებმა მხარი დაუჭირეს საკანონმდებლო პაკეტის პლენარულ სხდომაზე განხილვას.

იურიდიულ საკითხთა კომიტეტმა, დღევანდელ სხდომაზე, ასევე დაადგინა, რომ „პროკურატურის შესახებ“ საქართველოს ორგანული კანონის მე-19 მუხლის მე-2 პუნქტის „დ“ ქვეპუნქტისა და საქართველოს პარლამენტის რეგლამენტის 207-ე მუხლის მე-5 პუნქტის შესაბამისად საპროკურორო საბჭოს წევრად ასარჩევად საქართველოს იუსტიციის მინისტრის მიერ პარლამენტისთვის წარდგენილ ლილი გელაშვილის კანდიდატურასთან დაკავშირებით წარმოდგენილი საბუთები კანონით განსაზღვრულ მოთხოვნებთან შესაბამისობაშია.

ყველა სიახლე

27 ოქტომბერი 2021, 01:01

COVID19

FDA-ის მრჩეველთა ჯგუფმა Pfizer/BioNTech-ის ვაქცინის 5-11 წლის ბავშვებში გამოყენებას მხარი დაუჭირა

აშშ-ის სურსათისა და მედიკამენტების ადმინისტრაციის (FDA) მრჩეველთა ჯგუფმა კორონავირუსის საწინააღმდეგო Pfizer/BioNTech-ის ვაქცინის 5-11 წლის ბავშვებში გამოყენებას მხარი დაუჭირა.

27 ოქტომბერი 2021, 00:50

ტაბლოიდი

ინდოეთში 17 წლის მოზარდმა ცოლი გაყიდა, მიღებული თანხა კი სმარტფონსა და საჭმელზე დახარჯა

აგვისტოში წყვილი რაჯასტანში გაემგზავრა, აგურების ქარხანაში სამუშაოდ გაემგზავრა, შემდეგ კი ბიჭი სახლში მარტო დაბრუნდა და განაცხადა, რომ ცოლმა მიატოვა. მოზარდი ქალის ოჯახის განცხადების შემდეგ დააკავეს. პოლიციელებმა დაადგინეს, რომ მან ცოლი რაჯასტანის მკვიდრს 180 ათას რუპიად (დაახლოებით 7 530 ლარი) მიჰყიდა, მიღებული თანხა კი სმარტფონსა და საჭმელზე დახარჯა.

27 ოქტომბერი 2021, 00:46

COVID19

კორონავირუსის შემთხვევებისა და ჰოსპიტალიზაციის მაჩვენებლის ზრდის ფონზე, ბელგიაში შეზღუდვები კვლავ ამოქმედდება

კორონავირუსის შემთხვევებისა და ჰოსპიტალიზაციის მაჩვენებლის ზრდის ფონზე, ბელგიაში შეზღუდვები კვლავ ამოქმედდება.

27 ოქტომბერი 2021, 00:40

ტაბლოიდი

მთაში დაკარგული ამერიკელი მაშველების ზარებს არ პასუხობდა, რადგან უცხო ნომრიდან რეკავდნენ

აშშ-ში, კოლორადოს შტატში ებერტის მთაზე დაკარგული კაცი მაშველების ზარებს არ პასუხობდა, ვინაიდან ისინი უცხო ნომრიდან ურეკავდნენ. ამის შესახებ ადგილობრივი მედია წერს.

27 ოქტომბერი 2021, 00:25

ტაბლოიდი

ესპანეთში „კალმარის თამაშიდან“ კუბოების დამზადება დაიწყეს

ესპანეთში Netflix-ის გახმაურებული სერიალიდან „კალმარის თამაში“ კუბოების დამზადება დაიწყეს. ამის შესახებ გამოცემა La Tercera წერს.

გალაქტიკა М51

27 ოქტომბერი 2021, 00:09

ტექნოლოგიები

ასტრონომები ვარაუდობენ, რომ ჩვენი გალაქტიკის საზღვრებს მიღმა პირველი პლანეტა აღმოაჩინეს

გამოცემის ინფორმაციით, ამ ეტაპზე თითქმის 5 ათასი ეგზოპლანეტაა აღმოჩენილი, თუმცა ყველა მათგანი ირმის ნახტომშია. ახლა კი მეცნიერებმა, NASA-ს რენტგენული ტელესკოპის Chandra-ს მეშვეობით გალაქტიკაში М51 სატურნის ზომის პლანეტა იპოვეს. ეს გალაქტიკა ირმის ნახტომიდან დაახლოებით 28 მილიონი სინათლის წელიწადის მანძილზეა.

გურამ მაჭარაშვილი

26 ოქტომბერი 2021, 23:56

პოლიტიკა

გურამ მაჭარაშვილი: სადაც კრიმინალები არიან, იქ თუ არ უნდოდა ყოფნა სააკაშვილს, ან დანაშაულს რატომ ჩადიოდა, ან ასეთი ფორმით რატომ ჩამოდიოდა?

ახლა არის მიხეილ სააკაშვილი მესამე პრეზიდენტი, როცა პატიმარია? მესამე პრეზიდენტი არ იყო, როცა თავისი ქვეყანა შეარცხვინა და მოქალაქეობაზე უარი თქვა? მესამე პრეზიდენტი არ იყო მაშინ, როდესაც ქურდულად შემოიპარა თავის ქვეყანაში?! - ამის შესახებ საპარლამენტო უმრავლესობის წევრმა, გურამ მაჭარაშვილმა „პალიტრანიუსის“ ეთერში მიხეილ სააკაშვილთან დაკავშირებით განაცხადა.

26 ოქტომბერი 2021, 23:49

COVID19

კომპანია Moderna-ს თავმჯდომარე: კორონავირუსის საწინააღმდეგო ვაქცინის გამაძლიერებელი დოზის მიღება ყოველწლიურად შეიძლება გახდეს საჭირო

ამერიკული კომპანია Moderna-ს თავმჯდომარემ, ნუბარ აფეიანმა აღნიშნა, რომ მისი კომპანიის კორონავირუსის საწინააღმდეგო ვაქცინის გამაძლიერებელი დოზის მიღება ყოველწლიურად შეიძლება გახდეს საჭირო.

ივო სანადერი

26 ოქტომბერი 2021, 23:28

მსოფლიო

ხორვატიის ყოფილ პრემიერს ქრთამის აღების საქმეზე 6-წლიანი პატიმრობა მიესაჯა

ხორვატიის უზენაესმა სასამართლომ ქვეყნის ყოფილ პრემიერ-მინისტრს, ივო სანადერს კორუფციის საქმეზე 6-წლიანი პატიმრობა მიუსაჯა. ამის შესახებ ინფორმაციას „რადიო თავისუფლება“ ავრცელებს.

იოსებ ხახალეიშვილი

26 ოქტომბერი 2021, 23:27

რეგიონი

იოსებ ხახალეიშვილი: ქუთაისის ბიუჯეტის მნიშვნელოვანი ზრდა კიდევ უფრო მეტი პროექტის განხორციელების შესაძლებლობას მოგვცემს

„ქართული ოცნების“ ქუთაისის მერობის კანდიდატის იოსებ ხახალეიშვილის განცხადებით, ქუთაისის ბიუჯეტის მნიშვნელოვანი ზრდა, რომელიც მომავლი წლიდან იგეგმება, კიდევ უფრო მეტი ინფრასტრუქტურული, სოციალური თუ საგანმანათლებლო პროექტის განხორციელების შესაძლებლობას იძლევა.

26 ოქტომბერი 2021, 22:59

COVID19

ჯანმო: არსებული სიტუაციის ანალიზი და პროგნოზირების მოდელები იმაზე მიუთითებს, რომ პანდემია დასრულებისგან შორს არის

ჯანდაცვის მსოფლიო ორგანიზაციის საგანგებო კომიტეტის განცხადებით, Covid-19-ის კრიზისი დასრულებისგან შორს არის. 19 წევრისგან შემდგარი კომიტეტი, რომელიც სამ თვეში ერთხელ იკრიბება პანდემიის განსახილველად და რეკომენდაციების გასაკეთებლად, შემდეგი თაობის ვაქცინების გამოკვლევისა და ვირუსის გასაკონტროლებლად გრძელვადიანი ზომების მიღების მოწოდებით გამოდის.

იოსებ ხახალეიშვილი

26 ოქტომბერი 2021, 22:52

რეგიონი

იოსებ ხახალეიშვილი: ქუთაისში ახალგაზრდებს კიდევ უფრო მეტი შესაძლებლობა მიეცემათ იმისთვის, რომ საკუთარი თავის რეალიზება მოახდინონ

„ქართული ოცნების“ ქუთაისის მერობის კანდიდატის იოსებ ხახალეიშვილის განცხადებით, ქუთაისში ახალგაზრდებს კიდევ უფრო მეტი შესაძლებლობა მიეცემათ იმისთვის, რომ საკუთარი თავის რეალიზება მოახდინონ.

„ორბიტალური რიფი“

26 ოქტომბერი 2021, 22:39

ტექნოლოგიები

ჯეფ ბეზოსის კომპანია Blue Origin საკუთარი კოსმოსური სადგურის აშენებას გეგმავს

სადგურის სახელწოდება Orbital Reef („ორბიტალური რიფი“) იქნება და ის კოსმოსში ერთგვარი „ბიზნეს-პარკი“ გახდება. ანონსის მიხედვით. სადგურს დედამიწის ორბიტაზე მიმდინარე ათწლეულის მეორე ნახევარში გაუშვებენ. მისი ფართობი დაახლოებით 3 ათასი კვადრატული მეტრი იქნება და იქ ერთდროულად 10-მდე ადამიანი შეძლებს განთავსებას.

იოსებ ხახალეიშვილი

26 ოქტომბერი 2021, 22:10

რეგიონი

იოსებ ხახალეიშვილი პაატა ბურჭულაძეს: არ შეჰფერის თქვენი დონის ხელოვანს ასეთი იაფფასიანი ტრიუკები, იმიჯს ნუ შეილახავთ

„გუშინ ბრძანდებოდით თქვენ ცენტრალურ სამუსიკო სასწავლებელში და არავის არაფერი დაუშლია თქვენთვის, პირიქით, კიდევაც მიგიღეს, გიმასპინძლეს და გამოგაცილეს, როგორც ვიცი. ასე რომ, არ გინდათ ეს იაფფასიანი სიცრუე, ამ ქალაქში ყველამ ყველაფერი ვიცით და გთხოვთ, ამ ქალაქს პატივი ვცეთ, ქუთაისი ყველა სტუმრისთვის ღიაა“, - განაცხადა იოსებ ხახალეიშვილმა.

იოსებ ხახალეიშვილი

26 ოქტომბერი 2021, 22:07

პოლიტიკა

იოსებ ხახალეიშვილი: ჩემთვის არ იყო ცნობილი ამ აქციის შესახებ, მაგრამ ყველა იღებს იმას, რასაც იმსახურებს

„ქართული ოცნების“ ქუთაისის მერობის კანდიდატი იოსებ ხახალეიშვილი აცხადებს, რომ გუშინ, რუსთავის ციხესთან საქართველოს მესამე პრეზიდენტის მიხეილ სააკაშვილის წინააღმდეგ გამართული აქციის შესახებ ინფორმირებული არ იყო და არც აქციის მონაწილეებს იცნობს.

კახა კალაძე

26 ოქტომბერი 2021, 21:54

პოლიტიკა

კახა კალაძე: სიძულვილსა და ცილისწამებას ჩვენ დავუპირისპირებთ ქალაქის მშენებლობას, საქმეს და კონკრეტულ პროექტებს

ჩვენ მთელი ორი თვის განმავლობაში ვსაუბრობდით მომავალზე და განვაგრძობთ საუბარს, როგორ წარმომიდგენია ამ ქალაქის განვითარება წინსვლა და აღმშენებლობა. ვერანაირი ქაოსი, დაპირისპირება, და ბოროტება ამას წინ ვერ აღუდგება., - ამის შესახებ თბილისის მერმა, კახა კალაძემ თბილისში, განახლებული გუდიაშვილის მოედნის გახსნაზე განაცხადა.

რეჯეფ თაიფ ერდოღანი ილჰამ ალიევი

26 ოქტომბერი 2021, 21:40

მსოფლიო

ერდოღანი: თუ სომხეთი აზერბაიჯანთან ურთიერთობების ნორმალიზების გულწრფელ სურვილს გამოხატავს, თურქეთსა და სომხეთს შორის ურთიერთობების ნორმალიზებისთვის დაბრკოლება არ დარჩება

თუ სომხეთი აზერბაიჯანთან ურთიერთობების ნორმალიზების გულწრფელ სურვილს გამოხატავს, თურქეთსა და სომხეთს შორის ურთიერთობების ნორმალიზებისთვის დაბრკოლება არ დარჩება, - განაცხადა თურქეთის პრეზიდენტმა, რეჯეფ თაიფ ერდოღანმა.

კახა კალაძე

26 ოქტომბერი 2021, 21:37

საზოგადოება

კახა კალაძე: კულტურული მემკვიდრეობა ის საგანძურია, რომელიც ჩვენს შვილებს უნდა გადავცეთ

უბედნიერესი ადამიანი ვარ, როგორც ამ ქალაქის მერი, როგორც ამ ქალაქში მცხოვრები რიგითი მოქალაქე, რომ დღეს მაქვს შესაძლებლობა, კიდევ ერთი პროექტი - გუდიაშვილის განახლებული მოედანი ვაჩუქო თბილისელებს, - ამის შესახებ დედაქალქის მოქმედმა მერმა, კახა კალაძემ გუდიაშვილის განახლებული მოედნის გახსნისას განაცხადა.

კახა კალაძე

26 ოქტომბერი 2021, 21:36

საზოგადოება

კახა კალაძე: წინა ხელისუფლების დროს გუდიაშვილის მოედანი საფრთხის ქვეშ იყო და, საბედნიეროდ, გამოჩნდნენ ადამიანები, რომლებმაც მის შესანარჩუნებლად იბრძოლეს

წინა ხელისუფლების დროს გუდიაშვილის მოედანი საფრთხის ქვეშ იყო. საბედნიეროდ გამოჩნდნენ ადამიანები, რომლებმაც იბრძოლეს ამ ყველაფრის შესანარჩუნებლად. მადლიერებას გამოვხატავ მათ მიმართ. ისინი შეიძლება სხვა პოლიტიკურ პარტიებს წარმოადგენდნენ, მაგრამ მადლიერება არის მნიშვნელოვანი, - ამის შესახებ თბილისის მერმა, კახა კალაძემ თბილისში, განახლებული გუდიაშვილის მოედნის გახსნაზე განაცხადა.

მერაბ ქვარაია

26 ოქტომბერი 2021, 21:13

პოლიტიკა

მერაბ ქვარაიას განცხადებით, „ნაციონალური მოძრაობა“ ზუგდიდში დესტაბილიზაციას გეგმავს

„პირველი ტურის დასრულების შემდეგ ზუგდიდში განსაკუთრებით გააქტიურდნენ ძალოვანი უწყებების ყოფილი თანამშრომლები, განსაკუთრებით ახალაიებისა და მეგის ქარდავას ახლო მეგობრები, რომლებიც „ნაციონალური მოძრაობის“ მმართველობის დროს განსაკუთრებული სისასტიკით გამოირჩეოდნენ. ისინი მხარდამჭერების, საარჩევნო კომისიების წევრების, საარჩევნო პროცესში ჩართული ადამიანების მიმართ განსაკუთრებულ აგრესიულ დამოკიდებულებას იჩენენ. ამ ჯგუფს დათა და ბაჩო ახალაიების ახლო მეგობარი და „ნაციონალური მოძრაობის“ ერთ-ერთი ლიდერი აკო მინაშვილი ხელმძღვანელობს“, - განაცხადა ქვარაიამ.