ირაკლი კობახიძე გვარამიას განცხადებაზე: სამართლებრივი კუთხით ეს საკითხი კითხვის ნიშნებს ბადებს

ეს არის სამართლებრივი კუთხით ისეთი საკითხი, რომელიც კითხვის ნიშნებს ბადებს და ამით უნდა დაინტერესდეს შესაბამისი უწყება, - ასე გამოეხმაურა საპარლამენტო უმრავლესობის წევრი ირაკლი კობახიძე ნიკა გვარამიას განცხადებას იმის შესახებ, რომ რამზან კადიროვის დაკვეთით გიორგი გაბუნიას მკვლელობა იგეგმებოდა.

„რაც შეეხება პოლიტიკურ შეფასებას, პოლიტიკური კუთხითაც ეს ძალიან პრობლემურია, რას ნიშნავს ის, როცა შენ იცი დანაშაულის მომზადების თაობაზე და თან ამ ტიპის დანაშაულის მომზადების თაობაზე ამის შესახებ არავის ატყობინებ. ეს არის მძიმე სამართლებრივი და ასევე პოლიტიკური კუთხით“, - აღნიშნა ირაკლი კობახიძემ.

ნიკა გვარამიას ინფორმაციით, რამზან კადიროვის დაკვეთით გიორგი გაბუნიას მკვლელობა იგეგმებოდა.

15 ივნისს სუს-მა დაადასტურა, რომ შეკვეთით განზრახ მკვლელობის მომზადების ფაქტზე დაწყებული გამოძიების ფარგლებში რუსეთის მოქალაქეა დაკავებული.

16 ივნისს რამზან კადიროვმა განცხადება გააკეთა, სადაც ის უარყოფს იმას, რომ ქართველი ჟურნალისტის ლიკვიდაცია შეუკვეთა.