www.imedi /  09 ივლისი 2020, 22:24 / სანდო წყარო

კახა კალაძე: მოგიწოდებთ ყველას, ნუ შეეგუებით დეზინფორმაციას, რადგან დუმილი ასაზრდოებს ბოროტებას

კახა კალაძე

კახა კალაძე

დედაქალაქის მერი, კახა კალაძე ბოლო პერიოდში მედიით გავრცელებულ ბრალდებებს კიდევ ერთხელ პასუხობს და საზოგადოებას მოუწოდებს, დეზინფორმაციას არ შეეგუონ.

როგორც მან Facebook-ში ვიდეოჩართვისას განაცხადა, აღნიშნული ვიდეომიმართვები არ არის მიმართული რომელიმე კონკრეტული მედიასაშუალების მიმართ.

„საზოგადოებას შევახსენებ, რომ ცრუ ინფორმაციასთან ბრძოლა არის ის გზა და საშუალება, რისი გამოყენების უფლება და მეტიც, ვალდებულება გვაქვს ჩვენი მოსახლეობის წინაშე. რამდენიმე დღე ვაკვირდებოდით და განსაკუთრებულად აქტიურია სიცრუის ნაკადები იმ მიმართულებით, რომელ სფეროებშიც ან პოზიტივია მოსათხრობი, ან მნიშვნელოვანი ნაბიჯები გაქვს გადადგმული. ზოგადად, დეზინფორმაცია არა მარტო პოლიტიკური ხასიათის მატარებელია, ანუ არა მხოლოდ პოლიტიკურ, გლობალურ თემებს ეხება, არამედ ყოველდღიურობის დეტალებში, წვრილმანებშიც კი არის მიმოფანტული“, - განაცხადა თბილისის მერმა.

მისივე თქმით, დედაქალაქის მერია მიზანმიმართულ ტყუილს, რომელიც საბოლოო ჯამში, მოსახლეობას აზარალებს, არ შეეგუება.

„ტყუილით მავნებლობა წერტილოვანი დარტყმებივითაა. უფრო კარგი შედარება რომ გავაკეთო, მეტასტაზებს შევადარებდი - პატარა და დიდ თემებს ხან იქ შეეხებიან, ხან აქ, ხან მუნიციპალიტეტების დონეზე, ხან ქვეყნის, ხან რომელიმე ჩინოვნიკის, ხან პოლიტიკოსის, ხან სოციალურ და ხანაც ინფრასტრუქტურულ თემებზე მიდის კონკრეტული სიცრუის ტირაჟირება. რასაკვირველია, შეცდომა ყველას მოსდის და ამისგან დაზღვეული არავინაა. ჩვენ, რა თქმა უნდა, მივესალმებით ჯანსაღ კრიტიკას, ობიექტურობას, შეცდომებზე მითითებას, გამოსავლის გზების ძიებას, მაგრამ არ და ვერ შევურიგდებით მიზანმიმართულ ტყუილს, ე.წ. ფეიკნიუსებს, რომელიც საბოლოოდ აზარალებს ჩვენს ქალაქს, აზარალებს ჩვენს მოსახლეობას და ზოგადად, ქვეყანას“, - აღნიშნა კახა კალაძემ.

თბილისის მერის განმარტებით, ვიდეომიმართვა ხორციელდება „ფეისბუქის“ გვერდის საშუალებით, რომელიც საბიუჯეტო ხარჯებთან არ არის დაკავშირებული.

„საკმაოდ აქტიური ვარ სოციალურ ქსელში და ყოველთვის ვცდილობ, რომ სრულყოფილი ინფორმაცია მივაწოდო საზოგადოებას ყველა იმ პროექტსა და სამუშაოებზე, რომელიც ქალაქის მასშტაბით მიმდინარეობს. ასევე, არ ვერიდებით და ღიად ვსაუბრობთ იმ გამოწვევებსა და პრობლემებზე, რომელიც საკმაოდ ბევრია ქალაქში თავმოყრილი. საბედნიეროდ, სოციალური ქსელები იძლევა „ფეიკნიუსებთან“ ბრძოლის ეფექტურ საშუალებას. ჩვენ ამას ვიყენებთ და აუცილებლად გამოვიყენებთ მომავალშიც. როგორც წინა ვიდეომიმართვაში, ამჯერადაც ყოველგვარი ხმაურიანი და სკანდალური განცხადებების, შეურაცხყოფის მიყენების გარეშე, გაჩვენებთ მხოლოდ ფაქტებს, რომელიც დაუმალეს მაყურებელს და ჰქონდათ მცდელობა, საზოგადოება შეცდომაში შეეყვანათ. ვფიქრობ, სიმართლე ერთადერთია, რომელსაც შეუძლია თავისი სახელი დაარქვას ყველაფერს. კიდევ ერთხელ მოგიწოდებთ ყველას, ვინც ფიქრობთ მომავალზე, ჩვენი ქვეყნის წინსვლასა და განვითარებაზე, ხვალინდელ უკეთეს დღეზე - ნუ შეეგუებით დეზინფორმაციას, რადგან დუმილი, სიცრუე, დეზინფორმაცია, ტყუილი ასაზრდოებს ბოროტებას“, - განაცხადა კახა კალაძემ.

დედაქალაქის მერმა აქვე, ფალსიფიცირებული ინფორმაციის რამდენიმე ფაქტი წარმოადგინა და განაცხადა, რომ მედიით გავრცელებული კონკრეტული ინფორმაციები სიმართლეს არ შეესაბამება.

ყველა სიახლე

მარიუშ სტეპინი

11 აგვისტო 2020, 23:09

კულტურა

მოყვარულმა არქეოლოგმა შოტლანდიაში ბრინჯაოს ხანის არტეფაქტები იპოვა

მარიუშ სტეპინმა ნივთები ივნისში, მეგობრებთან ერთად ლითონის დეტექტორის დახმარებით აღმოაჩინა. მან ამის შესახებ პროფესიონალებს შეატყობინა, შემდეგ კი 22 დღის განმავლობაში ადგილზე მათ მუშაობას აკვირდებოდა.

11 აგვისტო 2020, 23:03

COVID19

დიდ ბრიტანეთში გასული დღე-ღამის განმავლობაში კორონავირუსის 1 148 ახალი შემთხვევა დადასტურდა

დიდი ბრიტანეთის ჯანდაცვის დეპარტამენტის მონაცემებით, ქვეყანაში გასული დღე-ღამის განმავლობაში კორონავირუსის 1 148 ახალი შემთხვევა დადასტურდა.

აქცია ბეირუთში, 8 აგვისტო

11 აგვისტო 2020, 23:01

COVID19

ლიბანში კოვიდინფიცირების რეკორდულად მაღალი დღიური მაჩვენებელი დაფიქსირდა

ლიბანში ახალი კორონავირუსით ინფიცირების რეკორდულად მაღალი მაჩვენებელი დაფიქსირდა. ერთ დღეში ვირუსი 300-ზე მეტ ადამიანს დაუდგინდა. 24 საათის განმავლობაში, ვირუსს 7 ადამიანი ემსხვერპლა. სააგენტო მაჩვენებლების მკვეთრ მატებას იმ საპროტესტო ტალღას უკავშირების, რომელიც ბეირუთში მომხდარ აფეთქებას მოჰყვა.

11 აგვისტო 2020, 22:41

სამართალი

თამარ ბაჩალიაშვილის მამის თქმით, შსს-ში გარკვეული ინფორმაცია მიიღეს

23 წლის თამარ ბაჩალიაშვილის ოჯახის წევრებმა და ადვოკატმა შინაგან საქმეთა სამინისტრო დატოვეს. როგორც თამარ ბაჩალიაშვილის მამამ შს სამინისტროს დატოვების შემდეგ მედიასთან განაცხადა, დღეს მათ გარკვეული ტიპის ინფორმაცია მიიღეს.

11 აგვისტო 2020, 22:26

COVID19

კორონავირუსზე ცრუ ინფორმაციის გავრცელებისთვის, Facebook-მა სამ თვეში 7 მილიონი პოსტი წაშალა

მიმდინარე წლის იანვრიდან, ჯანდაცვის მსოფლიო ორგანიზაციის მიერ ახალი კორონავირუსი გლობალურ საფრთხედ გამოაცხადა, სოციალურმა ქსელმა Facebook-მა, ახალი კორონავირუსის შესახებ ცრუ ინფორმაციის გავრცელებისთვის, 7 მილიონი პოსტი წაშალა.

ჯიმ რიში

11 აგვისტო 2020, 22:23

მსოფლიო

სენატორი ჯიმ რიში: ძალაუფლების მშვიდობიანი გადაცემა სასიცოცხლოდ მნიშვნელოვანია ბელარუსის მომავლისა და სუვერენიტეტისთვის

ამერიკის შეერთებული შტატების სენატის საგარეო საქმეთა კომიტეტის თავმჯდომარე, ჯიმ რიში ბელარუსში განვითარებულ მოვლენებს ეხმაურება.

11 აგვისტო 2020, 22:12

სამართალი

ფონიჭალაში საცხოვრებელი კორპუსიდან შუახნის კაცი გადმოვარდა, რომელიც ადგილზე გარდაიცვალა

ფონიჭალაში ერთ-ერთი საცხოვრებელი კორპუსიდან შუახნის კაცი გადმოვარდა, რომელიც ადგილზე გარდაიცვალა. როგორც imedinews-ს შინაგან საქმეთა სამინისტროში განუცხადეს, მომხდარზე გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.

ალექსანდრე გოგინავა

11 აგვისტო 2020, 22:09

COVID19

ალექსანდრე გოგინავა: ამ ეტაპზე მეორე ტალღაზე საუბარი ცოტა ნაადრევია

„არსებული ვითარებიდან გამომდინარე, აუცილებელია დაცული იქნას ის რეკომენდაციები, რასაც ეპიდემილოგები და ჯანდაცვის სპეციალისტები ხშირად გასცემენ. ეს არის ფიზიკური დისტანცირება, პირბადის გამოყენება დახურულ სივრცეში, ჰიგიენა და ა.შ.ასევე, ძალიან მნიშვნელოვანია, რომ თუ ადამიანს აღენიშნება გარკვეული სიმპტომები, როგორიცაა ტემპერატურის მატება, სუნთქვის გაძნელება, დროულად მიმართონ სამედიცინო დაწესებულებას და თავი შეიკავონ თავშეყრის ადგილებისგან. ამ ეტაპზე მეორე ტალღაზე საუბარი ცოტა ნაადრევია“, - განაცხადა ინფექციონისტმა.

ბექა ფერაძე

11 აგვისტო 2020, 22:03

საზოგადოება

ბექა ფერაძე: შემოწმებულია 2964 სასტუმრო და ნებართვა გაცემულია 1454-ზე

დღეის მდგომარეობით შემოწმებულია 2964 სასტუმრო და ნებართვა გაცემულია 1454-ზე, - ამის შესახებ ჯანდაცვის სამინისტროს შრომის პირობების ინსპექტირების დეპარტამენტის უფროსმა, ბექა ფერაძემ „ქრონიკას“ განუცხადა. მისი თქმით, ინსპექტირება ხორციელდება ფიტნესსა და აუზებზე, რომლებიც ასევე შრომის პირობების ინსპექციის დეპარტამენტის მიერ გაცემული დადებიტი დასკვნის საფუძველზე ახდენს ოპერირებას და ენიჭებათ მუშაობის უფლება.

11 აგვისტო 2020, 22:00

COVID19

საფრანგეთში გასული დღე-ღამის განმავლობაში კორონავირუსის 1 397 ახალი შემთხვევა დადასტურდა

საფრანგეთის ჯანდაცვის სამინისტროს მონაცემებით, ქვეყანაში გასული დღე-ღამის განმავლობაში კორონავირუსის 1 397 ახალი შემთხვევა დადასტურდა, ხოლო 15 ადამიანი კი გარდაიცვალა.

რუსეთი ვაქცინა ჯამო

11 აგვისტო 2020, 21:43

COVID19

ჯანმო: რუსეთმა ვაქცინის მასობრივ წარმოებამდე მეტი ტესტირება უნდა ჩაატაროს

„ვაქცინის ნებისმიერი მწარმოებელი ამ პროცედურებს უნდა მიჰყვეს, რათა ვაქცინის უსაფრთხოების გარანტირება შეძლოს და ჯანმოს რეკომენდაცია მიიღოს“, - აღნიშნავენ ორგანიზაციაში.

11 აგვისტო 2020, 21:41

სამართალი

5-დღიანი ძებნის შემდეგ, კახეთში დაკარგული 70 წლის კაცი გარდაცვლილი იპოვეს

კახეთის რეგიონში, გარდაცვლილი იპოვეს 70 წლის კაცი, რომელსაც 5 დღე ეძებდნენ. თელავის მუნიციპალიტეტის სოფელ ვანთაში მცხოვრები მერაბ ამბროსიძე სახლიდან 6 აგვისტოს, დილით გავიდა და მას შემდეგ მისი კვალი დაიკარგა.

ჟოზეპ ბორელი

11 აგვისტო 2020, 21:36

მსოფლიო

ევროკავშირი ბელარუსში ძალადობაზე პასუხისმგებელი პირებისათვის სანქციების დაწესების შესაძლებლობას შეისწავლის

ევროკავშირი მიიჩნევს, რომ ბელარუსში ჩატარებული არჩევნები თავისუფალი და სამართლიანი არ იყო. ამის შესახებ უსაფრთხოებისა და საგარეო პოლიტიკის საკითხებში ევროკავშირის უმაღლესმა წარმომადგენელმა, ჟოზეპ ბორელმა განაცხადა.

ამირან გამყრელიძე

11 აგვისტო 2020, 21:22

COVID19

ამირან გამყრელიძე: მოვუწოდებ მოსახლეობას, დავიცვათ ის რეკომენდაციები, რასაც სახელმწიფო და ჯანდაცვის სექტორი იძლევა

სიტუაცია ქვეყანაში არის მართვადი, მაგრამ მეორე მხრივ, უნდა მოვუწოდო მოსახლეობას, დაიცვან ის რეკომენდაციები, რაც აუცილებელია, - ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ მესტიის მუნიციპალიტეტში, ჟურნალისტებთან განაცხადა. მისი თქმით, აუცილებელია დახურულ სივრცეებში პირბადის ტარება, დისტანციის დაცვა და ხელების ხშირი დამუშავება.

11 აგვისტო 2020, 21:18

საზოგადოება

გიორგი დონაძე: დღეს ქართულ კულტურას უპრეცედენტო მხარდაჭერა აქვს და ეს ,,ქართუსა“ და ბიძინა ივანიშვილის დამსახურებაა

„დღეს უპრეცედენტო მხარდაჭერა აქვს ქართული კულტურას და ეს არის ,,ქართუსა’’ და ბიძინა ივანიშვილის დამსახურება“ - ამ სიტყვებით გახსნა ფოლკლორის სახელმწიფო ცენტრის დირექტორმა გიორგი დონაძემ ანზორ ერქომაიშვილის 80 წლის იუბილე, რომელიც ოზურგეთის დრამატული თეატრის თაღებში გაიმართა.

გიტანას ნაუსედა

11 აგვისტო 2020, 21:16

მსოფლიო

ლიეტუვას პრეზიდენტი აცხადებს, რომ ევროკავშირმა ბელარუსში შექმნილ სიტუაციასთან დაკავშირებით საგანგებო სამიტი უნდა გამართოს

ლიეტუვას პრეზიდენტმა, გიტანას ნაუსედამ განაცხადა, რომ ევროკავშირმა ბელარუსში შექმნილ სიტუაციასთან დაკავშირებით საგანგებო სამიტი უნდა გამართოს.

11 აგვისტო 2020, 21:14

COVID19

ოკუპირებულ აფხაზეთში კორონავირუსით კიდევ 5 ადამიანი დაინფიცირდა

ოკუპირებულ აფხაზეთში კორონავირუსით კიდევ 5 ადამიანი დაინფიცირდა, დაავადებულთა საერთო რაოდენობა კი 148 გახდა. კვლევა 111 ადამიანს ჩაუტარდა, საიდანაც 5 პირს ვირუსი აღმოაჩნდა. აფხაზეთში კორონავირუსისგან 50 გამოჯანმრთელდა, სამი პაციენტი კი გარდაიცვალა.

ირაკლი ქადაგიშვილი

11 აგვისტო 2020, 21:08

პოლიტიკა

ირაკლი ქადაგიშვილი: ვფიქრობ, რომ „ქართულ ოცნებას“ გვაქვს უფლება ვთქვათ - ჩვენ ვართ ხელისუფლება, ვინც კონკრეტული ნაბიჯები გადავდგით იმისათვის, რომ ილიას ანდერძი ცხოვრებაში გავატაროთ

სწორედ ასეთ ადამიანებს შეუძლიათ, რომ ის ხიდები აღვადგინოთ, რომელიც ჩატეხილია ამ ომების მიერ ჩვენს მოძმე ოს და აფხაზ ხალხთან და სწორედ ასეთი ერთობით დარწმუნებული ვარ, ილიას სამშობლოდან დაწყებული მშენებლობა მივა ენგურზე, გადავა ფსოუზე, მივა ყველგან, სადაც კი ილიას საქართველოსთვის ლექსი უთქვამს და უგალობებია. ამიტომ მე ღრმად ვარ დარწმუნებული რომ ჩვენ ერთად, საქართველოს წარმატებისთვის გავერთიანდებით და გამარჯვებას მივაღწევთ“, - განაცხადა ქადაგიშვილმა.

11 აგვისტო 2020, 21:01

COVID19

დღე-ღამეში სომხეთში კორონავირუსის 160 ახალი შემთხვევა დაფიქსირდა და 7 ინფიცირებული გარდაიცვალა

ბოლო 24 საათის განმავლობაში სომხეთში ახალი კორონავირუსით ინფიცირების კიდევ 160 შემთხვევა გამოვლინდა, 7 ადამიანი კი ვირუსს ემსხვერპლა. ქვეყანაში კოვიდინფიცირების 40 593 შემთხვევაა დადასტურებული, გარდაიცვალა 1 037 ადამიანი, 33 157-მა კი ვირუსის დამარცხება შეძლო.

11 აგვისტო 2020, 21:00

COVID19

ამირან გამყრელიძე თქმით, ისახება გეგმა, რათა სწრაფად მოხდეს ყაზბეგში ეპიდაფეთქების ლოკალიზება

„დღეს, ასევე გარკვეულად ერთი კლასტერი ყალიბდება, რომელიც დაკავშირებულია ლარსის საბაჟოსთან, - ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ მესტიის მუნიციპალიტეტში, ჟურნალისტებთან განაცხადა. მისი თქმით, დაავადებათა კონტროლის ეროვნული ცენტრის გადამდებ დაავადებათა დეპარტამენტის უფროსის, ხათუნა ზახაშვილის ხელმძღვანელობით აქტიურად მიმდინარეობს ლარსის საბაჟოსთან დაკავშირებული კლასტერის კონტაქტების მოკვლევა.