გოჩა ენუქიძე: მთიან რეგიონებზე ზრუნვა „ქართული ოცნების“ ხელისუფლების პრიორიტეტია

ჩემო სვანებო, მადლობა უამრავი კეთილი საქმისთვის, რომელიც ჩვენი რეგიონის სიყვარულით წლების განმავლობაში ერთად ვაკეთეთ, - ამის შესახებ „ქართული ოცნების“ ამბროლაურის, ონის, ცაგერის, მესტიისა და ლენტეხის მაჟორიტარი დეპუტატობის კანდიდატმა, გოჩა ენუქიძემ მესტიაში სიტყვით გამოსვლისას.

მისი თქმით, მრავალი სიკეთე და შეღავათი მოუტანა მთის მოსახლეობას.

„მინდა მადლობა გადავუხადო „ქართული ოცნების გუნდს, რომელმაც წარმადგინა მესტიის, ლენტეხის, ცაგერის, ამბროლაურისა და ონის მაჟორიტარ კანდიდატად. ჩემთვის პატივია ისევ ვიდგე თქვენ წინაშე და გარწმუნებთ, რომ ამ გამოწვევას ღირსეულად ვუპასუხებ. ჩემს გუნდთან ერთად ვზრუნავდი რეგიონში პრობლემების გადაჭრაზე. ახლაც აქ ვდგავარ, თქვენს წინაშე განწყობით, რომ ერთად შევცვლით მომავალს. მინდა აღვნიშნო, რომ მთიან რეგიონებზე ზრუნვა „ქართული ოცნების“ ხელისუფლების პრიორიტეტია. მე მაქსიმალურად ვიზრუნებ, რომ მესტიაში მასშტაბური ინფრასტრუქტურული პროექტები გაგრძელდეს. რაც კიდევ უფრო გაზრდის ტურისტულ პოტენციალს. ჩვენ უნდა მოვაწესრიგოთ მიწის საკუთრებისა და რეგისტრაციის პროცესი. კიდევ უფრო მეტი ყურადღება მივაქციოთ კულტურული ძეგლების დაცვასა და რეაბილიტაციას. ჩვენთვის მთავარი მიზანი მაღალმთიანი რეგიონების მხარდაჭერაა. სწორედ ამას ემსახურება მთის კანონი, რომლის ერთ-ერთი ავტორი თავად ვარ. კანონის, რომელმაც მრავალი სიკეთე და შეღავათი მოუტანა მთის მოსახლეობას. ჩვენი მხარის მთავარ გამოწვევად რჩება მიგრაციული პროცესები, რომლის შეჩერება შესაძლებელია ეკონომიკური საქმიანობით, სამეწარმეო გარემოს გაჯანსაღებითა და მოსახლეობის ეკონომიკური მდგომარეობის გაუმჯობესებით.

მესტიისთვის უდიდესი მნიშვნელობა აქვს ზემო და ქვემო სვანეთის გზის მშენებლობას, რომელიც დააკავშირებს ორ მუნიციპალიტეტს და კიდევ უფრო მეტად გაზრდის მათ შორის ტურისტულ პოტენციალს. მესტიის მუნიციპალიტეტის სოფლებში მიმდინარეობს, სასმელი წყლის, გზების ინფრასტრუქტურის მშენებლობის პროცესი. ჩვენი ხელისუფლება წლებია ახორციელებს მნიშვნელოვან საგრანტო- სამეწარმეო პროგრამებს, რომლის დახმარებითაც სვანეთში არაერთი წარმატებული ბიზნესი შეიქმნა. გაჩნდა მრავალი სამუშაო ადგილი. მესტიის განვითარებისთვის საჭიროა საგრანტო პროგრამების გამარტივება. ჩემ გუნდთან ერთად ბევრ კარგ, კეთილ საქმეს გავაკეთებ თქვენთვის, ჩვენი რეგიონისა და ჩვენი ქვეყნის წარმატებისთვის“, - განაცხადა გოჩა ენუქიძემ.