imedi /  29 ოქტომბერი 2020, 21:26 / სანდო წყარო

გიორგი გახარია: ჩვენ გვაქვს მკაფიო გეგმა, შემდეგი 4 წლის განმავლობაში გავაგრძელოთ ჩვენი ქვეყნის აღმშენებლობა და არც ერთ შემთხვევაში არ დავბრუნდეთ წარსულში

გიორგი გახარია

გიორგი გახარია

ჩვენი თანმიმდევრული გეგმა მომავალი 4 წლის განმავლობაში, როგოც ყოველთვის იქნება კონცენტრირებული იმ ძირითად ფასეულობებზე, რომელსაც ყოველთვის ატარებდა „ქართული ოცნება“, რა თქმა უნდა, ეს არის ადამიანი, - ამის შესახებ საქართველოს პრემიერ-მინისტრმა გიორგი გახარიამ, ვაკის მაჟორიტარი დეპუტატობის კანდიდატის, ნოდარ ტურძელაძის წარდგენისას განაცხადა.

როგორც პრემიერ-მინისტრმა აღნიშნა, ყველაფერი უნდა გაკეთდეს იმისთვის, რომ საქართველოს მასშტაბით მოქალაქეებს ჰქონდეთ ცხოვრების თანაბარი პირობები.

„კახი ხშირად ამბობს ხოლმე თბილისის წარდგენების დროს, რომ თბილისში გამორჩეული უბნები და რაიონები არ არსებობს. მართლაც ასეა, თბილისში ყველა უბანი სხვადასხვანაირად გამორჩეულია, თუმცა ვაკე გამორჩეულთა შორის გამორჩეულია და ძირითადად, იმ მიზეზის გამო, რომ ეს უბანი შეიქმნა თბილისის და საქართველოს ძირითადი საგანმანათლებლო ცენტრის - თბილისის სახელმწიფო უნივერსიტეტის ირგვლივ და ამან თავისი დაღი დაასვა აქაურობას. ჩვენ როდესაც ვსაუბრობთ იმ პროექტებზე, რომელსაც მერია ახორციელებს თბილისში, ჭავჭავაძის გამზირზე, მე ჩემი მხრიდან უნდა ვთქვა, რომ საქართველოში არ უნდა არსებობდეს დიდი სხვაობა ქალაქებს შორის. ჩვენ ყველაფერი უნდა გავაკეთოთ იმისთვის, რომ საქართველოს მასშტაბით ჩვენს მოქალაქეებს შევუქმნათ თანაბარი პირობები - იცხოვრონ, იშრომონ და განვითარდნენ იქ, სადაც იბადებიან და სადაც ცხოვრობენ, ამას დიდი მნიშვნელობა აქვს განსაკუთრებით ახალგაზრდებისთვის“, - განაცხადა გიორგი გახარიამ.

პრემიერ-მინისტრმა ინფრასტრუქტურული პროექტების მიმართულებით მმართველი გუნდის სამომავლო გეგმებზე ისაუბრა და აღნიშნა, რომ საქართველოს მთავრობა მომავალი 4 წლის განმავლობაში ქვეყნის სისტემურ ინფრასტრუქტურაში განახორციელებს მინიმუმ 20 მილიარდი ლარის ინვესტირებას.

„საქართველოს მთავრობა მომავალი 4 წლის განმავლობაში ქვეყნის სისტემურ ინფრასტრუქტურაში განახორციელებს მინიმუმ 20 მილიარდი ლარის ინვესტირებას. ეს იქნება ინვესტიციები ჩვენს გზებში, სკოლებში, საგანმანათლებლო დაწესებულებებში, სპორტულ არენებში. ეს იქნება ის, რამაც ჩვენი ქვეყანა უნდა დაამსგავსოს საუკეთესო ევროპულ ქვეყნებს და ქალაქებს. მერწმუნეთ, რომ ეს ოთხი წელი იქნება ლოგიკური გაგრძელება იმ ორი ოთხი წლის, რომელიც ჩვენ აქამდე გამოვიარეთ და ეს 4 წელი მოგვცემს ჩვენ შესაძლებლობას, აბსოლუტურად დასაბუთებულად გავაკეთოთ განაცხადი სრულფასოვან წევრობაზე ევროპის დიდ ოჯახში. ჩვენ ყველა უნდა ვაცნობიერებდეთ, რომ ამ მიზნის მისაღწევად თითოეულ ჩვენგანს მოგვიწევს შრომა ჩვენს ადგილზე იმისთვის, რომ ავასრულოთ ჩვენი დიდი წინაპრების დიდი ოცნება და ჩვენ ამის შესაძლებლობა დღეს გვაქვს“, - განაცხადა გიორგი გახარიამ.

პრემიერ-მინისტრმა ისაუბრა პანდემიით გამოწვეულ სირთულეებზე და აღნიშნა, რომ მიუხედავად იმისა, რომ საკმაოდ სერიოზული, გლობალური ეკონომიკური კრიზისია, მაგრამ შესაძლებელია, რომ ეს გამოწვევა საქართველოსთვის იქცეს შესაძლებლობად.

„მიუხედავად იმისა, რომ განსაკუთრებულ გარემოში გვიწევს ამ კამპანიის ჩატარება - ნიღბებით დისტანციით, ყველას კარგად გვესმის, რომ საკმაოდ სერიოზული, გლობალური ეკონომიკური კრიზისია, მაგრამ ჩვენ შეგვიძლია ეს გამოწვევა ჩვენი ქვეყნისთვის ვაქციოთ შესაძლებლობად. შეგვიძლია, გავიაროთ ვირუსის მეორე ტალღა ზუსტად ისე წარმატებით, როგორც გადავიარეთ პირველი და ეს ყველაფერი უნდა იყოს ჩვენი საერთო მიღწევა, ჩვენ პატივი უნდა ვცეთ ერთმანეთს, უნდა გავუფრთხილდეთ ერთმანეთს და როცა ნიღაბს ვატარებთ, ამას არ ვაკეთებთ ჩვენი თავისთვის, არამედ ვაკეთებთ ჩვენი მეზობლისთვის, ახლობლისთვის, ჩვენი ხანდაზმული ადამიანებისთვის, რაც არის ძალზედ მნიშვნელოვანი და არის ჩვენი პასუხისმგებლობა ჩვენი მოქალაქეების წინაშე“, - განაცხადა გორგი გახარიამ.

პრემიერ-მინისტრის თქმით, მმართველი გუნდის თანმიმდევრული გეგმა მომავალი 4 წლის განმავლობაში, იქნება კონცენტრირებული იმ ძირითად ფასეულობებზე, რომელსაც ყოველთვის ატარებდა „ქართული ოცნება“.

„მინდა იცოდეთ, რომ ჩვენი თანმიმდევრული გეგმა მომავალი 4 წლის განმავლობაში, როგოც ყოველთვის იქნება კონცენტრირებული იმ ძირითად ფასეულობებზე, რომელსაც ყოველთვის ატარებდა „ქართული ოცნება“, რა თქმა უნდა, ეს არის ადამიანი, ყველაზე მოწყვლადი ჯგუფები, ვისაც პირველ რიგში, სჭირდება დახმარება, რა თქმა უნდა, ჩვენი ხანდაზმულები და მათი საპენსიო უზრუნველყოფა. ჩვენ გავაკეთეთ ის, რომ აღარ და ვეღარ იქნება პოლიტიკური სპეკულაციების საგანი, თუ როდის გაიზრდება პენსია ჩვენი ხანდაზმულების, ჩვენი ღვაწლმოსილი მოხუცებისთვის. ვერასოდეს ვერავინ იტყვის, რომ ჩვენი საგანმანათლებლო სისტემა არის ჩამორჩენილი, იმიტომ რომ ჩვენ დავიწყეთ სისტემური რეფორმა განათლების სამინისტროსა და საგანმანათლებლო სისტემაში, ისევე როგორც, ჩვენ დავიწყეთ და საყოველთაო ჯანდაცვა, დღეს, როგორც შედეგი გვაქვს, როგორც ეფექტურად ფუნქციონირებადი ჯანდაცვის სისტემა. ჩვენ არ მოვაკლებთ ყურადღებას და ვერავინ დაგვძრახავს იმაში, რომ ყოველთვის ვიტყვით - შესაბამისად უნდა გავუზარდოთ ხელფასი ჩვენს მასწავლებლებს, მედიკოსებს, პოლიციელებს, ჯარისკაცებს, ეს ის ხალხია, ვისზეც ჩვენი ქვეყანა დგას, ეს ის ხალია, ვინც ამ პანდემიის პირობებში ჩვენს ჯანმრთელობას იცავს და, რა თქმა უნდა, ჩვენ მათ მადლობა უნდა გადავუხადოთ”, - განაცხადა გიორგი გახარიამ.

პრემიერ - მინისტრის თქმით, ქართველებს სჩვევია დიდ ბრძოლებში და დიდი გამოწვევების დროს გაერთიანება და ახლა ასეთი გაერთიანების დროა.

„ჩვენ გვჩვევია ასე, დიდ ბრძოლებში და დიდი გამოწვევების დროს ვერთიანდებით და ახლა ასეთი გაერთიანების დროა. რა თქმა უნდა, შეიძლება ჩატარდეს ისეთი რაღაც ღონისძიებები, ღიმილისმომგვრელი, რომელიც დღეს თბილისში ჩატარდა, მაგრამ ჩვენ ამაზე არც უნდა ავღელდეთ. ჩვენ გვაქვს დიდი მისია, დიდი მიზანი და ჩვენ გვაქვს აბსოლუტურად მკაფიო გეგმა - შემდეგი 4 წლის განმავლობაში გავაგრძელოთ ჩვენი ქვეყნის აღმშენებლობა და არც ერთ შემთხვევაში არ დავბრუნდეთ წარსულში. ამიტომ, დარწმუნებული ვარ, რომ 31 ოქტომბერს, ჩვენ, ყველანი ერთად, სამართლიან ბრძოლაში ღირსეულად გავიმარჯვებთ. გამარჯვებას გისურვებთ!“, - განაცხადა გიორგი გახარიამ.

ყველა სიახლე

25 ნოემბერი 2020, 01:20

COVID19

ჯანმო: გასული კვირის განმავლობაში, მსოფლიოში კორონავირუსის 4 მილიონზე მეტი შემთხვევა დადასტურდა

ჯანდაცვის მსოფლიო ორგანიზაციის მონაცემებით, გასული კვირის განმავლობაში, მსოფლიოში კორონავირუსის 4 მილიონზე მეტი შემთხვევა დადასტურდა, რაც პანდემიის დაწყებიდან ყველაზე მაღალი მაჩვენებელია.

დონალდ ტრამპი და მელანია ტრამპი

25 ნოემბერი 2020, 00:59

მსოფლიო

დონალდ ტრამპმა მადლიერების დღისთვის ორი ინდაური შეიწყალა. ვიდეო

აშშ-ის პრეზიდენტმა, დონალდ ტრამპმა მადლიერების დღისთვის ორი ინდაური შეიწყალა. ინდაურების შეწყალების ტრადიციული ცერემონია თეთრი სახლის ეზოში გაიმართა.

ალან რიკმანი

25 ნოემბერი 2020, 00:52

კულტურა

ალან რიკმანის დღიურები წიგნის სახით გამოიცემა

დღიურებში რიკმანი სამსახიობო ოსტატობაზე, მეგობრობაზე და პოლიტიკაზე წერდა; ყვებოდა სპექტაკლებზე, რომლებშიც მონაწილეობდა და „ჰარი პოტერის“ გადასაღებ მოედანზე მომხდარ ისტორიებს აღწერდა.

კამალა ჰარისი

25 ნოემბერი 2020, 00:47

მსოფლიო

კამალა ჰარისი: აშშ-ს ეროვნული უსაფრთხოებისა და საგარეო პოლიტიკის ინსტიტუტების გაძლიერება მოუწევს

აშშ-ის არჩეულმა ვიცე-პრეზიდენტმა, კამალა ჰარისმა განაცხადა, რომ აშშ-ს ეროვნული უსაფრთხოებისა და საგარეო პოლიტიკის ინსტიტუტების გაძლიერება მოუწევს.

 გია კვარაცხელია

25 ნოემბერი 2020, 00:45

ეკონომიკა

გია კვარაცხელია: საპოვნელი გვაქვს ოქროს შუალედი, რომელიც არც ბიზნესს, არც ეკონომიკასა და არც ადამიანების ჯანმრთელობას არ დააზიანებს

საპოვნელი გვაქვს ოქროს შუალედი, რომელიც არც ბიზნესს, არც ეკონომიკასა და არც ადამიანების ჯანმრთელობას არ დააზიანებს, - ამის შესახებ „ლილო მოლის" გენერალურმა დირექტორმა, გია კვარაცხელიამ „იმედის“ გადაცემაში „არენა" ჩართვისას განაცხადა.

იუტა ობელისკი

25 ნოემბერი 2020, 00:43

ტაბლოიდი

იუტას უდაბნოში ლითონის უცნაური ობელისკი იპოვეს

ობიექტი საჯარო უსაფრთხოების დეპარტამენტის თანამშრომლებმა ვერტმფრენიდან შეამჩნიეს. ობელისკი ძალიან ჰგავს სტენლი კუბრიკის ფილმში „2001 წლის კოსმოსური ოდისეა“ წარმოდგენილ მონუმენტს. ოფიციალური პირები ვარაუდებონ, რომ შესაძლოა ობიექტი სწორედ ამ სურათის მოყვარულებმა ან ჯერჯერობით უცნობმა არტისტებმა დაამონტაჟეს. თუმცა ამ დროისთვის ობიექტის წარმომავლობა და მისი უდაბნოში დამონტაჟების მიზეზი უცნობია.

გიორგი ამილახვარი

25 ნოემბერი 2020, 00:41

პოლიტიკა

გიორგი ამილახვარი: ქართველი ხალხის ნების რევიზია ვერ მოხდება, ვინაიდან არჩევნების ლეგიტიმაციის საკითხი არ დგას

„ქართული ოცნება“ მზადაა განიხილოს ყველა საკითხი, მათ შორის ის რეკომენდაციები და ხარვეზები, რაც დასკვნებშია ასახული არჩევნებთან დაკავშირებით, - ამის შესახებ „ქართული ოცნების“ პარტიული სიის წევრმა, გიორგი ამილახვარმა განაცხადა.

ზაზა წერეთელი

25 ნოემბერი 2020, 00:27

COVID19

ზაზა წერეთელი: აუცილებელია იმ შეზღუდვების გამკაცრება, რომელიც ამ დროისთვის საქართველოში მოქმედებს

„ეს ის პერიოდია, როდესაც ადამიანების მობილობა ძალიან იზრდება და ყველა ქვეყანა მოუწოდებს მოსახლეობას, რომ ყველამ მაქსიმალურად თავი შეიკავოს ამ დღესასწაულების ფართო აღნიშვნისგან. უნდა გადაიდგას ნაბიჯები, იმისათვის, რომ ვირუსის გავრცელების ნაკლები შესაძლებლობა იყოს. ეს ნიშნავს, რომ არ მოხდეს ადამიანების თავშეყრა დახურულ სივრცეში, ადამიანებს ეკეთოთ პირბადე. ვფიქრობ, რომ ის ნაბიჯები, რომელზეც არის საუბარი, რაც გულისხმობს ადამიანებს შორის კონტაქტის შემცირებას, მასობრივი თავშეყრების შემცირებას, არის ძალიან მნიშვნელოვანი“, - განაცხადა ზაზა წერეთელმა.

ზურაბ გურული

25 ნოემბერი 2020, 00:25

COVID19

ზურაბ გურული: მივექანებით მწვავე პიკისაკენ და ამ პიკს ჯანდაცვის სექტორი ვერ გაუძლებს

რეალობა არის ის, რომ სიტუაცია ძალიან მძიმეა, მივექანებით მწვავე პიკისაკენ და ამ პიკს ჯანდაცვის სექტორი ვერ გაუძლებს, - ამის შესახებ მისისიპის უნივერსიტეტის პროფესორმა, აშშ-ში მოღვაწე ქართველმა ექიმმა ზურაბ გურულმა საქართველოს პრემიერ-მინისტრისა და ჯანდაცვის სფეროს ექსპერტების დღევანდელი შეხვედრის შემდეგ განაცხადა.

თამარ გაბუნია

25 ნოემბერი 2020, 00:22

COVID19

თამარ გაბუნიას თქმით, საქართველო კორონავირუსის საწინააღმდეგო ვაქცინის მისაღებად აქტიურად ემზადება

„ჩვენთვის ოპტიმისტური სცენარი ვაქცინის მიღებისა არის გაზაფხული, როცა ვაქცინები გაივლის საბოლოო ეტაპს და მოხდება მათი ავტორიზაცია და ქვეყნებისთვის მიწოდება. რა თქმა უნდა, ველოდებით ამ ყველაფერს, მაგრამ ველოდებით არა პასიურად, არამედ აქტიურად, მოსამზადებელი სამუშაოები ტარდება და უკვე დონორი ორგანიზაციების გვეხმარებიან იმაში, რომ ქვეყანამ შეაფასოს მისი მზაობა“, - განაცხადა გაბუნიამ.

25 ნოემბერი 2020, 00:20

პოლიტიკა

საგარეო საქმეთა სამინისტრო: მოვუწოდებთ რუსეთის ფედერაციას, შეწყვიტოს საქართველოს ოკუპირებული ტერიტორიების ფაქტობრივი ანექსიისაკენ მიმართული უკანონო ნაბიჯები

მოვუწოდებთ რუსეთის ფედერაციას, შეწყვიტოს დესტრუქციული მოქმედებები და საქართველოს ოკუპირებული ტერიტორიების ფაქტობრივი ანექსიისაკენ მიმართული უკანონო ნაბიჯები, - ამის შესახებ ნათქვამია საქართველოს საგარეო საქმეთა სამინისტროს მიერ გავრცელებულ განცხადებაში.

თამარ გაბუნია

25 ნოემბერი 2020, 00:19

COVID19

თამარ გაბუნია სთხოვს მოსახლეობას, ნუ შეეცდებიან თავიანთი გზებით საავადმყოფოში მოხვედრას

გვინდა მოსახლეობას ვთხოვოთ, რომ ნუ შეეცდებიან თავიანთი გზებით საავადმყოფოში მოხვედრას და დაელოდონ ექიმის გადაწყვეტილებას. ყველას შეიძლება ჰყავდეს ნაცნობი ექიმი და ადამიანი უფრო მშვიდად გრძნობს თავს, თუ საავადმყოფოში იქნება, და ვერც ეს ექიმი ეუბნება უარს, მაგრამ ასე ჩვენ ვიკავებთ ადგილს, რომელიც უფრო მძიმე პაციენტს სჭირდება. ამიტომ რაღაც პერიოდი დაგვჭირდება, რათა ნაკადები უფრო ეფექტურად იყოს მართული, - ამის შესახებ ტელეკომპანია „იმედის“ გადაცემაში „არენა“ ჯანდაცვის მინისტრის მოადგილემ, თამარ გაბუნიამ განაცხადა.

თამარ გაბუნია

25 ნოემბერი 2020, 00:11

COVID19

თამარ გაბუნია: ნებისმიერ შემთხვევაში პაციენტი ოჯახის ექიმს უნდა დაუკავშირდეს, თვითმკურნალობა დაუშვებელია

ნებისმიერ შემთხვევაში პაციენტი ოჯახის ექიმზე უნდა გავიდეს. თვითმკურნალობა არცერთ შემთხვევაში გამართლებული არ არის, - ამის შესახებ ჯანდაცვის მინისტრის მოადგილემ, თამარ გაბუნიამ „იმედის“ გადაცემაში „არენა“ განაცხადა.

დიმიტრი ხუნდაძე

25 ნოემბერი 2020, 00:11

პოლიტიკა

დიმიტრი ხუნდაძე: ულტიმატუმების ფონზე შეთანხმება ძალიან მძიმე მისაღწევია

„ულტიმატუმების ფონზე შეთანხმება ძალიან მძიმე მისაღწევია, მით უმეტეს, როცა ულტიმატუმი არის იმდგავარი, რომ პრაქტიკულად მმართველმა გუნდმა უარი უნდა თქვას საკუთარი ამომრჩევლის გადაწყვეტილებაზე, რაც არათუ არასწორი იქნება, ეს არის დაუშვებელი. აი მაშინ იქნება სწორედ შეცდომა უმრავლესობის მხრიდან დაშვებული, რომელიც საკუთარი საზოგადოების გაღებულ ხმას არ დაიცავს და ქვეყანაში ბიძგს მისცემს უსაფუძვლო, გაუთავებელ არჩევნებს“, - განაცხადა ხუნდაძემ.

დიმიტრი ხუნდაძე

25 ნოემბერი 2020, 00:01

COVID19

დიმიტრი ხუნდაძე: შეზღუდვების გამკაცრება გარდაუვალია, გადაწყვეტილება ალბათ ხვალ იქნება მიღებული

ამ ვითარებაში შეზღუდვების გამკაცრება გარდაუვალია. გადაწყვეტილება ალბათ ხვალ იქნება მიღებული და ეკონომიკური გუნდი, ეპიდემიოლოგები და მთავრობა - ყველა ერთად მივიღებთ გადაწყვეტილებას შეზღუდვებთან დაკავშირებით, - ამის შესახებ ტელეკომპანია „იმედის“ გადაცემაში „არენა“ ჯანდაცვისა და სოციალურ საკითხთა კომიტეტის თავმჯდომარემ, დიმიტრი ხუნდაძემ განაცხადა.

დიმიტრი ხუნდაძე

24 ნოემბერი 2020, 23:59

COVID19

დიმიტრი ხუნდაძე კორონავირუსის შემთხვევების მატებაზე: რა თქმა უნდა, ფეთქებადი ბიძგი მისცა ქუჩაში ოპოზიციის მიერ მოწყობილმა აურზაურმა

„რა თქმა უნდა, ფეთქებადი ბიძგი მისცა ქუჩაში ოპოზიციის მიერ მოწყობილმა აურზაურმა. წარმოიდგინეთ, მთელი მსოფლიო ემზადება შესაძლო მეორე ტალღისთვის, დარგის სპეციალისტები, ჯანდაცვის მსოფლიო ორგანიზაცია მოგვიწოდებს, რომ მთავარი იარაღი გამოვიყენოთ - ფიზიკური დისტანცირება და პირბადე, რომ არ გავრცელდეს ინფექცია და პრაქტიკულად ოპოზიციამ ეს იარაღი აყარა პირველ რიგში საკუთარ მომხრეებს და რისკის ქვეშ დააყენა მათი ჯანმრთელობა და სწორედ ეს ნაწილი გახლდათ დანარჩენი საზოგადოებისთვის საფრთხე“, - განაცხადა ხუნდაძემ.

ემანუელ მაკრონი

24 ნოემბერი 2020, 23:58

COVID19

ემანუელ მაკრონი: საფრანგეთში კარანტინის რეჟიმი, შესაძლოა, 15 დეკემბერს გაუქმდეს

საფრანგეთის პრეზიდენტმა, ემანუელ მაკრონმა განაცხადა, რომ ქვეყანაში კარანტინის რეჟიმი, შესაძლოა, 15 დეკემბერს გაუქმდეს.

ნიკოლოზ სამხარაძე

24 ნოემბერი 2020, 23:52

პოლიტიკა

ნიკოლოზ სამხარაძის თქმით, მმართველი გუნდი ოპოზიციას საარჩევნო რეფორმასთან დაკავშირებულ წინადადებას წარუდგენს

„ქართული ოცნების“ პარტიული სიის წევრი, ნიკოლოზ სამხარაძე აცხადებს, რომ მოლაპარაკებების მესამე რაუნდზე მმართველი გუნდი ოპოზიციას საარჩევნო რეფორმასთან დაკავშირებულ წინადადებას წარუდგენს.

ბიძინა კულუმბეგოვი

24 ნოემბერი 2020, 23:51

COVID19

ბიძინა კულუმბეგოვი: ეპიდემიას ამ დონეზე ვერ დავტოვებთ, ჩვენ მასზე უნდა ვიმოქმედოთ

ერთი მთავარი კონსენსუსი, რაც რეალურად არის მიღწეული, გახლავთ ის, რომ ჩვენ ყველაფერი უნდა გავაკეთოთ იმისთვის, რომ ეკონომიკური გავლენა იყოს მინიმალური საზოგადოებაზე, ზოგადად ქვეყანაზე, - ამის შესახებ იმუნოლოგ-ალერგოლოგმა ბიძინა კულუმბეგოვმა, საქართველოს პრემიერ-მინისტრ გიორგი გახარიასა და ჯანდაცვის სფეროს ექსპერტებთან შეხვედრის შემდეგ განაცხადა.

დიმიტრი ხუნდაძე

24 ნოემბერი 2020, 23:45

COVID19

დიმიტრი ხუნდაძე: პიკური ფაზა დაიწყება დეკემბრის პირველ კვირაში და შესაძლოა 2-3 კვირა გაგრძელდეს

ხელისუფლება რომ არ მომზადებულიყო, სიტუაცია ბევრად მძიმე იქნებოდა. დღეს 12 000 ტესტზე მეტი კეთდება დღეში, კლინიცისტებს უფრო მეტი გამოცდილება აქვთ, 60 კლინიკაზე მეტი გადამზადდა ამ მიზნით და ეს პროცესი უფრო კარგად იმართება, მაგრამ ჯანდაცვის სექტორსაც აქვს თავისი შესაძლებლობების ზედა ზღვარი და თუ წესებს არ დავიცავთ, შესაძლოა სისტემამ ამას ვერ გაუძლოს, - ამის შესახებ ტელეკომპანია „იმედის“ გადაცემაში „არენა“ ჯანდაცვისა და სოციალურ საკითხთა კომიტეტის თავმჯდომარემ, დიმიტრი ხუნდაძემ განაცხადა.