კახა კუჭავა: პატივი არ სცენ საკუთარ ამომრჩეველს და ბოიკოტი გამოაცხადონ პარლამენტში შესვლაზე, ოპოზიციის მხრიდან უპასუხისმგებლობაა

საერთაშორისო საზოგადოებამ საკუთარი პოზიცია უკვე დააფიქსირა არჩევნების ლეგიტიმაციასთან დაკავშირებით. ჩვენ ვიღებთ მილოცვებს თითქმის ყველა ქვეყნისგან, ევროკავშირის ქვეყნებისგან, მოვისმინეთ ამერიკისგანაც, - ამის შესახებ პარლამენტის პირველმა ვიცე-სპიკერმა კახა კუჭავამ „დღის ქრონიკაში“ განაცხადა.​

„მოვისმინეთ კრიტიკული განცხადებებიც, რომ ეს არის უპასუხისმგებლობა ოპოზიციის მხრიდან, პატივი არ სცენ საკუთარ ამომრჩეველს და ბოიკოტი გამოაცხადონ პარლამენტში შესვლაზე. დღეს ჩვენ ვისაუბრეთ ოდირის დამკვირვებლებთან ერთად. ჩვენ გავიარეთ ძალიან დიდი და საინტერესო გზა იმისთვის, რომ ჩვენ მიგვეღო ის საკანონმდებლო საკონსტიტუციო ცვლილებები, რომელიც უზრუნველყოფდა საქართველოს პარლამენტში მრავალპარტიულობას. მიუხედავად იმისა, რომ ოპოზიციამ მხარი არ დაუჭირა, ჩვენ შევძელით იმ ერთობის შექმნა, რომელმაც საბოლოოდ ეს ცვლილებები მიიღო და მან დაიმსახურა ძალიან დიდი მოწონება მთლიანად საერთაშორისო საზოგადოებისგან. რაც ყველაზე მთავარია, ამ გადადგმულ ნაბიჯებს მოჰყვა კონკრეტული შედეგი. დღეს საქართველოში, 25 წლის შემდეგ პირველად გვაქვს მრავალპარტიული პარლამენტი და ეს არის ძალიან დიდი მიღწევა. თუმცა არის ორი მნიშვნელოვანი კომპონენტი, ოპოზიციის წარმომადგენლობა პარლამენტში ასეთი დიდი ჯერ არ ყოფილა და რაც ყველაზე მთავარია - ცვლილებები, რომელიც ჩვენ განვახორციელეთ, როგორც საკონსტიტუციო ასევე რეგლამენტის ცვლილებები, ოპოზიციას აძლევს ძალიან დიდ უფლებამოსილებას უფრო ეფექტიანად განახორციელოს თავისი ფუნქციები, მათ სორის ზედამხედველობის ფუნქციები მთავრობაზე. მათ ბოლო ორი წელი გაატარეს ფაქტობრივად ბოიკოტში და არ აქვთ სურვილი იყვნენ პარლამენტში იმისთვის, რომ იმსჯელონ კანონპროექტებზე ან ქვეყნის მომავალზე. მათი ერთადერთი სურვილი არის რადიკალიზაცია პოლიტიკური სპექტრის, პოლარიზაცია და ამის შემდეგ აუცილებლად პოლიტიკაში დაბრუნება. თუმცა ამას წყვეტს ხალხი და ხალხმა 31 ოქტომბერს როდესაც მხარი დაუჭირა, უკვე მესამედ „ქართულ ოცნებას““, - განაცხა კუჭავამ.