ნინო ბურჯანაძე სირცხვილის კორიდორებზე: რომ გაივლით, თუ გეკუთვნით მიიღებთ შეურაცხყოფას, თუ არ გეკუთვნით, არ მიიღებთ

ეს არ არის იმდენად სირცხვილის კორიდორი, რამდენად უფრო გამოფხიზლების, ასე ვთქვათ, - ასე გამოეხმაურა პაატა დავითაია „ნაცმოძრაობის“ ინიციატივას საპარლამენტო არჩევნების მეორე ტურში საარჩევნო უბნებთან სირცხვილის კორიდორების მოწყობის შესახებ.

„თუ რომელიმე ამომრჩეველი თვლის, რომ „ქართული ოცნების“ ხმა დაცული უნდა იყოს და ბურჯანაძის, მელიას, უგულავას, „ლელოს“ ან სხვა პარტიის ხმა მოპარული უნდა იქნას, მაშინ ასეთმა ამომრჩეველმა უნდა გაიაროს სირცხვილის კორიდორში. მაგრამ რიგითმა ამომრჩეველმა, რომელსაც უნდა სამართლიანი არჩევნები, მაგრამ მხარს უჭერს „ქართულ ოცნებას“, რა თქმა უნდა, მას ამის უფლება აქვს. თვითონ მიხვდება ადამიანი. რომ გაივლით შეურაცხყოფას, თუ გეკუთვნით, მიიღებთ, თუ არ გეკუთვნით, არ მიიღებთ“, - განაცხადა ბურჯანაძემ.

„ერთიანი ნაციონალური მოძრაობის" ერთ-ერთმა ლიდერმა, ლევან ვარშალომიძემ გუშინ განაცხადა: „21 ნოემბერს დავდგეთ ყველა საარჩევნო უბანზე და სირცხვილის კორიდორი გავაკეთოთ, ვნახოთ რამდენი ჰყავს „ქართულ ოცნებას" მხარდამჭერი“.