ჯეჯელავა საგამოცდო ცენტრებში მაღალი სიცხის გამო შექმნილ პრობლემებს გამოეხმაურა

განათლების მინისტრმა დღეს, საგამოცდო ცენტრებში სიცხის გამო შექმნილი პრობლემების შესახებ, ჟურნალისტების კითხვებს უპასუხა. „გამოცდები სტრესია და სადაც არის კონდიციონერი, სამწუხაროდ, გულის წასვლის შემთხვევები იქაც ფიქსირდება“, - განაცხადა ალექსანდრე ჯეჯელავამ.

„სამწუხაროდ, გამოცდების დაწყების პერიოდს დაემთხვა ტემპერატურის მნიშვნელოვანი ზრდა. იმედი გვაქვს, რომ ყველა ცენტრში გვექნება კონდიციონერი. რაც შეეხება იმ შემთხვევებს, როცა კონდიციონერს არ რთავენ, ზოგჯერ ადგილი აქვს ტექნიკურ პრობლემას. სამწუხაროდ, ზოგჯერ ისეთი ვითარება გვაქვს, რომ ის პირიქით ხელს უშლის რომელიმე აბიტურიენტს. ეს ის თემაა, რის გამოსწორებაზეც უნდა ვიმუშაოთ. რაც შეეხება ერთიან ეროვნულ გამოცდებს. ის გეგმიურად მიდის, სერიოზული ხარვეზები არ ფიქსირდება“, - ამბობს განათლების მინისტრი.