ჯეჯელავა: უფასო ფაკულტეტებზე მოსახვედრად ქულები უფრო მაღალი იქნება, ვიდრე ფასიანზე

განათლების მინისტრმა დღეს უფასო ფაკულტეტებთან დაკავშირებით, ჟურნალისტების მიერ დასმულ კითხვას უპასუხა. „სამწუხაროდ, უფასო ფაკულტეტები ზოგჯერ, არც ისე კარგი აკადემიური მოსწრების მქონე სტუდენტების მისადგომი გახდა“, - აცხადებს ალექსანდრე ჯეჯელავა.

მინისტრის განმარტებით, ე.წ. უფასო ფაკულტეტების წლევანდელი სია, პრაქტიკულად, უცვლელია და ჩამონათვალს ერთი დაემატა, რომელიც უახლოეს დღეებში, გამოქვეყნების შემდეგ გახდება ცნობილი. 

განათლების მინისტრი მომავალში უფასო ფაკულტეტებთან დაკავშირებით სიახლესაც აანონსებს. „მომავალ წელს, უფასო ფაკულტეტების რაოდენობა გაიზრდება, თუმცა ქულები რომლებიც უფასო ფაკულტეტზე მოსახვედრათ აბიტურიენტებს დასჭირდებათ, ფასიან ფაკულტეტებზე უფრო მაღალი იქნება“, - განაცხადა ალექსანდრე ჯეჯელავამ.