ოლივერ ვარჰეი: საჯარო შესყიდვებისა და სხვა მიმართულებით საკანონმდებლო რეფორმები პოზიტიურად შეფასდა

ჩვენ გვჭირდება ეკონომიკური ზრდა და დასაქმება, ამაზე შევთანხმდით. ზრდა და დასაქმება სწრაფად, რადგან ესაა ნებისმიერი ეკონომიკური აღმასვლისა და მდგომარეობის დაძლევის საწინდარი, - ამის შესახებ ევროკომისარმა ევროპული სამეზობლო პოლიტიკისა და გაფართოების საკითხებში, ოლივერ ვარჰეიმ, საქართველოს პრემიერ-მინისტრ ირაკლი ღარიბაშვილთან ერთობლივ პრესკონფერენციაზე განაცხადა

„მეტად ხელმისაწვდომი ხიდები უნდა არსებობდეს საქართველოსა და ევროკავშირს შორის. შავი ზღვის უსაფრთხოების საკითხებიც განვიხილეთ, ასოცირებისა და დაახლოების ჰარმონიზაციის კუთხითაც. პოზიტიურად შეფასდა საჯარო შესყიდვებისა და სხვა მიმართულებით საკანონმდებლო რეფორმები, სასამართლო სისტემის რეფორმა და სამართლის უზენაესობა აღინიშნა, როგორც მნიშვნელოვანი ასპექტები“, - განაცხადა ვარჰეიმ.

მისივე თქმით, ასოცირების საბჭოს სხდომაზე სიღრმისეულად და დეტალურად განიხილეს ასოცირების შეთანხმების განხორციელება და საქართველოს მოქალაქეებისთვის ხელშესახები სარგებლის მიღების მნიშვნელობაზე ისაუბრეს.