შალვა პაპუაშვილი: „ნაციონალურმა მოძრაობამ“ და „ევროპულმა საქართველომ“ კიდევ ერთხელ დაადასტურეს, რომ არიან დესტრუქციის მთავარი წყარო

პოლიტიკური პატიმრები საქართველოში არ არიან, - ამის შესახებ საპარლამენტო უმრავლესობის წევრმა, შალვა პაპუაშვილმა შარლ მიშელის დოკუმენტზე ხელმოწერის ცერემონიის დასრულების შემდეგ განაცხადა.

მისი თქმით, „ნაციონალურმა მოძრაობამ“ და „ევროპულმა საქართველომ“ კიდევ ერთხელ დაადასტურეს, რომ არიან დესტრუქციის მთავარი წყარო

„რაც შეეხება სისხლის სამართლის საქმეებს, არის ჩანაწერი, მათ შორის მოვისმინეთ პრეზიდენტის განცხადება, მნიშვნელოვანი და რთული გადაწყვეტილება იყო, რომელიც მან მიიღო. ვიცით, რომ 2020 წელს მან შეიწყალა ორი მსჯავრდებული და ვნახეთ რომ მაშინ ოპოზიციამ ეს საერთოდ ვერ დაინახა, რა ნაბიჯი იყო ეს. „ნაციონალურმა მოძრაობამ“ და „ევროპულმა საქართველომ“, როგორც პარტიებმა კიდევ ერთხელ დაადასტურეს, რომ არიან დესტრუქციის მთავარი წყარო ამ ქვეყანაში. სამწუხაროდ, ეს ასეა და საბედნიეროდ, ეს ყველამ დავინახეთ და ეს გაცხადდა“, – განაცხადა შალვა პაპუაშვილმა.

შარლ მიშელის მიერ წარდგენილ დოკუმენტს - „საქართველოს წინსვლის გზა“ პარტიებმა ხელი ოფიციალურად მოაწერეს.

საქართველოს პრეზიდენტმა, სალომე ზურაბიშვილმა საგანგებო ბრიფინგზე განმარტა, თუ რა შემთხვევაში შეიწყალებს გიორგი რურუას.