არჩილ თალაკვაძე: გიორგი ვაშაძეს რომელი ჰალსტუხიც მოეწონება, იმას გავუგზავნი, ნამდვილად არ არის პრობლემა​

ნამდვილად არ არის მაგის პრობლემა, რომელი ჰალსტუხიც მოეწონება, გავუგზავნი, - ასე პასუხობს უმრავლესობის ერთ-ერთი ლიდერი არჩილ თალაკვაძე „სტრატეგია აღმაშენებლის“ ლიდერის, გიორგი ვაშაძის განცხადებას, რომ ამნისტიის აქტთან დაკავშირებულ დეტალებზე არჩილ თალაკვაძესთან ისეთი ცხარე დებატები ჰქონდა, რომ „კინაღამ ჰალსტუხი შემოახია“.

პარლამენტის ყოფილმა თავმჯდომარემ ამის შესახებ „პალიტრანიუსის“ ეთერში ისაუბრა.

„მინდა დაგიდასტუროთ, რომ ის მართლაც განიცდიდა და ნერვიულობდა ნიკანორ მელიასთან დაკავშირებით, მათ შორის თავის ოპოზიციონერ კოლეგებთან ჰქონდა კამათი და ის დაამშვიდეს. ნამდვილად არ არის მაგის პრობლემა, რომელი ჰალსტუხიც მოეწონება, მას გავუგზავნი“, - განაცხადა არჩილ თალაკვაძემ..