ლევან ნიკოლეიშვილი: ბიძინა ივანიშვილის შეფასება განსაკუთრებით საყურადღებოა იმ ფონზე, როდესაც გახარიასა და მისი პარტიის შესახებ უამრავი სპეკულაცია გაისმა

ბიძინა ივანიშვილის შეფასება მით უფრო საყურადღებოა, განსაკუთრებით კი იმ ფონზე როდესაც გახარიას და მისი პარტიის შესახებ უამრავი სპეკულაცია გაისმა, - ექსპერტი ლევან ნიკოლეიშვილი ბიძინა ივანიშვილის განცხადებას სოციალურ ქსელში ეხმიანება.

,,ბიძინა ივანიშვილი პოლიტიკიდან წავიდა, მაგრამ საქართველოში ცხოვრობს და თუ იმასაც გავითვალისწინებთ, რა რისკის ფასად შემოვიდა პოლიტიკაში, ასევე თუ გავიხსენებთ, ვისი დამსახურებაა, რომ პირველად დამოუკიდებელი საქართველოს ისტორიაში, ვისი დამსახურებით გახდა შესაძლებელი არჩევნების გზით ხელისუფლების შეცვლა, ურიგო არ იქნება! ადამიანი, რომელსაც ასეთი პოლიტიკური ნაბიჯი აქვს გადადგმული (აქ მის ქველმოქმედებაზე ცხადია არ ვისაუბრებ), ცხადია, გულგრილი ვერ დარჩებოდა ბოლო დროს განვითარებულ მოვლენებთან დაკავშირებით.

ბატონი ივანიშვილის შეფასება მით უფრო საყურადღებოა, განსაკუთრებით კი იმ ფონზე, როდესაც გახარიასა და მისი პარტიის შესახებ უამრავი სპეკულაცია გაისმა: ბიძინა ივანიშვილი გიორგი გახარიას საქციელს მოღალატის ტოლფასად აფასებს, გაქცევა პასუხისმგებლობიდან კრიტიკულ დროს, როდესაც გახარიას კანონის უზენაესობა დააყენა ეჭვქვეშ, რაც ასევე საგულისხმოა, კატეგორიულად გამორიცხა მისი მხრიდან ფსევდოპარტიების ჩამოყალიბება და მათთან კავშირი! ბატონ ივანიშვილს სწორედ ის პარტია და ის ხალხი მოსწონს, ვინც დღეს კვლავ „ქართულ ოცნებაშია“ და იმ საქმეს აკეთებს, რაც სახელმწიფოსა და ხალხის ინტერესებს ემსახურება!“, - წერს ლევან ნიკოლეიშვილი.

თებერვალში გახარიას ქმედება იყო საკუთარი გუნდისა და სახელმწიფოს ღალატი, - ამის შესახებ ბიძინა ივანიშვილის განცხადებაშია ნათქვამი, რომელიც დღეს გავრცელდა.