მიხეილ სარჯველაძე: ერთმნიშვნელოვნად გამოჩნდა, რომ ინფრასტრუქტურის დარგს ხელმძღვანელობს კვალიფიციური მინისტრი, რომელიც ჩართულია ყველა საკითხის გადაწყვეტაში და ეს საქმეები სრულდება

სასიხარულოა, როდესაც ისმენ მინისტრის დღევანდელ გამოსვლაზე, რომ იყო ზედმიწევნით კვალიფიციური და აბსოლუტურად წუნი არ დაედებოდა. ეს კარგია, რა თქმა უნდა, მაგრამ გაჩნდა იმის შთაბეჭდილებაც, რომ უბრალოდ, ოპონირების რეჟიმი შეუძლებელი იყო, არავითარი შანსი არ ჰქონდა ოპოზიციას და ესეც იყო ერთ-ერთი მაპროვოცირებელი იმის მიზეზი, რის გამოც ცალსახად აღინიშნა ამის შესახებ. ერთმნიშვნელოვნად გამოჩნდა, რომ დარგს ხელმძღვანელობს კვალიფიციური მინისტრი, რომელიც ჩართულია ყველა საკითხის გადაწყვეტაში, ჩართულია კვალიფიციურად, კეთილსინდისიერად და ეს საქმეები სრულდება, - ამის შესახებ ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ მიხეილ სარჯველაძემ პლენარულ სხდომაზე განაცხადა, სადაც დეპუტატები რეგიონული განვითარებისა და ინფრასტრუქტურის მინისტრს, ირაკლი ქარსელაძეს მინისტრის საათის ფორმატში უსმენდნენ.

მიხეილ სარჯველაძის განცხადებით, ოპონენტების მხრიდან გაჟღერებული კრიტიკა და ნაკლოვანებებზე საუბარი იყო მცდელობა გადაფარულიყო საქმე, რომელიც სამინისტროს მიერ კეთდება. თუმცა, მისივე თქმით, მსგავსი მარტივი რიტორიკით არ გადაიფარება ის, რაც სიმართლეს არ შეესაბამება.

„გამოჩნდა ასევე მნიშნელოვანი რამდენიმე თემა, რომელზეც მცდელობა იყო დაფარულიყო, ის რაც ნამდვილი საქმეა, და ისეთ ნაკლოვანებებზე საუბარიც, რომელიც რა თქმა უნდა ნაკლებ ხარისხოვანია. იყო აღიარება იმისა, რომ უზარმაზარი თანხები, რომელიც არნახულია საქართველოსთვის იხარჯება დღეს ინფრასტრუქტურულ გაუმჯობესებაზე, მათ შორის, რეგიონების. არ შეიძლება ასეთი რიტორიკით გადავფაროთ ის, რაც ჭეშმარიტებაა და ის, რაც სწორია.

ბევრი მოვისმინეთ ოპონენტების მხრიდან კრიტიკა, რომელიც მართლაც დილეტანტური იყო და არავითარი შანსი, ასეთი გამოსვლის ფონზე და პირობებში არ ქონდათ. არ შეიძლება ასე ყბადაღებულად და ასე დაუსრულებლად, მხოლოდ აღქმების დონეზე ვისაუბროთ მაგალითად ტენდერების გამრუდებასთან დაკავშირებით. დილეტანტურია ეს. ვისაც კი ოდნავ მაინც შეხება ჰქონია ამ პროცედურებთან, ყველასთვის ნათელია, რომ ეს არის გამორიცხული, რომ სერიოზულად ვისაუბროთ იმ ბრალდებებზე, რომელიც გვესმის.

მინდა ვისარგებლო შესაძლებლობით და მადლობა გადაგიხადოთ მათ შორის, ჩვენი კომიტეტისა და ამ სამინისტროს ძალიან კარგი თანამშრომლობისთვის. პირადად თქვენი, მოადგილეების, მთელი გუნდისა და ყველა თანამშრომელს ჩემგან დიდი მადლიერება იმ წვლილისთვის, რომელიც ფიზიკურად, ჩვენი აღმშენებლობის საქმეში შეაქვს თითოეულ ამ ადამიანს თავისი მუხლჩაუხრელი შრომით“, - განაცხადა მიხეილ სარჯველაძემ.