კახა კალაძე: ელექტრონულ არჩევნებზე გადაწყვეტილება წინ გადადგმული ნაბიჯია, ყველაფერს გავაკეთებთ, რომ ზედმიწევნით შესრულდეს თორმეტივე პუნქტი, რათა ქვეყანამ კანდიდატის სტატუსი მალე მიიღოს

თბილისის მერის კახა კალაძის შეფასებით, ელექტრონული აპარატურის გამოყენებით ამომრჩეველთა რეგისტრაციისა და ხმის მიცემის წესის ფართოდ დანერგვასთან დაკავშირებით მიღებული გადაწყვეტილება კიდევ ერთი წინ გადადგმული ნაბიჯია.

მისი თქმით, უმრავლესობა ყველაფერს გავაკეთებთ, რომ თორმეტივე პუნქტი ზედმიწევნით შესრულდეს.

„დღეს მოვისმინეთ პარტიის თავმჯდომარის ინიციატივა, რაც ძალიან კარგია, მნიშვნელოვანია, კიდევ ერთი წინ გადადგმული ნაბიჯია. მე, როგორც ამ ქვეყნის მოქალაქე, მივესალმები ამ გადაწყვეტილებას და ძალიან მიხარია, რომ ჩვენ ყველა ნაბიჯს ვდგამთ, რათა რაც შეიძლება ძალიან სწრაფად, კიდევ უფრო მჭიდროდ დავუახლოვდეთ იმ დიდ ოჯახს, რასაც ევროპა ჰქვია. ასევე, დათქმებთან დაკავშირებითაც გაკეთდა დღეს განცხადებები. ჩვენ ყველაფერს გავაკეთებთ, რომ თორმეტივე პუნქტი ზედმიწევნით იყოს შესრულებული, რათა რაც შეიძლება მალე, ჩვენმა ქვეყანამ კანდიდატის სტატუსი მიიღოს “, - აღნიშნა კახა კალაძემ.

„ქართული ოცნების“ თავმჯდომარემ, ირაკლი კობახიძემ განაცხადა, რომ „ქართული ოცნების“ ინიციატივით, საქართველოში არჩევნები ელექტრონულად ჩატარდება.