გურამ მაჭარაშვილი ლევან ხაბეიშვილზე: როგორც ჩანს, მისტერ ოფშორმა დარეკა იქიდან პირდაპირ ეთერში და მაგ კლოუნს უთხარით, მანდვე მოაწეროს ხელი მელიას გარიცხვაზეო

როგორც ჩანს, მისტერ ოფშორმა დარეკა იქიდან პირდაპირ ეთერში და მაგ კლოუნს უთხარით, მანდვე მოაწეროს ხელი მელიას გარიცხვაზეო, - ამის შესახებ „ხალხის ძალის“ წევრმა გურამ მაჭარაშვილმა განაცხადა.

„ეს არის კლასიკური მაგალითი იმისა, როგორია ოლიგარქიული და არაფორმალური მმართველობა „ნაცმოძრაობაში“. ის, რომ პირდაპირ ეთერში, ჟურნალისტი შემოგიცურებს ქაღალდს და ერთი ხელით ხელს მოაწერ, მეორეზე ალბათ ნიჩურიტი ჰქონდა და თუ რამეს იტყვი, რომ მთლად ბოლომდე არ მოვაწერე ხელიო. ეს არის ზუსტად კლასიკური მაგალითი. როგორც ჩანს მისტერ ოფშორმა დარეკა იქიდან პირდაპირ ეთერში და მაგ კლოუნს უთხარით, მანდვე მოაწეროს ხელი მელიას გარიცხვაზეო. თუმცა, ოფიციალურად ეს გაკეთებული არ არის პარტიაში. მათი აზრით, ხალხის თვალში გარიცხულია მელია და თუ რამეა, ოფიციალურად მელიას ეტყვიან, რომ შენ არ ხარ გარიცხულიო“, - აღნიშნა მაჭარაშვილმა.

„ნაციონალური მოძრაობის“ თავმჯდომარემ ლევან ხაბეიშვილმა ფურცელს, რომელზეც ეწერა, რომ ნიკა მელია პარტიის წევრი აღარ არის, პირდაპირ ეთერში მოაწერა ხელი და განაცხადა, რომ ნიკა მელია არ წარმოადგენს „ნაციონალურ მოძრაობას“, აღარ არის პარტიის წევრი.

მოგვიანებით განცხადება პარტიის სახელითაც გავრცელდა, სადაც ასევე აღნიშნულია, რომ ნიკა მელია არ წარმოადგენს პარტია “ერთიან ნაციონალურ მოძრაობას”, ეს საკითხი დახურულია და პარტია არ აპირებს ამ საკითხზე დამატებითი კომენტარის გაკეთებას.