თორნიკე ჭეიშვილი: ის კურსი, რომელიც ამ უსამშობლოთა დაჯგუფებებს ამოძრავებთ, რომ თანამშრომლობა ნებისმიერ სახელმწიფოსთან თუ საერთაშორისო ორგანიზაციასთან ვასალურ დამოკიდებულებას უნდა ნიშნავდეს, ერთმნიშვნელოვნად არასწორი და მიუღებელია პირველ რიგში ჩვენი საზოგადოებისთვის

იზოლაციაში, კრიზისში და ასეთი ტიპის დაბრკოლებების წინაშე ვინც იმყოფება, რა თქმა უნდა რადიკალურ ოპოზიციას ვგულისხმობ, ეს ჩვენმა საზოგადოებამ ძალიან კარგად იხილა, - განაცხადა „დღის ქრონიკასთან“ იურიდიულ საკითხთა კომიტეტის თავმჯდომარის პირველმა მოადგილემ თორნიკე ჭეიშვილმა.

მისი თქმით, ოპოზიციის პოლიტიკური ხედვები, კერძოდ, ის, რომ მათი კურსი უცხო ქვეყნებისა თუ საერთაშორისო ორგანიზაციების ვასალობას გულისხმობს, ჩვენი საზოგადოებისთვის მიუღებელია.

„სწორედაც ის კურსი, რომელიც ამ რადიკალებს, უსამშობლოთა დაჯგუფებებს ამოძრავებთ, რომ თანამშრომლობა ნებისმიერ სახელმწიფოსთან, საერთაშორისო აქტორთან თუ საერთაშორისო ორგანიზაციასთან რაღაც ვასალურ დამოკიდებულებას უნდა ნიშნავდეს, ერთმნიშვნელოვნად არასწორი და მიუღებელია პირველყოვლისა ჩვენი საზოგადოებისთვის. როდესაც საერთაშორისო საზოგადოება ხედავს იმას, რომ საქართველოს ხელისუფლება არის ერთგული ეროვნული პოლიტიკისა, იმ პოლიტიკისა, რომელიც არის ორიენტირებული ჩვენი მოსახლეობის ინტერესების მაქსიმალურ დაცვაზე, ისინიც საბოლოო ჯამში ხვდებიან რომ ამ არ გამოვა საუბარი საქართველოსთან გარკვეული პიედესტალიდან, როდესაც ისინი დავალებების მიმცემები იქნებიან მხოლოდ და მხოლოდ და შემფასებლები. ასე რომ, თუნდაც ეს ბოლო დღეების ქრონიკა და მილოცვები, რომელიც გაისმა საქართველოსთან მიმართებით, რა თქმა უნდა არის დასტური იმისა, რომ ჩვენი პოლიტიკა ამ შემთხვევაში საგარეო კონტექსტში არის კონკრეტულ შედეგებზე გათვლილი და როდესაც საკუთარ თავს ვცემთ პატივს, ბუნებრივია, სხვებისგანაც აუცილებლად მივიღებთ იმავეს“, - განაცხადა ჭეიშვილმა.