Коммерсантъ: ჟენევის დისკუსიის მონაწილეები ძალის გამოუყენებლობაზე დეკლარაციის მიღებას გეგმავენ

„ამიერკავკასიას ზეპირი მშვიდობისთვის ამზადებენ“, - ამ სათაურით აქვეყნებს სტატიას რუსული „კომერსანტი“. გაზეთი წერს, რომ საქართველოს საკითხზე შექმნილი ჟენევის დისკუსიის მონაწილეები ძალის გამოუყენებლობაზე დეკლარაციის მიღებას გეგმავენ.

„კომერსანტისთვის ცნობილი გახდა, რომ სამხრეთ კავკასიაში უსაფრთხოებისა და სტაბილურობის შესახებ ჟენევის კონსულტაციების მორიგ რაუნდზე შეიძლება დიდი ხნის ნანატრ გარღვევას მიაღწიონ. საქართველო, აფხაზეთი, სამხრეთ ოსეთი, რუსეთი და აშშ, ასევე დისკუსიების თანათავმჯდომარეები - ევროკავშირი, გაერო და ეუთო - რეგიონის  ურთიერთობებში ძალის გამოუყენებლობის შესახებ ერთობლივი დეკლარაციის მიღებას გეგმავენ. ამ დოკუმენტის შესახებ დისკუსია თითქმის ათი წლის განმავლობაში მიმდინარეობს. საქართველოს სახელმწიფო სტრუქტურებში ამ დოკუმენტზე მის მიღებამდე კომენტარს არ აკეთებენ. ქართულ ოპოზიციას კი მიაჩნია, რომ დეკლარაციაზე ხელის მოწერა იქნება „ქვეყნის ფუნდამენტური ინტერესების ღალატი“, რომელსაც მთავრობას გადაყენების მოტხოვნა შეიძლება მოჰყვეს“, - წერს რუსული „კომერსანტი“

ჟენევის დისკუსიები 2008 წლის რუსეთ-საქართველოს შემდეგ, ოქტომბერში რუსეთის და საფრანგეთის იმდროინდელი პრეზიდენტების დიმიტრი მედვედევის და ნიკოლა სარკოზის შეთანხმების შესაბამისად ამოქმედდა. მასში მონაწილეობენ საქართველოს, რუსეთის, აშშ-ის აფსაზეთის, სამხრეტ ოსეთის წარმომადგენლები. დისკუსიების თანათავმჯდომარეები არიან ევროკავშირი, გაერო და ეუთო.

"აფხაზეთი და სამხრეთ ოსეთი ამ წლების განმავლობაში ამტკიცებდნენ, რომ აუცილებელია საქართველოს მხრიდან მათ მიმართ ძალის გამოუყენებლობის შესახებ დეკლარაციის მიღება. რუსეთი მათ მხარს უჭერდა და მსგავსი ვალდებულებების გარანტად ყოფნის მზადყოფნას გამოთქვამდა (მატ შორის აშშ-სთან ა ევროკავშირთან ერთად). თუმცა საქართველოს ხელისუფლება მოითხოვდა, რომ ასეთივე ვალდებულებები აეღო საქართველოს მიმართ რუსეთსაც. მოსკოვი, რომელიც თავის თავს კონფლიქტის მხარედ არ მიიჩნევს, მსგავსი დოკუმენტზე ხელის მოწერა არ უნდოდა.

გარღვევაზე იმედი მას შემდეგ გაჩნდა, რაც კომპრომისი მოიძებნა: დეკლარაციას მიიღებენ ჟენევის დისკუსიის ყველა მხარის სახელით და მას სამართლებრივად სავალდებულო ხასიათი არ ექნება. აფხაზეთმა, სამხრეთ ოსეთმა, რუსეთმა და საქართველომ არაერთხელ წარმოადგინეს მსგავსი განცხადების საკუთარი ვარიანტები, მაგრამ ყოველ ჯერზე რომელიმე ფორმულირება არ მოსწონდა ერთ-ერთ მხარეს. 9 მარტს, აფხაზეთის საგარეო საქმეთა სამინისტროს ხელმძღვანელმა დაურ კოვემ განაცხადა, რომ მომლაპარაკებლები „ძალიან მიუახლოვდნენ“ ერთობლივ დეკლარაციას", - ნათქვამია კომერსანტის სტატიაში.

ჟენევის დისკუსიების მორიგი რაუნდის გამართვა 27-28 მარტს იგეგმება.