საჯარო სამსახურის შესახებ კანონპროექტზე პოლიტიკურ წრეებში აზრთა სხვადასხვაობაა

პრეზიდენტის ადმინისტრაციაში მიმდინარე შეხვედრაზე არასამთავრობო ორგანიზაციები “საჯარო სამსახურის შესახებ“ კანონში დაგეგმილ ცვლილებებს განიხილავენ.

მესამე სექტორის შეფასებით ცვლილებების მიხედვით, პრეზიდენტის ადმინისტრაციაში დასაქმებულ საჯარო მოსამსახურეებთან ადმინისტრაციული ხელშეკრულებები გაფორმდება, რაც მიუღებელია და ეწინააღმდეგება საჯარო სამსახურის შესახებ რეფორმას. 

ორგანიზაციები ასევე ამბობენ, რომ ეს ცვლილებები ასოცირების ხელშეკრულებით საქართველოს მიერ აღებულ ვალდებულებებს და საკონსტიტუციო სასამართლოს მიერ მიღებულ ზოგიერთ გადაწყვეტილებას ეწინააღდეგება.

"საჯარო სამსახურის შესახებ" კანონპროექტს უარყოფითად აფასებს იუსტიციის მინისტრის ყოფილი მოადგილე ალექსანდრე ბარამიძე. ბარამიძის თქმით, საჯარო სამსახურის შესახებ კანონპროექტი პრეზიდენტის ადმინისტრაციის ყველა თანამშრომელს უსამსახუროდ დატოვებს. შემდგომში პრეზიდენტის გადასაწყვეტი იქნება თუ ვის აღადგენს თანამდებობაზე.

კანონპროექტის მიხედვით, პრეზიდენტის ადმინისტრაციის ყველა თანამშრომელს საჯარო მოხელის სტატუსი უწყდებათ. ისინი ვალდებულები ხდებიან ხელშეკრულება ადმინისტრაციასთან გააფორმონ და სამსახურში კონკურსის გარეშე შეარჩიონ.

საჯარო სამსახურის შესახებ კანონპროექტი გააკრიტიკა პრეზიდენტის ადმინისტრაციის მოქმედმა ხელმძღვანელმა გიორგი აბაშიშვილმაც. მისი თქმით, პარლამენტის მიერ მომზადებული კანონპროექტი ლაჩრული და ვერაგულია.

საპარლამენტო უმრავლესობიდან, დარგობრივი კომიტეტის თავმჯდომარემ რომან კაკულიამ კი განაცხადა, რომ  საჯარო მოხელეთა დაცულობა ერთ-ერთი მთავარი პრიორიტეტია და არ უნდა მიიღონ ისეთი გადაწყვეტილებები, რომლებიც საზოგადოებას და მოხელეებს "გააკვირვებს". თუმცა უმრავლესობის ნაწილი ფიქრობს, რომ პრეზიდენტს ახალი ადმინისტრაციის დაკომპლექტება უნდა შეეძლოს.

ოპოზიცია კი თავის მხრივ, კანონპროექტს აკრიტიკებს და არ ეთანხმება. ს